Puducherry : என்ன மக்களே? புதுச்சேரி புறப்படலாமா? என்ன பார்க்கலாம்? என்ன சாப்பிடலாம்? இதோ முழு விவரம்!
Puducherry : புதுச்சேரி புறப்படலாமா? என்ற இந்த இரண்டு நாள் தொடரில் நீங்கள் புதுச்சேரியில் இரண்டு நாட்கள் தங்கினால் எந்த இடங்களையெல்லாம் பார்க்கலாம் என்ற முழுவிவரங்கள் கொடுக்கப்பட்டுள்ளது. அதை முழுதாக தெரிந்துகொண்டு புதுச்சேரிக்கு செல்லுங்கள்.
சென்னையில் இருந்து சில மணி நேரங்களில் அடையக்கூடிய புதுச்சேரியில் நீங்கள் 2 நாட்கள் என்னவெல்லாம் பார்க்கலாம் என்று தெரிந்துகொள்ளும் வகையில் நேற்று முதல் நாள் என்ன பார்க்கலாம் என்று குறிப்பிட்டு இருந்தோம். செரினிட்டி, ராக், ஆரோவில் பீச்கள், அரவிந்தர் ஆசிரமம் என நீங்கள் முதல் நாளில் பார்த்துவிட்டு, சாப்பிட்டு ரெஸ்ட் எடுத்து அடுத்த நாள் பயணத்துக்கு தயாரானால், இரண்டாம் நாளில் நீங்கள் முதலில் செல்ல வேண்டிய இடமாக வார் மெமோரியல் எனப்படும் போர் நினைவிடம் இருக்கும்.
வார் மெமோரியல்
முதலாம் உலகப்போரில் உயிர் நீத்த தியாகிகளின் நினைவாகக் கட்டப்பட்டதுதான் இந்த வார் மெமோரியல் 1971ம் ஆண்டு இது கட்டப்பட்டது. ராக் பீச்க்கு அருகில் காந்தி சிலைக்கு எதிரில் இது உள்ளது. இங்கும் நீங்கள் கட்டாயம் செல்லவேண்டும். இந்த இடத்தில் நீங்கள் ஒரு மணி நேரம் செலவிட முடியு.ம
மியூசியம்
வரலாறு விரும்பிகள் கட்டாயம் காண வேண்டிய இடங்களுள் மியூசிம் முக்கியமானது. இங்கு சோழர்கள் மற்றும் பல்லவர்களின் ஆட்சி காலம் காட்சிப்படுத்தப்பட்டுள்ளது. இது இயற்கையோடு இயைந்ததாக, பழங்கால மரங்களின் துண்டுகளை அதன் முற்றத்தில் காத்து நிற்கிறது. தேசிய விடுமுறை மற்றும் திங்கட்கிழமைகளில் இது மூடப்பட்டிருக்கும். எனவே அதற்கு ஏற்றாற்போல் நீங்கள் திட்டமிடவேண்டும். இங்கு நீங்கள் செலவிட 2 மணி நேரங்கள் தேவைப்படும்.