Kidney Stone : 'சிறுநீர கல்: ' ஹோமியோபதி மருத்துவம் சொல்லும் வழிமுறைகள்' மருத்துவர் ஜானகி பேட்டி இதோ!

மேலும் படிக்க | HT Tamil Exclusive : தலைவலியே கஷ்டம்.. ஒற்றை தலைவலி இன்னும் கஷ்டம்.. ஹோமியோபதி சிகிச்சை பலன் தருமா.. டாக்டர் விளக்கம்!

ஹோமியோபதி மருத்துவத்தில் பல மருந்துகள் நோயாளிகள் தேவைக்கு ஏற்ப பயன்படுத்தப்படுகிறது. சுமார் எட்டு மில்லி மீட்டர் வரை உள்ள கற்களை ஹோமியோபதி மருந்துகள் மூலம் உடைக்கவும் கரைத்து சிறுநீர் வழியாக வெளியேற்றவும் முடிகிறது.

சிறுநீரக குழாய் பகுதியில் இது போன்ற கற்கள் சிறுநீர் வெளியேறும் பாதையில் தடையாக மாறும் போது சிறுநீர் வெளியேற்ற முடியாமல் திரும்பி உட்பகுதியில் திரும்பி விடுவதும் உண்டு. இந்த நிகழ்வை ஹைட்ரோ நெஃப்ரோஸிஸ் என்று குறிப்பிடுகிறோம். அறுவை சிகிச்சை என்பது முற்றிலும் தீர்வு என்று கூற முடியாது. கற்களை பொறுத்த வரையில் அதன் அமைப்பு அளவு அமைந்துள்ள இடம் என்ற விசயங்களை அடிப்படையாக வைத்தும் நோயாளிகள் வயது, தாங்க கூடிய சக்தி, எதிர்ப்பு சக்தி போன்ற விசயங்களை வைத்து ஹோமியோபதி மருந்துகளை எடுத்துக் கொள்ள செய்கிறோம். 

மேலும் படிக்க | வெள்ளைப்படுதல் பிரச்சினை குழந்தைகளுக்கும் வருமா.. இத்தனை ஆபத்தானதா.. என்ன சொல்றீங்க டாக்டர்!

எட்டு மில்லி மீட்டர் வரை உள்ள கற்களை ஹோமியோபதி மருந்துகளை எடுத்துக் கொள்ளும் போது எளிதாக உடைத்து கரைப்பான் மூலம் சீறுநீரக குழாய் பாதை வழியாக சிறுநீர் வழியாக வெளியேற்றவும் முடிகிறது. பெர்பரீஸ் வல்காரீஸ் என்ற மருந்தை இடது பக்க கற்களுக்கும், லைக்கோபோர்டியம் என்ற மருந்தை வலது பக்க கற்களுக்கும் கொடுக்கிறோம். ஹைட்ரான்ஜியா என்ற மருந்தை ஸ்டோன் பிரேக்கர் என்று சொல்கிறோம். எப்படியான கற்களையும் உடைத்து கரைப்பதில் முக்கிய பங்கு வகிக்கிறது.

மேலும் படிக்க | HT Tamil Exclusive : HMPV ஒன்றும் கொரோனா அளவுக்கு பெரிய சீன் இல்ல.. ஈசியா ஓட ஓட விரட்டலாம்.. ஹோமியோபதி மருத்துவர் தகவல்!

கேந்தாரிஸ் என்ற மருந்தை கடுமையான எரிச்சலுடன் சிறுநீர் வெளியேறும் போது கொடுக்கலாம். பெரேரா பிரேவா என்ற மருந்தை சிறுநீர் வெளியேற மிகவும் சிரமப்படுவோருக்கு உதவுகிறது. அட்ரிகா யூரின் என்ற மருந்தை அதிக அளவில் யூரிக் அமிலம் உள்ளவர்களுக்கு உதவுகிறது. ஓசிமம் என்ற மருந்து வாந்தி மற்றும் வயிற்று வலி அதிகம் உள்ளவர்களுக்கு நல்ல தீர்வு ஏற்படுத்த உதவுகின்றது. இதோடு லைக்கோ போர்டியம் சரசபெரிலா நக்சோமிக்கா என்று சில மருந்துகள் நடைமுறையில் அதிக அளவில் பயன்படுத்தப்படுகிறது. இந்த மருந்துகளை எடுத்துக் கொள்ளும் போது சிறுநீரக கற்கள் பிரச்சினைக்கு நல்ல தீர்வை நோக்கி செல்கிறது. இந்த மருந்துகளை எடுத்துக் கொள்வதோடு உணவு முறையிலும் கவனம் செலுத்தி வரும் போது நல்ல தீர்வு கிடைக்கும். 

தண்ணீர் அவசியம்

தண்ணீர் நன்கு எடுத்து கொள்வதும் அவசியம். பொதுவாக சிறுநீரக பாதையில் சிரமம் ஏற்படும் போது நாம் சுயமாக தற்காலிக தீர்வுகளை தேடாமல் ஆரம்பத்திலேயே மருத்துவரிடம் சென்று ஆலோசனை பெற்று சிகிச்சை எடுத்துக் கொள்ள வேண்டும். கற்கள் பெரிய அளவில் இருக்கும் போது தான் அறுவை சிகிச்சை தேவைப்படுகிறது. உயிர் போகும் வலியால் துடித்துக் கொண்டு உருண்டு சிரமப்படும் நபர்கள் கூட முறையாக சிகிச்சை எடுத்துக் கொண்டு அறுவை சிகிச்சையை தவிர்த்து இந்த பிரச்சினையில் இருந்து விடுபட ஹோமியோபதி மருத்துவத்தில் நல்ல மருந்துகள் உள்ளன என்று நமக்கு நம்பிக்கை சேர்க்கிறார் மதுரையைச் சேர்ந்த பிரபல ஹோமியோபதி மருத்துவர் ம.ஜானகி