Pregnancy in Summer: கர்ப்பிணிகள் கட்டாயம் சாப்பிட வேண்டிய மற்றும் கோடையில் சாப்பிடக் கூடாத உணவுகளின் பட்டியல் இதோ!

என்ன சாப்பிட வேண்டும்?

கர்ப்பிணிகள் கோடையில் தினமும் தர்பூசணி சாப்பிட வேண்டும். இந்த பழங்கள் நீரழிவைத் தடுக்கின்றன. உடலில் நீர்ச்சத்து அளவை அதிகரிக்கிறது. எலுமிச்சை சாறு, கிவி பழங்கள், கொய்யா, பீச் மற்றும் பிளம் பழங்கள் அதிகமாக உட்கொள்ள வேண்டும். இவை அனைத்திலும் இரும்புச்சத்து அதிகம் உள்ளது. இது நோய் எதிர்ப்பு சக்தியை அதிகரிக்கிறது. இரும்பு மற்றும் நார்ச்சத்து நிறைந்த இரண்டு ஆப்பிள்களை தினமும் சாப்பிடுவது அவசியம்.

தினமும் ஒரு அவகேடோ சாப்பிடுவதும் நல்லது. இதில் நல்ல கொழுப்பு மற்றும் நார்ச்சத்து நிறைந்துள்ளது. ஒரு நாளைக்கு இரண்டு வாழைப்பழம் சாப்பிடுங்கள். மாம்பழம் சாப்பிடுவதால் வைட்டமின் ஏ மற்றும் வைட்டமின் சி சத்துக்கள் அதிகம் கிடைக்கும். நீரும் மிகவும் முக்கியம். நிறைய தண்ணீர் குடிக்க வேண்டும். லஸ்ஸி, தேங்காய் தண்ணீர், மோர் அதிகம் குடிப்பதால் உடலில் நீர்ச்சத்து குறைகிறது. இதேபோல் கோடை காலத்தில் கர்ப்பமாக இருக்கும் பெண்கள் நீர்ச்சத்து உள்ள காய்களையும் அதிகம் எடுத்துக்கொள்வது நல்லது. குறிப்பாக வெள்ளரிக்காய், முள்ளங்கி, சுரைக்காய், பீரக்கங்காய் போன்ற நீர்ச்சத்து நிறைந்த காய்கறிகளை எடுத்துக்கொள்ள வேண்டும்.

எதை சாப்பிடக்கூடாது?

கர்ப்பிணிப் பெண்கள் வீட்டில் தயாரிக்கப்பட்ட உணவுகளையே அதிகம் எடுத்து கொள்ள வேண்டும். வெளியில் கிடைக்கும் மில்க் ஷேக் போன்ற சர்க்கரை கலந்த பானங்களை குறைவாக சாப்பிடுங்கள். சர்க்கரை பானங்கள் மற்றும் உணவுகளை தவிர்க்க வேண்டும். சோடாக்கள் மற்றும் பதப்படுத்தப்பட்ட உணவுகளை தவிர்க்கவும். சர்க்கரை உணவுகளை முற்றிலும் தவிர்க்கவும். சர்க்கரையில் பூஜ்ஜிய கலோரிகள் உள்ளன. அவற்றை உண்பதால் உடல் நலத்திற்கு கேடு தவிர வேறு எந்த நன்மையும் இல்லை.

மேலும் காபி, டீ போன்றவற்றையும் முற்றிலும் தவிர்க்க வேண்டும். கோடையில் காபி, டீ உடலில் நீர்ச்சத்து குறையும். புகைபிடித்தல், மது அருந்துதல் போன்ற பழக்கங்களை முற்றிலுமாக கைவிடுவது நல்லது. அதுமட்டும் இல்லாமல் எண்ணெய்யில் பொரித்த சிப்ஸ் போன்ற உணவுகளை உணவுல் சேர்த்துக்கொள்வதை கண்டிப்பாக தவிர்க்க வேண்டும். பொதுவாக பேக்கரிகளில் வாங்கும் கேக் போன்ற உணவுகளை தவிரிப்பது மிகவும் நல்லது. அவ்வப்போது மருத்துவரிடம் ஆலோசனை பெற்று உணவுகளை எடுத்துக்கொள்வது நல்லது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9