Weight Loss Soup: உடல் எடை குறைப்புக்கு உதவும் சூப்..! குழந்தைகள் முதல் பெரியவர்கள் வரை சாப்பிடலாம்

பாசிப்பருப்பு உடைப்பதற்கு முன்னர் பச்சை பருப்பாக இருக்கும். அதில் 16.3 கிராம் நார்ச்சத்து, 23.9 கிராம் புரதம், 4.8 மி.கி வைட்டமின் சி, 2.25 மி.கி நியாசின், 1250 மி.கி பொட்டாசியம், 132 மி.கி கால்சியம், மற்றும் 6.74 மி.கி இரும்பு உள்ளது.

அதேபோல் மஞ்சள் நிறத்தில் இருக்கும் பாசிப்பருப்பில் 9.8 கிராம் நார்ச்சத்து, 39 மி.கி கால்சியம், 3.53 மி.கி இரும்பு, மற்றும் 25.5 கிராம் புரதம் உள்ளது.

அதேபோல் பச்சைப் பயிரில் உள்ள உமி கூடுதல் உணவு நார்ச்சத்தை வழங்குகிறது, இது செரிமானத்துக்கு உதவுகிறது. அத்துடன் வயிறு முழுமை உணர்வைப் பராமரிக்க உதவுகிறது. இந்த உமி ஆன்டிஆக்ஸிடன்ட்களைக் கொண்டுள்ளதால் அழற்சியை குறைக்க உதவும். மஞ்சள் நிறத்தில் இருக்கும் பாசிப்பருப்புடன் ஒப்பிடும் போது இது அதிக ஊட்டச் சத்து கொண்டது.

எடைகுறைப்புக்கு உதவும் பாசிப்பருப்பு சூப்

ஒரு கப் பச்சை பருப்பு சூப்பில் தொராயமாக 150 முதல் 200 கலோரிகள் வரை இருக்கின்றன. இதன் அளவு எடுத்துக்கொள்ளும் அளவை பொறுத்து மாறுபடும். எனவே எடை இழப்புக்கு ஏற்ற உணவாக அமைகிறது.

அதிக புரத உள்ளடக்கம் தசை நிறையை உருவாக்கவும், பராமரிக்கவும் உதவுகிறது. வளர்சிதை மாற்றத்தை அதிகரிக்கிறது. நார்ச்சத்து உள்ளடக்கம் வயிறு நிரம்பிய திருப்தியை உண்டாக்குகிறது. அத்துடன் ஒட்டுமொத்த கலோரி உட்கொள்ளலைக் குறைக்கிறது.

பச்சைபயறு, பாசிப்பருப்பு குறைந்த கிளைசெமிக் குறியீடு கொண்டதாக இருப்பதால் ரத்த சர்க்கரை அளவை கட்டுக்குள் வைக்க உதவுகிறது. பசியை அதிகரிப்பை தடுக்கிறது.

பாசிப்பருப்பு அல்லது பச்சை பயறு சூப் செய்ய தேவையான பொருள்கள்

பச்சை பயறு அல்லது பாசிப்பருப்பு - 1 கப்

வெங்காயம் பொடிதாக நறுக்கியது - 1

தக்காளி பொடிதாக நறுக்கியது - 1

கேரட் நறுக்கியது - 1

பூண்டு பற்கள் - 2-3

இஞ்சி துருவியது - 1 சிறிய துண்டு

பச்சை மிளகாய் நறுக்கியது - 1

சீரகம் - 1 தேக்கரண்டி

மஞ்சள் தூள்- 1/2 தேக்கரண்டி

கொத்தமல்லி தூள் - 1 தேக்கரண்டி

கரம் மசாலா - 1 தேக்கரண்டி

உப்பு - தேவைக்கு ஏற்ப

காய்கறி குழம்பு அல்லது தண்ணீர் - 2 கப்

எண்ணெய் அல்லது நெய் - 1 தேக்கரண்டி

கொத்தமல்லி இலைகள் - தேவைக்கு ஏற்ப

செய்முறை

பச்சைப் பருப்பு அல்லது பாசிப்பருப்பை நன்கு கழுவி குறைந்தது 2 மணி நேரம் ஊறவைத்து வடிகட்டவும்.

பிரஷர் குக்கரில், ஊறவைத்த பருப்பு, மஞ்சள் தூள் மற்றும் போதுமான தண்ணீர் சேர்க்கவும். பருப்பு மென்மையாக மாறும் வகையில் 20 நிமிடங்கள் சமைக்கவும்.

பின்னர் ஒரு பாத்திரத்தில் எண்ணெய் அல்லது நெய்யை ஊற்றி மிதமான சூட்டில் சூடாக்கவும். சீரகத்தூள்,

பூண்டு, இஞ்சி மற்றும் பச்சை மிளகாய் சேர்த்து அதன் வாசனை போகும் வரை வதக்கி, நறுக்கிய வெங்காயம்,

தக்காளி கேரட் சேர்த்து மென்மையாகும் வரை சமைக்கவும்.

இந்த காய்கறி குழம்புடன், சமைத்த பருப்பை பானையில் சேர்க்கவும். கொத்தமல்லி தூள், கரம் மசாலா, உப்பு சேர்க்கவும்.

சூப்பை ஒரு கொதி நிலைக்கு வந்தவுடன், வெப்பத்தை குறைத்து 10 முதல் 15 நிமிடங்கள் வரை கொதிக்க விடவும்.

பரிமாறும் முன், புதிய கொத்தமல்லி இலைகளை மேலே துவி அலங்கரிக்கவும்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/