கோடையில் முடி ஆரோக்கியத்தை பாதுகாக்க வேண்டுமா? இந்த ஆரோக்கிய பழங்கள் உதவலாம்! எந்தெந்த பழங்கள் தெரியுமா?
கோடை காலத்தில் நிலவும் அதிக வெப்பநிலை காரணமாக சருமம் மற்றும் முடியின் ஆரோக்கியம் பாதிக்கப்படும். இதனை சரி செய்ய நாம் அன்றாட வாழ்க்கையில் சில முறைகளை பின்பற்ற வேண்டும். அதில் ஒன்று தான் ஆரோக்கியமான உணவு முறை. ஆரோக்கியமான பழங்களை சாப்பிட்டால் முடியின் ஆரோக்கியத்தை சீராக்கலாம்.
கோடையின் கடுமையான வெப்பம் உங்கள் தலைமுடியின் ஆரோக்கியத்தை கடுமையாக பாதிக்கும். தினமும் தூசி, வியர்வை மற்றும் அழுக்குகளுக்கு ஆளாகும்போது முடியின் ஈரப்பதம் குறைந்து, அது கரடுமுரடாகிறது. கோடை காலத்தில் முடியின் ஆரோக்கியத்தை மேம்படுத்த, அதை உள்ளே இருந்தும் வெளியே இருந்தும் பாதுகாக்க வேண்டியது அவசியம். தலை முடியின் ஆரோக்கியத்தை பாதுக்காக்க அடிக்கடி தலைக்கு குளிப்பது, ஏதேனும் ஹேர் மாஸ்க் போடுவது போன்றவற்றை செய்ய வேண்டும். அதே சமயத்தில் ஆரோக்கியமான உணவுகளையும் உட்கொள்ள வேண்டும்.
முடி ஆரோக்கியத்தை மேம்படுத்தும் சில கோடைகால பழங்கள் உள்ளன. இவற்றை தினம் தோறும் சாப்பிட்டு வந்தால் நல்ல பலன்களை தரும். அந்த பழங்கள் என்னென்ன என பார்ப்போம்.
பெர்ரி
ஸ்ட்ராபெர்ரி, ப்ளூபெர்ரி மற்றும் ராஸ்பெர்ரி போன்ற அமிலத்தன்மை கொண்ட பெர்ரிகளில் முடி ஆரோக்கியத்தை உள்ளிருந்து பாதுகாக்க தேவையான ஆக்ஸிஜனேற்றிகள் உள்ளன. கோடையில் முடி சேதத்தைக் குறைக்க இந்த பெர்ரிகளை உங்கள் உணவில் சேர்க்கலாம்.
மாம்பழம்
பல ஊட்டச்சத்துக்கள் நிறைந்த மாம்பழம், முடி ஆரோக்கியத்தைப் பேணுவதற்கும் நல்லது. மாம்பழத்தில் காணப்படும் வைட்டமின் ஏ, இயற்கையாகவே முடியை ஈரப்பதமாக்குகிறது. கூடுதலாக, வைட்டமின்கள் சி மற்றும் ஈ, கால்சியம் மற்றும் ஃபோலேட் ஆகியவை ஆரோக்கியமான முடி வளர்ச்சியை ஊக்குவிக்கின்றன. மாம்பழத்தில் பெக்டின் உள்ளது. இது உச்சந்தலையின் ஆரோக்கியத்தை மேம்படுத்தும்.
வெண்ணெய் பழம்
இதில் உள்ள வைட்டமின் ஈ, முடியை வளர்த்து, சிறந்த வளர்ச்சியை ஊக்குவிக்கிறது. இது உச்சந்தலையில் இரத்த ஓட்டத்தை அதிகரித்து, முடி நுண்குழாய்களை ஆரோக்கியமாக்குகிறது. இது உங்கள் தலைமுடியில் உள்ள எண்ணெயின் pH அளவை சரிசெய்யவும் உதவும்.
தர்பூசணி
கோடையில் எளிதில் கிடைக்கும் தர்பூசணி, முடி உதிர்தலையும், முடி மெலிவதையும் தடுக்கிறது. தர்பூசணியில் தோராயமாக 90 சதவீதம் தண்ணீர் உள்ளது. இது உடலில் நீர்ச்சத்து குறைவதைத் தடுக்கிறது. நீரிழப்பு முடியின் ஆரோக்கியத்தை மோசமாக்கும்.
கொய்யா
ஆரோக்கியமான முடி வளர்ச்சிக்கு இரத்தத்தில் இரும்புச்சத்து மிகவும் முக்கியமானது. கொய்யாவில் இரும்புச்சத்து நிறைந்துள்ளது. இது முடி நுண்குழாய்களுக்கு ஆக்ஸிஜன் ஓட்டத்தை மேம்படுத்துகிறது.
மேலும் படிக்க | ஆரோக்கிய டிப்ஸ்: தோல், தலைமுடி, மூட்டு ஆரோக்கியம்.. உடலுக்கு அத்தியாவசிய தேவையாக இருக்கும் கந்தகம் இருக்கும் உணவுகள்
பொறுப்பு துறப்பு
இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒரு போதும் கூறமாட்டோம்.
எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.
Suguna Devi P
டாபிக்ஸ்