Morning Quotes : நிம்மதியான உறக்கம், சரும பராமரிப்புக்கும் உதவும் 9 நற்பழக்கங்கள்! என்னவென்று பாருங்கள்!
நிம்மதியான உறக்கம் மற்றும் சரும பராமரிப்புக்கு உதவும் நல்ல பழக்கங்கள் என்னவென்று பாருங்கள்.
இரவு உறங்கச் செல்லும் முன் நீங்கள் சில விஷயங்களைச் செய்யவேண்டும். அது உங்கள் இரவு உறக்கம் மற்றும் சரும பராமரிப்பு என இரண்டுக்கும் உதவக்கூடியது ஆகும். இரவு நேரத்தில் நாம் பின்பற்றவேண்டிய சில விஷயங்களை கண்டுகொள்வமில்லை. ஆனால் நீங்கள் இரவு நேரத்தில் சில நற்பழக்கங்களைப் பழகுவது, உங்கள் ஒட்டுமொத்த உடல் ஆரோக்கியம், நிம்மதியான இரவு உறக்கம் மற்றும் சரும பாதுகாப்பு என அனைத்திலும் முக்கிய பங்கு வகிக்கிறது. இந்தப் பழக்கங்களை நாம் பெரும்பாலும் கண்டுகொள்வதில்லை. இதை நீங்கள் அன்றாடம் பழகினால், நீங்கள் அடுத்த நாள் காலையில் கண் விழிக்கும்போது, உற்சாகத்துடனும், ஆரோக்கியத்துடனும் எழுவீர்கள். அவை 9 விஷயங்கள் உள்ளன. அவை என்னவென்று பாருங்கள்.
உறங்கச் செல்லும் முன் முகத்தை கழுவ வேண்டும்
உறங்கச் செல்லும் முன் முகத்தை கழுவுவது உங்கள் முகத்தில் உள்ள அழுக்கை நீக்கவும், எண்ணெய் பிசுக்கைப் போக்கவும் உதவுகிறது. இவை உங்கள் மேக்அப்கள் நாள் முழுவதும் சேர்த்து வைத்தது ஆகும். இது உங்கள் முகத்தில் உள்ள துவாரங்களை அடைக்க உதவுகிறது. உங்கள் முகத்தில் பருக்கள் ஏற்படும் வாய்ப்புக்களைக் குறைக்கிறது. இது உங்கள் சருமத்தை புத்துணர்வுடன் வைத்துக்கொள்ள உதவுகிறது. இது உங்கள் ஒட்டுமொத்த இரவு ஆரோக்கியத்தையும் மேம்படுத்துகிறது.
பல் துலக்கவேண்டும்.
தினமும் இரவு உறங்கச் செல்லும் முன் பற்களை துலக்கிவிட்டு, வாயை நன்றாக கொப்பளித்துவிட்டுத்தான் உறங்கவேண்டும். இது உங்கள் பற்களில் ஒட்டியுள்ள உணவுத் துகள்களை அகற்றும். பற்களில் ப்ளேகுகள் இருந்தால் அவற்றை நீக்கும். இதனால் உங்களுக்கு கேவிட்டிகள் மற்றும் ஈறுகளில் கோளாறுகள் ஏற்படாது. இது உங்களை உற்சாகத்துடன் விழிக்க வைக்கும். இது உங்களின் வாய் ஆரோக்கியத்தை பாதுகாக்கும்.
தலையணை உறையை மாற்றுவதை வழக்கமாக்குங்கள்
அழுக்கான தலையணை உறைகள் என்றால் அந்த இடத்தில் வியர்வை மற்றும் பாக்டீரியாக்கள் அதிகம் இருக்கும். இதனால் உங்களுக்கு முகப்பருக்கள் மற்றும் சரும எரிச்சல் போன்றவை ஏற்படும். எனவே குறிப்பிட்ட நாட்களுக்கு ஒருமுறை அவற்றை மாற்றவேண்டும். இதனால் நீங்கள் உறங்கும்போது சரும ஆரோக்கியம் அதிகரிக்கும்.
