காய்ச்சல், நெஞ்சு சளியைப் போக்கி, உடலுக்கு புத்துணர்ச்சி தரும் கஞ்சி; மழைக்கால ஸ்பெஷல் ரெசிபி!

தேவையான பொருட்கள்

புழுங்கல் அரிசி குருணை – ஒரு கப்

கருப்பு உளுந்து (ஊடைத்தது) – அரை கப்

பனைவெல்லப்பாகு – அரை கப்

ஏலக்காய் – 2

தேங்காய்த் துருவல் – 2 டேபிள் ஸ்பூன்

திப்பிலிப் பொடி – ஒரு டேபிள் ஸ்பூன்

செய்முறை

அடிக்கனமான பாத்திரத்தில் 2 கப் தண்ணீர் விட்டு, கொதிக்கவிடவேண்டும். கொதி வந்தவுடன் அரை மணி நேரம் ஊறவைத்து கழுவி சுத்தம் செய்த அரிசி குருணை மற்றும் கருப்பு உளுந்தை சேர்த்து வேகவைக்கவேண்டும்.

நன்றாக வெந்தவுடன், அதில் திப்பிலிப் பொடி, ஏலக்காய்ப் பொடி, பனைவெல்லப்பாகு மற்றும் தேங்காய்த் துருவல் சேர்த்து நன்றாக கிளறவேண்டும். கஞ்சி பதத்திலே எடுத்து பருகவேண்டும். இதற்கு தொட்டுக்கொள்ள எதுவும் தேவையில்லை.

ஆனால் காய்ச்சல் காலத்தில் சாப்பிடும்போது, ஊறுகாய் மற்றும் அப்பளம் சேர்த்து சாப்பிட சுவை அள்ளும். மழைக்காலத்தில் இந்த கஞ்சியை வாரத்தில் ஒருமுறை கட்டாயம் எடுத்துவந்தால், சளி, இருமல், காய்ச்சல் உங்களை அண்டாது.

குறிப்பாக இது இனிப்பு சுவையில் இருப்பதால் குழந்தைகளும் விரும்பி சாப்பிடுவார்கள். ஒருமுறை ருசித்தால் கட்டாயம் மீண்டும், மீண்டும் ருசிக்கத்தூண்டும் என்பதால் பெரியவர்களுக்கும் பிடிக்கும். திப்பிலியில் உள்ள எண்ணற்ற நற்குணங்கள் உங்கள் உடலுக்கு ஆரோக்கியத்தை அள்ளித்தரும்.

இதுபோன்ற எண்ணற்ற வித்யாசமான ரெசிபிக்கள், தகவல்கள், பண்டிகைக் கால சிறப்பு உணவுகள், பழக்கங்கள், மரபுகள், அழகு குறிப்புகள் மற்றும் ஆரோக்கிய குறிப்புக்கள் தேர்ந்தெடுத்து வழங்கப்பட்டு வருகின்றன. எனவே தகவல்களை தொடர்ந்து பெற்று ஆரோக்கியமான வாழ்வு வாழ வாழ்த்துக்கள்.