இரத்த ஆக்ஸிஜனைக் கண்காணிக்கும் ஆப்பிள் வாட்ச்!

ஆப்பிள் குறைந்த விலை ஆப்பில் வாட்ச் SE (Apple Watch SE) - ஐ அமெரிக்க டாலர் 279 இல் அறிமுகப்படுத்துகிறது, இது இரத்த ஆக்ஸிஜன் செறிவூட்டலைக் கண்காணிக்காது.

ஆப்பிள் தனது கலிபோர்னியாவில் உள்ள குபெர்டினோவில் இருந்து செவ்வாய்கிழமை ஒளிபரப்பப்படும் நிகழ்வில் ஐ பேட்கள்( iPad) மற்றும் ஹெட்ஃபோன்கள் உட்பட பல தயாரிப்புகளை மேம்படுத்தும் என்று எதிர்பார்க்கப்பட்டது.

இந்த கொரோனா வைரஸ் உலகெங்கிலும் உள்ள பொருளாதாரங்களை முடக்கியிருந்தாலும், ஆப்பிள் பங்குகள் இந்த ஆண்டு உயர்ந்துள்ளன, பெரும்பாலும் வீட்டிலிருந்து வேலை செய்யும் பொருட்களின் விற்பனை அதிகரித்து வருகின்றன.

பல சந்தைகளில் விடுமுறை ஷாப்பிங் சீசனில் புதிய தயாரிப்புகள் எவ்வாறு விற்கப்படுகின்றன என்பது ஆப்பிள் இந்த மாதம் தொடங்கிய முழு நிதியாண்டிலும் எவ்வளவு சிறப்பாக செயல்படுகிறது என்பதை பெரும்பாலும் வரையறுக்கும்.

அகச்சிவப்பு ஒளியைப் பயன்படுத்தி இரத்த ஆக்ஸிஜனைக் கண்காணிக்கும் சீரிஸ் 6 கடிகாரத்தின் புதிய திறனை உடற்பயிற்சி மற்றும் ஆரோக்கிய நோக்கங்களுக்காகப் பயன்படுத்த வேண்டும் என்று ஆப்பிள் கூறியது. இந்தியாவிலும் பிற நாடுகளிலும் உள்ள மருத்துவர்கள், கோவிட்-19 நோயாளிகளை தொலைவிலிருந்து பரிசோதிக்கவும், அவர்களின் ஆக்ஸிஜன் செறிவு அளவு மிகக் குறையாமல் இருப்பதை உறுதி செய்யவும் பல்ஸ் ஆக்சிமீட்டர்களைப் பயன்படுத்துகின்றனர்.

ஆப்பிள் வாட்சின் முந்தைய பதிப்பு ஏற்கனவே எலக்ட்ரோ கார்டியோகிராம் போன்ற அளவீடுகளை எடுக்க முடியும். இதயப் பிரச்சனைகளைக் கண்டறிவதில் அணியக்கூடிய சாதனங்களின் பங்கை ஆராய்ந்த ஒரு ஆய்வின்படி, மிகவும் பொதுவான ஒழுங்கற்ற இதயத் துடிப்பான ஏட்ரியல் ஃபைப்ரிலேஷனை இந்த கடிகாரம் துல்லியமாகக் கண்டறிய முடியும் என்று ஆப்பிளின் இதய ஆய்வு கண்டறிந்துள்ளது. அமெரிக்கன் ஹார்ட் அசோசியேஷன் படி, ஏட்ரியல் ஃபைப்ரிலேஷன் பக்கவாதம் ஏற்படும் அபாயத்தை ஐந்து மடங்குக்கு மேல் அதிகரிக்கிறது.

ஆப்பிள் போட்டியாளரான ஃபிட்பிட் இன்க் இந்த ஆண்டின் தொடக்கத்தில் இரத்த ஆக்ஸிஜனில் ஏற்படும் மாற்றங்களை அளவிடுவதற்கான ஒரு வழியை அறிமுகப்படுத்தியது.