தூசி மற்றும் அலர்ஜி ஏற்படுத்தும் காரணிகளை உங்கள் படுக்கையறையில் இருந்து விலக்கி வையுங்கள்
தூசி மற்றும் அலர்ஜி ஏற்படுத்தும் காரணிகள் உங்கள் படுக்கையறையில் இருந்தால், அது உங்கள் சுவாச ஆரோக்கியத்தைப் பாதுகாக்கும். உறக்கத்தின் தரத்தையும் பாதிக்கும். எனவே அவற்றை சுத்தம் செய்வதை வழக்கமாக்கவேண்டும். இதனால் அங்கு ஆரோக்கியமான சூழல் நிலவும். இரவு உறக்கத்தை மேம்படுத்தும்.
சருமத்துக்கு தேவையான ஈரப்பதம்
உங்கள் சருமத்தில் இரவு மாய்சுரைசர்களை பூசுவது, அது நீர்ச்சத்துடன் இருக்கவும், உங்கள் சருமத்தை பளபளக்கவும் உதவும். இரவு நேரத்தில் உங்கள் சருமம், மீட்டுருவாக்கப்படும் நேரம் ஆகும். ,து உங்கள் சருமத்துக்கு தேவையான ஈரப்பதத்தைக் கொடுக்கிறது. இது உங்கள் சருமத்தை மிருதுவாக்கவும் செய்கிறது. இதனால் உங்கள் சருமம் பொலிவு பெருகிறது.
தலையை அலசுங்கள் அல்லது கட்டிக்கொள்ளுங்கள்
உங்கள் தலைமுடி எண்ணெயாக இருந்தால் அதை பின்புறம் இழுத்து கட்டவேண்டும் அல்லது தலையை நன்றாக அலசி காயவிடவேண்டும். இதனால் உங்கள் தலையணைகளில் எண்ணெய் படிந்து அவை பாக்டீரியாக்களை உருவாக்காமல் இருக்கும். இந்த நற்பழக்கங்கள் உங்கள் சருமம் மற்றும் தலைமுடியின் வேர்க்கால்களின் ஆரோக்கியம் இரண்டுக்கும் உதவுகிறது.
ஈரப்பதமானியை பயன்படுத்தவேண்டும்
வறண்ட காற்று உங்கள் சருமத்தில் எரிச்சலை ஏற்படுத்தலாம். மேலும் சுவாச மண்டலத்தை பாதிக்கலாம். எனவே ஈரமானிகளைப் பயன்படுத்தி, காற்றில் ஈரப்பதம் சேர்ப்பது உங்கள் சருமத்துக்கு தேவையான நீர்ச்சத்தைக் கொடுக்கிறது. மேலும் இரவு உறக்கத்தை மேம்படுத்துகிறது. இது குறிப்பாக குளிர் காலத்துக்கு மிகவும் நல்லது.
இரவு நொறுக்கு தீனிகள் சாப்பிடக்கூடாது
இரவு உறங்கச் செல்லும் முன் நொறுக்குத் தீனிகளை சாப்பிடக்கூடாது. இது உங்கள் செரிமானத்தை தடுக்கும். நீங்கள் உறங்கும்போது அசிடிட்டி கோளாறுகளை ஏற்படுத்தும். உங்கள் உறக்கத்தின் தரத்தை பாதிக்கும். எனவே தேவைப்பட்டால் மட்டும் இரவு நொறுக்குத் தீனிகளை சாப்பிடவேண்டும். அதுவும் உறங்கச் செல்வதற்கு 2 மணி நேரத்துக்கு முன்னர் மட்டுமே சாப்பிடவேண்டும்.
சுத்தமான உடைகளை உடுத்த வேண்டும்
தினமும் இரவு சுத்தமான உடைகளை உடுத்த வேண்டும். இது உங்கள் உடலில் வியர்வை, பாக்டீரியாக்கள் மற்றும் அலர்ஜியை ஏற்படுத்தும் காரணிகள் வளராமல் தடுக்கும். எனவே சுத்தமான படுக்கை உடை என்பது சிறந்த சுகாதாரத்தை உறுதிப்படுத்தும். இது உங்களின் இரவு உறக்கத்தை அமைதியானதாக வைத்துக்கொள்ளும். இதனால் உங்களுக்கு நிம்மதியான இரவுகள் கிடைக்கும்.
தொடர்புடையை செய்திகள்