Puducherry Nethili Kulambu : ‘வீட்டைத் தாண்டி வீசும் கமகம..’ புதுச்சேரி நெத்திலி மீன் குழம்பு சமைக்கலாமா?

வெங்காயம் - 2 (நறுக்கியது)

தக்காளி - 2 (நறுக்கியது)

பச்சை மிளகாய் - 2 (நறுக்கியது)

இஞ்சி-பூண்டு விழுது - 1 டீஸ்பூன்

மஞ்சள்தூள் - 1/2 டீஸ்பூன்

மிளகாய்த்தூள் - 2 டீஸ்பூன்

வெந்தயம் - 1 1/2 டீஸ்பூன்

மஞ்சள் புளி - சிறிதளவு

கருவேப்பிலை - சில

தேங்காய் துருவல் - 1/2 கப்

எண்ணெய் - 2 டீஸ்பூன்

உப்பு - தேவைக்கு ஏற்ப

புதுச்சேரி நெத்திலி மீன் குழம்பு சமையல் குறிப்பு

முதலில் நெத்திலி மீன்களை நன்கு சுத்தம் செய்து தனியாக எடுத்துக் கொள்ளவும். அதன் பின் உப்பு மற்றும் மஞ்சள்தூள் கலந்து, அவற்றை புரட்டி வைத்துக் கொள்ளவும். ஒரு கடாயில் எண்ணெய் ஊற்றி சூடாக்கி, எண்ணெய் சூடானதும்,  வெந்தயத்தை போட்டு அதன் பின், கருவேப்பிலையை அந்த எண்ணெய்யின் சேர்த்து தாளிக்கவும்.

மேலும் படிக்க | புதுச்சேரி ஸ்பெஷல் நத்தை வறுவல் செய்வது எப்படி? அதுப்பற்றிய சமையல் குறிப்பு இதோ

அதன் பின் நறுக்கிய வெங்காயம் மற்றும் பச்சை மிளகாய் சேர்த்து கலவை பொன்னிறமாக மாறும் வரை வறுக்கவும். பின்னர் அரைத்த இஞ்சி-பூண்டு விழுது சேர்த்து , பச்சை வாடை போகும் வரை வதக்கவும். வாசம் வந்த பின், நறுக்கிய தக்காளியை அதில் போட்டு, நன்கு குழையும் வரை வதக்கவும்.  அடிபிடிக்காமல் இருக்க கிண்டி விடலாம். அதன் பின் அதில் மஞ்சள்தூள், மிளகாய்தூள், உப்பு சேர்த்து கலக்கவும்.

மசாலா கவலை நன்கு சூடானதும், ஊற வைத்த புளி கரைசலை அதினுடன் சேர்க்கவும். அத்தோடு தேவையான அளவு தண்ணீர் சேர்த்து சிறிது நேரம் கரைசலை கொதிக்க விடவும். இப்போது  குழம்பாக மாறிய கரைசல் கொதி நிலைக்கு திரும்பும். அப்போது நெத்திலி மீனை அதனுடன்  சேர்த்து, அடுப்பின் வேகத்தை குறைத்து, 10 நிமிடங்கள் வரை மீன் வேகும்படி பார்த்துக் கொள்ளவும்.

மேலும் படிக்க | காரசாரமான சிக்கன் கிரேவி சமைப்பது எப்படி? இதோ அதற்கான சமையல் குறிப்பு

மீன் வெந்ததை உறுதி செய்த பின், ஏற்கனவே அரைத்து வைத்திருந்த தேங்காய் விழுதை அதனுடன் சேர்த்து, கூடுதலாக 2 முதல் 3 நிமிடங்கள் கொதிக்க விடவும். இப்போது சுவையான புதுச்சேரி நெத்திலி மீன் குழம்பு ரெடி. இறுதியில் இறக்கும் முன், கொத்துமல்லியை நறுக்கி, குழம்பின் மீது தூவவும். இது சுவையாகவும், பார்க்க அழகாகவும் உங்கள் குழம்பை மாற்றிவிடும்.