வெங்காய தொக்கு : சாதம், டிஃபன் இரண்டுக்கும் ஏற்றது; நீண்ட நாட்கள் வரும்; நீங்கள் பிசியாக இருக்கும்போது சாப்பிட உதவும்!

• வெந்தயம் – அரை ஸ்பூன்

• வரமல்லி – அரை ஸ்பூன்

• சீரகம் – அரை ஸ்பூன்

• கஷ்மீரி மிளகாய் – 15

(ஒரு கடாயில் எண்ணெய் சேர்த்து அது சூடானவுடன் அதில், கடுகு, வெந்தயம், வரமல்லி, சீரகம் மற்றும் கஷ்மீரி மிளகாய் சேர்த்து நன்றாக பொரியவிடவேண்டும். பின்னர் அதை ஆறவிட்டு, மிக்ஸி ஜாரில் சேர்த்து அரைத்துக்கொள்ளவேண்டும்)

வதக்கி அரைக்க தேவையான பொருட்கள்

• எண்ணெய் – ஒரு ஸ்பூன்

• பெரிய வெங்காயம் – 4 (நீளவாக்கில் நறுக்கியது)

• உப்பு – தேவையான அளவு

• புளி – பெரிய நெல்லிக்காய் அளவு

(ஒரு கடாயில் எண்ணெய் சேர்த்து அது சூடானவுடன், அதில் வெங்காயம், உப்பு, புளி சேர்த்து நன்றாக வதக்கிக்கொள்ளவேண்டும். இதை ஆறவைத்து அரைத்துக்கொள்ளவேண்டும்)

தாளிக்க தேவையான பொருட்கள்

• நல்லெண்ணெய் – ஒரு கப்

• கடுகு – ஒரு ஸ்பூன்

• பூண்டு – 20 பல்

• வர மிளகாய் – 2

• கறிவேப்பிலை – ஒரு கொத்து

• பெருங்காயப் பொடி – கால் ஸ்பூன்

மேலும் வாசிக்க - மருதாணி இலைகள் இல்லாமலே பாரம்பரிய முறையில் மருதாணி வைக்க முடியும்! எப்படி தயாரிப்பது?

மேலும் வாசிக்க - சீஸ் பராத்தா; குழந்தைகளுக்கு மிகவும் பிடிக்கும்; ஒருமுறை ருசித்தால் மீண்டும் கேட்பீர்கள்!

செய்முறை

1. ஒரு கடாயில் எண்ணெய் சேர்த்து அது சூடானவுடன், அதில் கடுகு போட்டு வெடிக்கவிடவேண்டும். அடுத்து பூண்டு பற்கள், கறிவேப்பிலை மற்றும் வரமிளகாயை சேர்த்துக்கொள்ளவேண்டும். அடுத்து பெருங்காயப் பொடியை சேர்க்கவேண்டும்.

2. இதில் அரைத்து வைத்துள்ள பொடி மற்றும் அரைத்த வெங்காய விழுது சேர்த்து நன்றாக கிளறிவிட்டுக்கொண்டே இருக்கவேண்டும். நன்றாக எண்ணெய் பிரிந்து வரும் வரை நீண்ட நேரம் கிளறிவிட்டு இறக்கினால் சூப்பர் சுவையான வெங்காயத் தொக்கு தயார்.

மேலும் வாசிக்க - முட்டை பொடிமாஸ் மசாலா; சாதத்தில் பிசைந்து சாப்பிட சுவை அள்ளும்! இதோ ரெசிபி!

இதை நீங்கள் ஃபிரிட்ஜில் வைத்து ஒரு வாரம் வரை பயன்படுத்தலாம். இதை சூடான சாதத்தில் சேர்த்து பிசைந்து சாப்பிட சுவை அள்ளும். ஒருமுறை ருசித்தால் மீண்டும் வேண்டும் என்று நினைப்பீர்கள். உங்கள் வீட்டில் குழந்தைகள் முதல் பெரியவர்கள் வரை அனைவரும் விரும்பி சாப்பிடுவார்கள். எனவே ஒருமுறை செய்து சாப்பிட்டு மகிழுங்கள்.