Realme 9i 5G: விற்பனைக்கு வந்துவிட்டது புதிய ரியல்மி!
ரியல்மி நிறுவனம் Realme 9i 5G என்ற புதிய ஸ்மார்ட் ஃபோனை வெளியிட்டுள்ளது.

ஸ்மார்ட்போன்களின் தேவையும், வருகையும், எண்ணிக்கையும் தற்போது இந்திய சந்தையில் அதிகரித்துவிட்டன. அந்த வகையில் இந்தியாவில் பிரபலமாக இருக்கும் ரியல்மி புதிய ரியல்மி 9i 5G என்ற ஸ்மார்ட் போனை வெளியிட்டுள்ளது.
பட்ஜெட் விலையில் அறிமுகம் செய்யப்பட்டாலும் இதன் அம்சங்களும் அமைப்பும் மேம்படுத்தப்பட்ட நிலையில் காணப்படுகிறது. இந்த ஸ்மார்ட் போன் 14,999 ரூபாயிலிருந்து தொடங்குகிறது. மேலும் இது ராக்கிங் பிளாக், மெட்டாலிக் கோல்டு என்று இரண்டு கலர் ஆப்ஷன்களில் விற்பனைக்கு வந்துள்ளது.
இந்த ஸ்மார்ட் போன் இன்று மதியம் 12 மணி அளவில் realme.com மற்றும் flipkart தளத்தில் விற்பனைக்கு வந்துள்ளது. ஐசிஐசிஐ வங்கி கார்டுகள் மூலம் 1000 ரூபாய் தள்ளுபடி கிடைக்கிறது.
இதன் சிறப்பம்சங்கள்
இதில் முழு HD+ ரெசல்யூஷன் வசதிகொண்ட 6.6 இன்ச் 90Hz அல்ட்ரா ஸ்மூத் டிஸ்ப்ளே, MediaTek Dimensity 810 5G சிப்செட், ஆண்ட்ராய்டு 12 அடிப்படையிலான Realme UI 3.0 போன்றவை கொடுக்கப்பட்டுள்ளன.
இந்த போனில் பின்புறத்தில் 50MP அல்ட்ரா HD முதன்மை லென்ஸ், 4cm மேக்ரோ சென்சார், போர்ட்ரெய்ட் ஷூட்டர் ஆகிய டிரிபிள் ரியர் கேமரா கொடுக்கப்பட்டுள்ளது. மேலும் முன்புறத்தில் 8MP செல்பி கேமரா கொடுக்கப்பட்டுள்ளது.
இதில் 5,000mAh பேட்டரியுடன் 18W ஃபாஸ்ட் சார்ஜிங் வசதி கொடுக்கப்பட்டுள்ளது. இதில் பாதுகாப்புக்காக கைரேகை ஸ்கேனர் லாக் கொடுக்கப்பட்டுள்ளது.
இதில் 4 ஜிபி ரேம் + 64 ஜிபி இன்டெர்னல் ஸ்டோரேஜ் கொண்ட போன் 14,999 ரூபாய் எனவும், 6 ஜிபி ரேம் +128 ஜிபி இன்டெர்னல் ஸ்டோரேஜ் கொண்ட போன் 16,999 ரூபாய் எனவும் விலை நிர்ணயம் செய்யப்பட்டுள்ளது.
