உடற்பயிற்சி செய்யபவர்கள் கவனத்திற்கு! என்னென்ன உணவுகள் சாப்பிட வேண்டும்! ஃபுல் லிஸ்ட் இதோ!

உடற்தகுதிக்காக உடற்பயிற்சி செய்பவர்கள் கவனமாக இருக்க வேண்டும். தசை வலிமை மற்றும் ஆற்றல் நிலைகளை பராமரிக்க போதுமான உணவை சாப்பிட வேண்டும். உடற்தகுதிக்கு உடற்பயிற்சி எவ்வளவு முக்கியமோ அதே அளவு உணவும் முக்கியம். குறிப்பாக உடற்பயிற்சிக்குப் பின் உணவு என்பது இன்றியமையாத ஒன்றாக இருக்க வேண்டும். உடற்பயிற்சி செய்து முடித்து 30 நிமிடங்களுக்குள் 15 கிராம் புரதம் மற்றும் 30 கிராம் கார்போஹைட்ரேட் கொண்ட உணவை உண்பது ஆற்றல், தசை செயல்பாடு மற்றும் எடை இழப்பு ஆகியவற்றை பராமரிக்க உதவும். மூன்று வேளை வழக்கமான உணவும், இரண்டு வேளை இணை உணவும் சரியானநேரத்துக்கு எடுத்துக்கொள்ள வேண்டும். உடற்பயிற்சி செய்பவர்கள் சாப்பிட வேண்டிய உணவுகள் பின்வருமாறு 

முழு தானியங்கள்: சிக்கலான மாவுச்சத்துக்கள் கொண்ட உணவுகள் விரைவாக ஆற்றலை வழங்குவதை விட நீண்ட காலத்திற்கு ஆற்றலைத் தக்கவைக்கும். உடைத்த கோதுமை, ஓட்ஸ், அவல் போன்றவை சிறந்த தேர்வாகும். 

வாழைப்பழம்: வாழைப்பழத்தில் உள்ள பொட்டாசியம் தசைப்பிடிப்பை போக்க உதவும். அவற்றில் நிறைய மாவுச்சத்தும் உள்ளது. வியர்வை மூலம் இழக்கப்படும் பொட்டாசியத்தை சமநிலைப்படுத்த வாழைப்பழம் நல்லது.

பெர்ரி: ஸ்ட்ராபெரி, ராஸ்பெர்ரி. ப்ளூபெர்ரிகளில் ஆன்டி-ஆக்ஸிடன்ட்கள் அதிகம் உள்ளன . இது தசைகளை வலுப்படுத்தவும், உடற்பயிற்சியால் ஏற்படும் ஃப்ரீ ரேடிக்கல் பாதிப்பைக் குறைக்கவும் உதவுகிறது. 

கேரட்: தசைகளுக்கு புத்துணர்ச்சி அளிக்கும் பொட்டாசியம் மற்றும் பீட்டா கரோட்டின் ஆகியவை கேரட்டில் உள்ளன.

சிக்கன்: இரும்பு மற்றும் துத்தநாகம் அதிகம் உள்ளதால் இவை தசைகளுக்கு அத்தியாவசியமான உணவுகள். அவற்றில் நிறைய புரதமும் உள்ளது . கொழுப்புச் சத்தும் குறைவு. 

குறைந்த கொழுப்புள்ள பன்னீர்: அரை கப் பன்னீர் சுமார் 12 கிராம் புரதத்தை வழங்குகிறது மற்றும் கால்சியம் நிறைந்துள்ளது. சிறிய காயங்களை ஆற்றும் திறன் தசைகளுக்கும் உண்டு.

முட்டை: முட்டையின் வெள்ளைக்கருவில் உயர்தர புரதம் உள்ளது. மஞ்சள் கொழுப்பு மற்றும் வைட்டமின்கள் உள்ளன. 

ஆளிவிதை: ஆளிவிதையில் லிக்னான்ஸ் எனப்படும் நார்ச்சத்து நிறைந்துள்ளது மற்றும் செரிமான அமைப்புக்கு நல்லது.

ஒமேகா 3 கொழுப்புகள்: சிறிய மீன்களில் காணப்படும் ஒமேகா 3 கொழுப்புகள் தொப்பையை குறைக்க உதவுவதாக ஆய்வுகள் தெரிவிக்கின்றன.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒரு போதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.