தமிழ் செய்திகள்  /  Lifestyle  /  Parenting Tips Want Your Child To Excel In Studies Heres What You Need To Know First

Qualities of Smart People : நீங்கள் ஸ்மார்ட்டாக நடந்துகொள்ள வேண்டுமா? இதோ இந்த விஷயங்களை கற்றுக்கொள்ளுங்கள்!

Priyadarshini R HT Tamil
Mar 11, 2024 03:26 PM IST

Qualities of Smart People : அனைத்து இடங்களிலும் ஸ்மார்ட்டாக நடந்துகொள்பவர்களிடம் உள்ள ஸ்மார்ட் பழக்கங்கள் இவைதான்.

Parenting Tips : உங்கள் குழந்தை படிப்பில் படுசுட்டியாக வேண்டுமா? இதோ இதைத் தெரிந்துகொள்ளுங்கள் முதலில்!
Parenting Tips : உங்கள் குழந்தை படிப்பில் படுசுட்டியாக வேண்டுமா? இதோ இதைத் தெரிந்துகொள்ளுங்கள் முதலில்!

ட்ரெண்டிங் செய்திகள்

ஸ்மார்ட் மக்களிடம் இருக்கும் குணங்கள்

எங்கும் ஸ்மார்ட்டாக நடந்து கொள்பவர்களிடம் சில சிறப்பு குணநலன்கள் இருக்கும். அது அவர்கள் வாழ்வில் முன்னேற உதவும். எனவே இந்த நேர்மறையான குணநலன்களை நாம் பழகவேண்டியது மிகவும் அவசியம். ஸ்மார்ட் மக்களிடம் இருக்கும் 8 குணநலன்கள் என்னவென்று தெரிந்துகொள்ளுங்கள்.

அறிவை வளர்க்கும் ஆர்வம்

ஸ்மார்ட் மனிதர்களிடம், அறிவை தொடர்ந்து வளர்த்துக்கொள்ளும் ஆர்வம் நிறைய இருக்கும். அவர்கள் பல்வேறு விஷயங்கள் குறித்து தெரிந்துகொண்டே இருப்பார்கள். அவர்கள் ஒரு விஷயம் குறித்த புதிய கோணங்களை தெரிந்துகொள்ளவும், கற்றுக்கொள்ளவும் விழைவார்கள்.

வாசிப்பு பழக்கம்

ஒரு நூலகம் திறக்க்ப்படும்போது, ஒரு சிறைச்சாலையின் கதவு அடைக்கப்படும் என்ற கூற்றுக்கிணங்க, வாசித்தல் மக்களை பண்படுத்தும் ஒன்றாகும். ஸ்மார்ட் மக்கள் சிறந்த வாசிப்பாளராகவும் இருப்பார்கள். அவர்கள் புத்தக வாசிப்பை அதிகம் விரும்புவார்கள். வாசிப்பு அவர்களின் அறிவை விரிவுபடுத்தும், வளப்படுத்தும். எனவே அவர்களின் செயல்பாடுகள் அறிவு சார்ந்து இருக்கும்.

விமர்சன சிந்தனை

ஸ்மார்ட் மக்களிடம் விமர்சன சிந்தனை அதிகம் இருக்கும். அவர்கள் எப்போது ஒரு விஷயந்து ஆய்ந்தறிந்து, தொடர்ந்து கேள்விகள் மூலம் அதை தெளிவுபடுத்தி அறிவு பெறுவார்கள். எந்த ஒரு கருத்தையும் அவர்கள் அப்படியே எடுத்துக்கொள்ளமாட்டார்கள்.

தொடர் கற்றல்

ஸ்மார் மக்களிடம் தொடர் கற்றல் இருக்கும். அதிக அறிவானவர்களிடம் உள்ள முக்கிய திறமையாக தொடர்ந்து கற்பது இருக்கும். அவர்கள் புதிய திறன்களை தொடர்ந்து கற்றுக்கொண்டே இருப்பார்கள். அதன்மூலம் அவர்களின் அறிவு விரிவடையும்.

தற்பெருமை கொள்ளமாட்டார்கள்

ஸ்மார்ட் மக்கள் எப்போது தங்களின் அறிவு, திறமை மற்றும் சாதனைகள் குறித்து தற்பெருமை அடித்துக்கொள்ள மாட்டார்கள். அது அவர்களின் கடமை என்று உணர்ந்திருப்பார்கள். மற்றவர்கள் முன்னிலையில் அமைதியான இருப்பார்கள். அவர்கள் அதுபோல் இருப்பதுதான் அவர்களை மேலும் ஸ்மார்ட்டாக இருக்க வைக்கிறது.

வளர்ச்சி மனநிலை

ஸ்மார்ட் மக்கள், எப்போதும் முற்போக்கு மற்றும் வளர்ச்சி மனநிலையை கொண்டிருப்பார்கள். அவர்கள் புதிய திறன்களை கற்க முயற்சிப்பார்கள். அவர்கள் சுய முன்னேற்றத்தில் நம்பிக்கை கொண்டிருப்பார்கள்.

சுய அக்கறை

ஸ்மார்ட் மக்கள் சுய அக்கறை கெண்டவர்களாக இருப்பார்கள். சுயஅக்கறை பழக்கங்களுக்கு முக்கியத்துவம் கொடுப்பார்கள். அவர்களுக்கு நேர்மறை சிந்தனைகள் இருக்கும். அவர்கள் ஆரோக்கியமான வாழ்க்கை முறையை மேற்கொள்வார்கள். அவர்களின் தேர்வுகள் அனைத்தும் அவர்களின் வாழ்க்கை முறையை முன்னேற்றுவதாக இருக்கும்.

தோல்விகளில் இருந்து பாடம் கற்பார்கள்

ஸ்மார்ட் மக்கள் தோல்விகளில் இருந்து பாடம் கற்பவர்களாக இருப்பார்கள். அவர்கள் தெரியாமல் தவறுகள் நேர்ந்துவிட்டால் அதை ஏற்பார்கள். அவர்கள் தோற்றுவிட்டால், அதிலிருந்து பாடம் கற்பார்கள். தோல்விகளை அவர்கள் கற்றல் அனுபவமாக பார்க்க முயற்சிப்பார்கள். அது அவர்களை சிறந்த நபர்களாக காட்டும். அவர்கள் தொடர்ந்து கற்பதில் தங்களை ஈடுபடுத்திக்கொண்டு வாழ்வில் முன்னேறுவார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

WhatsApp channel

டாபிக்ஸ்