தமிழ் செய்திகள்  /  லைஃப்ஸ்டைல்  /  Malaria Vs Dengue: மலேரியா Vs டெங்கு! கொசுக்களால் ஏற்படும் இந்த நோய் பாதிப்புகளின் காரணங்களும், நோய் தடுப்பு முறையும்

Malaria vs Dengue: மலேரியா vs டெங்கு! கொசுக்களால் ஏற்படும் இந்த நோய் பாதிப்புகளின் காரணங்களும், நோய் தடுப்பு முறையும்

Muthu Vinayagam Kosalairaman HT Tamil
Apr 24, 2024 05:56 PM IST

கொசுக்கள் காரணமாக வரும் நோய் பாதிப்புகளாக இருந்து வரும் மலேரியா, டெங்கு ஆகியவை ஏற்படும் காரணமும், அதன் ஆபத்துகளும் அதற்கான மருத்துவ சிகிச்சைகள், நோய் தடுப்பு, சிகிச்சை முறைகள் என்னென்ன என்பதையும் தெரிந்து கொள்ளலாம்.

மலேரியா  vs டெங்கு வித்தியாசம் என்ன
மலேரியா vs டெங்கு வித்தியாசம் என்ன

ட்ரெண்டிங் செய்திகள்

இந்த நோய் பாதிப்புகளை தீவிரமாக எடுத்துக் கொள்ளாவிட்டால், அவை ஆபத்தானதாக கூட மாறக்கூடும். மலேரியா, டெங்கு வேறு வேறு பாதிப்புகளை ஏற்படுத்தக்கூடியவை. ஏப்ரல் 25ஆம் தேதி உலக மலேரியா தினம் கடைப்பிடிக்க இருக்கும் நிலையில், இந்த இரு நோய்களுக்கும் உள்ள வித்தியாசங்களை பார்க்கலாம்.

மலேரியா என்றால் என்ன?

கொசுக்களால் பரவும் தொற்று நோயாக மலேரியா உள்ளது. பிளாஸ்மோடியம் என்ற ஒட்டுண்ணியால் ஏற்படுகிறது. இது பாதிக்கப்பட்ட அனாபிலிஸ் கொசுக்கள் மூலம் மனிதர்களுக்கு பரவுகிறது

டெங்கு காய்ச்சல் என்றால் என்ன?

டெங்கு வைரஸால் ஏற்படும் டெங்கு காய்ச்சல், ஏடிஸ் கொசு, குறிப்பாக ஏடிஸ் ஈஜிப்டி மூலம் பரவும் வைரஸ் தொற்று ஆகும்.

மலேரியா மற்றும் டெங்கு இடையே உள்ள வேறுபாடுகள் என்ன?

மலேரியா மற்றும் டெங்கு ஆகிய இரண்டும் அவை பல்வேறு வகையான கொசுக்களால் பரவுகின்றன. இரண்டு நோய்களுக்கும் இடையிலான சில வேறுபாடுகளை பார்க்கலாம்

நோய் அறிகுறிகள்

மலேரியா அறிகுறிகளில் பொதுவாக காய்ச்சல், குளிர், வியர்வை, தலைவலி, தசைவலி, குமட்டல் மற்றும் வாந்தி ஆகியவை அடங்கும்.

டெங்கு அறிகுறிகள் திடீரென்று காய்ச்சல், கடுமையான தலைவலி, கண்களுக்குப் பின்னால் வலி, மூட்டு மற்றும் தசை வலி, சொறி மற்றும் லேசான ரத்தப்போக்கு ஏற்படும்.

நோய் காரணங்கள்

மலேரியா பிளாஸ்மோடியம் ஒட்டுண்ணியால் ஏற்படுகிறது. பாதிக்கப்பட்ட அனோபிலிஸ் கொசுக்கள் கடிக்கும்போது பரவுகிறது.

டெங்கு டெங்கு வைரஸால் ஏற்படுகிறது, இது பாதிக்கப்பட்ட ஏடிஸ் கொசுக்கள் மூலம் பரவுகிறது.

ஆபத்துகள்

மலேரியாவின் ஆபத்து காரணிகளாக, மலேரியா பரவக்கூடிய பகுதிகளுக்கு பயணம் செய்வது, படுக்கை வலைகள் அல்லது பூச்சி விரட்டி போன்ற தடுப்பு நடவடிக்கைகள் இல்லாதது ஆகியவை அடங்கும்.

டெங்கு பரவும் பகுதிகளில் வசிப்பது அல்லது பயணம் செய்வது, கொசுக்களை கட்டுப்படுத்த போதிய நடவடிக்கைகள் எடுக்காதது மற்றும் வைரஸுக்கு நோய் எதிர்ப்பு சக்தி இல்லாதது ஆகியவை டெங்குவுக்கான ஆபத்து காரணிகளாக இருக்கின்றன

நோய் பாதிப்பை கண்டறிதல்

மலேரியா நோயறிதலில் பிளாஸ்மோடியம் ஒட்டுண்ணிகள் இருப்பதற்கான ரத்தப் ஸ்மியர்களின் நுண்ணிய பரிசோதனை அல்லது குறிப்பிட்ட ஆன்டிஜென்களைக் கண்டறியும் விரைவான நோயறிதல் சோதனைகள் ஆகியவை அடங்கும்.

டெங்கு நோயறிதல் பெரும்பாலும் வைரஸ் அல்லது ஆன்டிபாடிகளை கண்டறிய உதவும் ரத்த பரிசோதனைகளை உள்ளடக்கியதாக உள்ளது

சிகிச்சை முறைகள்

மலேரியா சிகிச்சையில் பொதுவாக குளோரோகுயின், ஆர்ட்டெமிசினின் அடிப்படையிலான கூட்டு சிகிச்சைகள் (ACT) அல்லது பிளாஸ்மோடியத்தின் இனங்கள் மற்றும் மருந்து எதிர்ப்பு முறைகளை பொறுத்து மற்ற மருந்துகள் போன்ற மலேரியா எதிர்ப்பு மருந்துகள் அளிக்கப்படுகிறது.

டெங்கு சிகிச்சையானது அறிகுறிகளை போக்க ஆதரவு சிகிச்சையில் கவனம் செலுத்துகிறது, ஏனெனில் தற்போது குறிப்பிட்ட வைரஸ் தடுப்பு சிகிச்சை எதுவும் இல்லை.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

WhatsApp channel

டாபிக்ஸ்