தமிழ் செய்திகள்  /  லைஃப்ஸ்டைல்  /  Papaya Benefits: காலையில் வெறும் வயிற்றில் பப்பாளி சாப்பிடுவதால் கிடைக்கும் நன்மைகள் இதோ!

Papaya Benefits: காலையில் வெறும் வயிற்றில் பப்பாளி சாப்பிடுவதால் கிடைக்கும் நன்மைகள் இதோ!

Pandeeswari Gurusamy HT Tamil
Apr 05, 2024 06:00 AM IST

Papaya Benefits: பப்பாளி பழத்தை தினமும் வெறும் வயிற்றில் சாப்பிடுவதால் பல ஆரோக்கிய நன்மைகள் கிடைக்கும். ஒரு நாள் இரண்டு நாள் அல்ல. இப்படி ஒரு மாதம் சாப்பிடுங்கள். உங்களுக்குள் ஏற்படும் மாற்றங்களை நீங்கள் உணர்வீர்கள். இது சருமத்தை பொலிவாக்குவது மட்டுமின்றி உடலை ஆரோக்கியத்தையும் வைக்க உதவுகிறது.

காலையில் வெறும் வயிற்றில் பப்பாளி சாப்பிடுவதால் கிடைக்கும் நன்மைகள் இதோ!
காலையில் வெறும் வயிற்றில் பப்பாளி சாப்பிடுவதால் கிடைக்கும் நன்மைகள் இதோ!

ட்ரெண்டிங் செய்திகள்

பப்பாளியை அதிகாலையில் உட்கொள்வதால், பப்பைன் போன்ற நொதிகளின் மூலம் செரிமான அமைப்புக்கு நாள் முழுவதும் உதவுகிறது. இந்த நொதிகள் புரதங்கள், கார்போஹைட்ரேட்டுகள் மற்றும் கொழுப்புகளின் செரிமானத்திற்கு அவசியம். பப்பாளி பழத்தை வெறும் வயிற்றில் சாப்பிடுவதால் இந்த நொதிகள் மிகவும் சிறப்பாக செயல்படும். மேலும் வீக்கம், வாயு மற்றும் அஜீரணம் போன்ற பிரச்சனைகளைத் தடுக்கிறது.

பப்பாளியில் வைட்டமின் சி அதிகம் உள்ளது. இது நோயெதிர்ப்பு மண்டலத்தை மேலும் பலப்படுத்துகிறது. பப்பாளி பழத்தை வெறும் வயிற்றில் சாப்பிடுவது, நோய்த்தொற்றுகள் மற்றும் நோய்களை எதிர்த்துப் போராட தேவையான வெள்ளை இரத்த அணுக்கள் உற்பத்திக்கு உதவுகிறது.

உடல் எடையை குறைக்க நினைப்பவர்களுக்கு பப்பாளி ஒரு நல்ல உணவு. இதில் கலோரிகள் மிகவும் குறைவு. சத்து நிறைந்தது. அதனால் எவ்வளவு சாப்பிட்டாலும் உடல் எடை அதிகரிக்காது. பப்பாளியை வெறும் வயிற்றில் சாப்பிட்டால், அன்று மற்ற உணவுகளை சாப்பிடுவது குறைந்து விடும். இது கலோரிகளை எரிக்கவும் முடியும்.

பளபளக்கும் தோல்

பளபளப்பான சருமத்தை பெற விரும்பினால், தினமும் பப்பாளி பழத்தை சாப்பிடுவதை வழக்கமாக்கிக் கொள்ளுங்கள். இதில் வைட்டமின் சி மற்றும் பீட்டா கெரட்டின் நிறைந்துள்ளது. அவை சருமத்தை சேதப்படுத்தும் ஃப்ரீ ரேடிக்கல்களிலிருந்து பாதுகாக்கின்றன. சருமத்தை பிரகாசமாகவும் இளமையாகவும் மாற்றுகிறது. சருமத்தின் நிறம் மேம்படுவது மட்டுமல்லாமல், சரும செல்கள் பளபளப்பாகும்.

மலச்சிக்கல் உள்ளவர்கள் தினமும் பப்பாளி பழத்தை சாப்பிடுவதை வழக்கமாக்கிக் கொள்ள வேண்டும். இதில் நார்ச்சத்து அதிகம் உள்ளது. அதனால் ஒவ்வொரு உணவையும் செரிக்கிறது. குடல் இயக்கத்தையும் தூண்டுகிறது. இது மலச்சிக்கல் போன்ற பிரச்சனைகளை தடுக்க உதவுகிறது.

இதய ஆரோக்கியம்

எதிர்காலத்தில் இதய பிரச்சனைகள் வராமல் இருக்க இன்று முதல் பப்பாளி பழத்தை தவறாமல் சாப்பிடுவதை வழக்கமாக்குங்கள். பப்பாளியில் பொட்டாசியம் நிறைந்துள்ளது. இது இரத்த அழுத்தத்தைக் கட்டுப்படுத்துகிறது. இருதய ஆரோக்கியத்தைப் பாதுகாக்கிறது. இரத்த அழுத்த அளவை கட்டுக்குள் வைத்திருக்கும். இது மாரடைப்பு மற்றும் இதய நோய் அபாயத்தை வெகுவாகக் குறைக்கிறது.

பப்பாளியுடன் உங்கள் நாளைத் தொடங்குவது உங்களுக்கு நிறைய உயிர்ச்சக்தியைத் தருகிறது. வைட்டமின் சி, பொட்டாசியம், வைட்டமின் ஏ, வைட்டமின் ஈ, வைட்டமின் கே... என அனைத்தும் உடலுக்குக் கிடைக்கும். அதனால் நாள் முழுவதும் மந்தமாக இல்லாமல் உற்சாகமாக இருப்பீர்கள்.

பப்பாளியில் பீட்டா கெரட்டின் நிறைந்துள்ளது. இந்த பீட்டா கெரட்டின் உடலில் வைட்டமின் ஏ ஆக மாறுகிறது. வைட்டமின் ஏ நமது கண் ஆரோக்கியத்திற்கு இன்றியமையாதது. பப்பாளியை வெறும் வயிற்றில் உட்கொள்வதால் கண்களின் ஆரோக்கியம் மேம்படும். பப்பாளியில் உள்ள இயற்கை சர்க்கரைகள் உடனடி ஆற்றலை வழங்குகின்றன. பப்பாளி சாப்பிட்ட பிறகு நீங்கள் சுறுசுறுப்பாக இருப்பதை உணர முடியும்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

WhatsApp channel

டாபிக்ஸ்