தோட்டத்திற்கு கண்டகண்ட பூச்சி கொல்லிகளும் வேண்டாம்; வேப்ப எண்ணெய் செய்யும் 8 மாயங்கள் என்ன?
உங்கள் தோட்டத்தில் வேப்ப எண்ணெய் செய்யும் மாயங்கள் என்னவென்று தெரிந்துகொள்ளுங்கள்.
தோட்டத்துக்கு வேப்ப எண்ணெய் கொடுக்கும் பலன்கள் என்னவென்று பாருங்கள். வேப்ப எண்ணெயை தோட்டத்துக்கு எப்படி பயன்படுத்துவது, அதனால் அது என்ன நன்மைகளைக் கொடுக்கும் என்று பாருங்கள். இது ஒரு இயற்கை மருந்து என்பதில் உங்களுக்கு சந்தேகம் வேண்டாம். பூச்சிகளை இயற்கை முறையில் அழிக்கிறது. இதை நீங்கள் தோட்டத்துக்கு பயன்படுத்தும்போது, செடிகள் குறித்து கவலைகொள்ள தேவையில்லை. இதை நீங்கள் கலந்து தாவரங்கள் மற்றும் மண் என எதில் வேண்டுமானாலும் பயன்படுத்திக்கொள்ளலாம். இதனால் எண்ணற் பிரச்னைகள் சரியாகிறது. வேப்ப எண்ணெயின் 8 நன்மைகளை தெரிந்துகொள்ளுங்கள்.
சிறந்த பூச்சிக்கொல்லி
வேப்ப எண்ணெய் ஒரு சிறந்த பூச்சிக்கொல்லி, இது தோட்டத்திற்கு வரும் வெட்டுக்கிளி போன்ற பூச்சிகளை நன்றாக கட்டுப்படுத்தும் ஆற்றல் கொண்டது. இது பூச்சிகளின் வளர்ச்சி மற்றும் உற்பத்தியைத் தடுக்கிறது. அவற்றை விரட்டி ஓடச்செய்கிறது.
பூஞ்ஜைகள் வளர்ச்சியைத் தடுக்கிறது
வேம்பு எண்ணெய் என்பது ஒரு சிறந்த பூஞ்ஜை கொல்லியாகும். இது பூஞ்ஜை தொற்றுக்களை குணப்படுத்துகிறது. கரும்புள்ளிகள் மற்றும் துருக்களை நன்முறையில் அகற்றுகிறது. வேப்ப எண்ணெய் மற்றும் தண்ணீர் கலந்து தாவரங்களில் தெளிக்கும்போது, அது கடும் பிரச்னைகளை ஏற்படுத்தும் பூஞ்ஜைகளை அடித்து விரட்டுகிறது.
மண்புழுக்களை என்ன செய்கிறது?
மண்ணில், மண்புழுக்கள் இருந்தால், அது மண்ணை கிளறிக்கொடுத்து விவசாயிகள் மற்றும் தோட்டக்கலை நிபுணர்களுக்கு உதவுகிறது. ஆனால் அதுவும் அதிகம் இருந்தால், அவையும், தாவரங்களை அழிக்கிறது. எனவே வேப்ப எண்ணெய், இயற்கை முறையில் மண்புழுக்களின் நடவடிக்கைகளைக் கட்டுப்படுத்துகிறது.
இயற்கை உரம்
வேப்ப எண்ணெய் பூச்சிகளுக்கு மட்டும் எதிரி கிடையாது. தாவரங்களுக்கும் ஊட்டமளிக்கிறது. வேப்ப எண்ணெய் ஸ்பிரேயை வேப்பம் புண்ணாக்கில் கலந்து, மண்ணில் இடும்போது, அது மண்ணில் உள்ள ஊட்டச்சத்துக்களை அதிகரித்து மண் வளத்தைப் பெருக்குகிறது. இது சிறந்த ஆர்கானிக் உரமும் ஆகும்.
வீட்டுக்கு உள்ளே வளர்க்கும் தாவரங்களுக்கும் பயன்படுத்தலாம்
வேப்ப எண்ணெய் வீட்டின் உள்புறத்தில் வளர்க்கும் தாவரங்களுக்கு மிகவும் ஏற்றது. இதை நீங்கள் வீட்டின் உள்ளே வளர்க்கும் தாவரங்களில் ஸ்பிரே செய்தால், அது கரையான், பூஞ்ஜை போன்ற பூச்சி தொற்றுக்களை தடுக்கிறது. உங்களையும், உங்கள் செல்லப்பிராணிகளையும் பாதிக்காமல் இவற்றை நீங்கள் வீட்டுக்கு உள்ளேயும் பயன்படுத்தலாம்.
காய்கறிகள்
நீங்கள் இதை காய் அல்லது கனி கொடுக்கும் தாவரங்களுக்கு பயன்படுத்தும்போது, அவற்றில் தாக்கத்தை ஏற்படுத்தாது. அப்படியே அது அவற்றில் ஒட்டியிருந்தாலும், உங்கள் ஆரோக்கியத்துக்கு கேடுகளை விளைவிக்காது.
இதன் வாசம் கொசுக்களை விரட்டியடிக்கும்
வேப்ப எண்ணெயில் உள்ள வாசம், கொசுக்களை நல்ல முறையில் விரட்டியடிக்கும். இதனால் உங்கள் வீடு மற்றும் தோட்டத்தில் கொசுக்கள் வராமல் இருக்கும்.
எதிர்ப்பு பெறுவது கடினம்
மற்ற கெமிக்கல் பூச்சிக்கொல்லிகளை அதிகம் பயன்படுத்தும்போது, அதற்கு எதிர்ப்புத்திறனை பூச்சிகள் பெற்று விடும். ஆனால் அதுபோலன்றி வேப்ப எண்ணெயை பயன்படுத்தும்போது பூச்சிகள் எதிர்ப்புத்திறனைப் பெறாது.
இதுபோன்ற எண்ணற்ற தகவல்கள், விடுகதைகள், ஜோக்குள், வித்யாசமான ரெசிபிக்கள், குழந்தைகளின் பெயர்கள், தோட்டக்கலை பராமரிப்பு குறிப்புகள், பண்டிகைக் கால சிறப்பு உணவுகள், பழக்கங்கள், மரபுகள், குழந்தைகளுக்கு அர்த்தமுள்ள பெயர்கள், அழகு குறிப்புகள் மற்றும் ஆரோக்கிய குறிப்புக்கள் தேர்ந்தெடுத்து வழங்கப்பட்டு வருகிறது. எனவே தகவல்களை தொடர்ந்து பெற்று ஆரோக்கியமான வாழ்வு வாழ வாழ்த்துக்கள்.
தொடர்புடையை செய்திகள்
டாபிக்ஸ்