Puducherry Street Foods : புதுச்சேரியின் தொருவோர உணவுகள்; பாண்டிச்சேரி பயணத்தை மேலும் இனிமையாக்கும்!
Puducherry Street Foods : 5 ஸ்டார் ஓட்டல்களில் சாப்பிடும் உணவுகளைவிடவும் ஒருவருக்கு மிகவும் பிடித்துப்போவது இந்த ஸ்டீரிட் ஃபுட்ஸ் எனப்படும் சாலையோர அல்லது தெருவோர உணவுகள்தான். புதுச்சேரி சாலையோர உணவுகள் எவை என்று தெரிந்துகொள்ளுங்கள். அங்கு செல்லும்போது கட்டாயம் சுவைக்க மறக்காதீர்கள்.
புதுச்சேரியில் தமிழ் மற்றும் பிரெஞ்ச் இரண்டும் கலந்த உணவுகள் அதிகம் இருக்கும். அதுவும் கேரளா, கர்நாடகா மற்றும் ஆந்திரா ரெசிபிக்களுடன் கலந்திருக்கும். இங்கு அனைத்து உணவுகளும் பெரும்பாலும் ஃபிரஷ்ஷாகவே தயாரிக்கப்படும். அது காபியுடன் சேர்த்து பரிமாறப்படும். இதுதான் ஃபிரெஞ்சு பாரம்பரியமாகும். இங்கு இந்தியன் மற்றும் தந்தூரி உணவுகளும் பிரபலம். இங்கு என்ன தெருவோர உணவுகள் கிடைக்கும் என்று பார்க்கலாம். அதை இங்கு வசிக்கும் மக்களும், சுற்றுலா பயணிகளும் உண்டு மகிழ்கிறார்கள். தெருவோர உணவுகளை சுவைப்பது அந்த இடத்தின் கலாச்சாரத்தை புரிந்துகொள்ளும் வழியாகும். இங்கு தெருவோர உணவுகள் சுத்தமானதாக இருக்கும். இங்கு தள்ளுவண்டியில் பிரபலமாகக் கிடைக்கும் உணவுகள் என்னவென்று பார்க்கலாம்.
சாண்விச்கள்
காய்கறி சாண்விச்கள்தான் இங்கு அதிகம் கிடைக்கும் தெருவோர உணவாகும். பிரட் துண்டுகளுக்கு இடையில் வைக்கப்படும் அந்த ஃபில்லிங்குகளுக்கு அளவே இருக்காது. வித்யாசமாக தயாரிக்கப்படும் சாண்விச்கள் பீச் சாலைகளில் பிரபலம். அங்கு எப்போதும் வாடிக்கையாளர்கள் நிரம்பி வழிவார்கள். அங்கு சரியான நேரத்துக்கு சென்றால் நீண்ட நேரம் காத்திருக்கத் தேவையிருக்காது.
சமோசா
நாடு முழுவதும் சமோசாவுக்கு எப்போதும் தனியிடம் உண்டு. சாலையோரங்களில் மொறுமொறுப்புடன் சூடாக கிடைக்கும் சமோசாவின் சுவையே அலாதியானது. இங்கும் உருளைக்கிழங்கு சமோசா மற்றும் மட்டன் சமோசாக்கள் மிகவும் பிரபலம். ரயில்வே நிலையத்துக்கு எதிரே எண்ணற்ற தள்ளுவண்டிகளில் மட்டன் சமோசாக்கள் விற்பனை அமோகமாக நடைபெறும்.