Fashion Tips: ஃபேஷன்தான்.. ஆனாலும் உடலுக்கு ரொம்ப மோசம்.. கோடை காலத்தில் ஜீன்ஸ் அணிந்தால் வரும் ஆபத்துகள்

அதேபோல் ஜீன்ஸ் ஆடைகளுக்கு பொதுவாகவே அனைத்து வகை மற்றும் வண்ணத்திலான ஆடைகள் பொருத்தமாக இருக்கும். மிகவும் வசதியான ஆடையாக கருதப்படும் ஜீன்ஸ், கோடைக்காலத்தில் அணிவதால் ஆரோக்கியத்துக்கு பல்வேறு தீங்குகள் ஏற்படுத்துவது பற்றி பலருக்கும் தெரிவதில்லை.

ஜீன்ஸ் ஆடைகள் என்பது ஸ்டைலாகவும், ஃபேஷனாகவும் இருந்தாலும், அந்த ஆடைகளில் உள்ள ஆபத்துகள் பற்றியும் தெரிந்து கொள்வது அவசியம். ஜீன்ஸ் ஆடையால் ஏற்படும் சில பாதிப்புகள் பற்றி பார்க்கலாம்

மேலும் படிக்க: ஆண்களே உஷார்.. ஜீன்ஸ் அணிந்து தூங்கினால் ஏற்படும் பிரச்னைகள்

அந்தரங்க உறுப்புகளுக்கு சேதம்

ஜீன்ஸ் அணிவது சருமத்துக்குள் காற்று உலா வருவதை கடினமாக்குகிறது. இதன் விளைவாக, அந்தரங்க உறுப்புகள் பகுதி காற்றோட்டம் இல்லாமல் கதகதப்பாக இருக்கிறது. இதனால் வியர்வை மற்றும் அரிப்பு ஏற்படுகிறது.

கோடை காலத்தில் இந்தப் பிரச்னை சிலருக்கு அதிகமாக ஏற்படலாம். இந்த நிலை தொடர்தால் ஆண்களுக்கு விந்தணு எண்ணிக்கை குறைவதற்கு வழிவகுக்கும். ஜீன்ஸ் ஆடைகள் ஆண்களுக்கு மட்டுமல்லாமல் பெண்களின் உறுப்புகளிலும் pH அளவை பாதிக்கிறது.

பிறப்புறுப்பு தொற்று ஏற்படும் அபாயம்

பெண்கள் இறுக்கமான ஜீன்ஸ் அணிந்தால் பிறப்புறுப்பு தொற்று ஏற்படும் அபாயம் அதிகமாகும் என கூறப்படுகிறது. மேலும், கோடை காலத்தில் இறுக்கமான ஜீன்ஸ் அணிவதால் பிறப்புறுப்பு பகுதியில் சரியான காற்று சுழற்சி கிடைக்காது.

இதனால் ஈரப்பதம் அங்கு சென்று எரிச்சல் ஏற்படுகிறது. இது பாக்டீரியாக்களின் வளர்ச்சிக்கும், பூஞ்சை உருவாவதற்கும் வழிவகுக்கிறது. இதனால் அரிப்பு ஏற்பட்டு சங்கடம் தரும் உணர்வு உண்டாகிறது.

பூஞ்சை தொற்று பிரச்னை

ஜீன்ஸ் சருமத்தில் சரியான காற்று சுழற்சியை அனுமதிக்காத காரணத்தால் சருமத்திலும் மூட்டுப் பகுதிகளிலும் அதிகப்படியான வியர்வை ஏற்படுகிறது, இதனால் பாக்டீரியா மற்றும் பூஞ்சை உருவாகிறது. இவை புண்கள் மற்றும் தடிப்புகள் போன்ற பிரச்னைகளை ஏற்படுத்துகின்றன.

மேலும் படிக்க: அடிக்கடி அழுக்காகும் வெள்ளை நிறை ஆடைகளில் சுத்தம் செய்ய எளிய டிப்ஸ் 

சுகாதாரம் குறைவு

மற்ற துணிகளை போல் அல்லாமல் ஜீன்ஸ் ஆடைகள் அடிக்கடி அல்லது ஒரு முறை பயன்படுத்திய பின்பு துவைப்பது கடினம். அதேபோல் ஜீன்ஸில் முழுமையாக அழுக்கை நீக்கும் விதமாக சரியாக துவைக்க முடியாமல் போகலாம்.

இது சருமத்துக்கு ஆபத்தை ஏற்படுத்தும். போதிய சுகாதாரம் இன்மை காரணமாக, வியர்வையால் பாக்டீரியா மற்றும் பூஞ்சை வளர்ச்சி அடைகிறது. அவற்றில் உள்ள அழுக்குகளை நீக்காமல் மீண்டும் மீண்டும் அணிவது சருமத்துக்கு தீங்கு விளைவிக்கும் காரணிகளை அதிகரிக்கிறது.

நீங்கள் பல மணி நேரம் இறுக்கமான ஜீன்ஸ் அணிகிறீர்களா?

கோடையில் இறுக்கமான ஜீன்ஸ் அணிவதைத் தவிர்ப்பது நல்லது. பலர் சருமத்தைப் புரிந்து கொள்ளாமல் ஸ்டைல் ​​அல்லது ஃபேஷனுக்காக ஜீன்ஸ் அணிகிறார்கள். அப்படி ஜீன்ஸ் அணிய வேண்டியிருந்தால், மணிக்கணக்கில் ஜீன்ஸ் அணியக்கூடாது.

சருமத்தைப் பற்றி கவலைப்படாமல் மணிக்கணக்கில் இறுக்கமான ஜீன்ஸ் அணிவது தொடைகள் மற்றும் அந்தரங்க பாகங்களில் தொற்று ஏற்படும் அபாயத்தை அதிகரிக்கிறது.

மேலும் படிக்க: முதல் முறை உடலுறவுக்கு பின் பெண்களின் மார்பகம் முதல் பிறப்புறுப்பு வரை என்ன நடக்கும் தெரியுமா?

ஜீன்ஸ் அணிவதால் ஏற்படும் சோர்வு

நீண்ட பயணங்களுக்குச் செல்லும்போது, ​​இறுக்கமான ஜீன்ஸ் அணிவது உங்கள் கால்களை சோர்வடையச் செய்கிறது. ஒவ்வாமை மற்றும் அரிப்புடன், உங்கள் கால்கள் வியர்வையால் நனைந்து சங்கடமாக இருக்கும்.

ஜீன்ஸின் தன்மை காரணமாக, அவை வியர்வை அல்லது வேறு ஏதேனும் திரவத்தால் நனைந்தால், தொற்று ஏற்படுவதற்கான அதிக வாய்ப்பு உள்ளது.