அட பாத்தாலே சாப்பிட ஆசை வரும்.. கிரீன் மசாலா மீன் பொரியல் வீட்டிலேயே ஈசியா செய்யலாம்.. ருசி உச்சுக்கெட்ட வைக்குங்க!

பச்சை மசாலா மீன் பொரியல் செய்வதற்கு தேவையான பொருட்கள்..

மீன் - இரண்டு

புதினா இலை - அரை கப்

கொத்தமல்லி தூள் - அரை கப்

இஞ்சி - சிறிய துண்டு

பூண்டு பல் - ஏழு

மஞ்சள்தூள் - அரை டீஸ்பூன்

சீரகம் - அரை ஸ்பூன்

கிராம்பு - நான்கு

உப்பு - சுவைக்கு தகுந்த அளவில்

எலுமிச்சை சாறு - ஒரு ஸ்பூன்

மிளகாய் - ஏழு

பச்சை மசாலா மீன் பொரியல் செய்முறை

1. முதலில் பச்சை மசாலாவை தயார் செய்யவும்.

2. இதற்கு பச்சை மிளகாய், கொத்தமல்லி, புதினா, இஞ்சி பூண்டு பல், கிராம்பு, சுவைக்கேற்ப உப்பு மற்றும் சிறிது தண்ணீர் சேர்த்து மிக்ஸி ஜாரில் அரைத்துக் கொள்ள வேண்டும்.

3. அதனுடன் எலுமிச்சை சாறு , சீரகம் மற்றும் மஞ்சள் தூள் சேர்த்து அரைத்து பேஸ்ட் போல் அரைக்க வேண்டும்.

4. போதுமான தண்ணீர் சேர்க்கலாம். அவ்வளவுதான், மீன் வறுவல் செய்ய தேவையான பச்சை மசாலா பேஸ்ட் தயார்.

5. இரண்டு நடுத்தர அளவிலான மீன்களை எடுத்து நன்றாக சுத்தம் செய்து கழுவ வேண்டும்.

6. மீன்களில் மேலே லேசாக கத்தியை வைத்து கீறல் இட வேண்டும். இப்போது இந்த பச்சை மசாலா பேஸ்ட்டை மீன் முழுவதும் தடவுங்கள்.

7.மீனின் மேல் பகுதியில் போட்ட கீறல்களில் உட்புறமும் இந்த பேஸ்ட்டை தடவுங்கள்.

8. அதை அரை மணி நேரம் ஊற விடுங்கள் .

9. பிறகு அடுப்பை சிம்மில் வைத்து எண்ணெய் சேர்த்து சூடாக்குங்கள்.

10. எண்ணெய் சூடு ஆன பின் மீனை எண்ணெயில் சேர்த்து சிறு தீயில் பொரியுங்கள்.

11. மீனை இருபுறமும் வேகும் வரை இப்படி வறுக்கவும்.

12. குறைந்த பட்சம் கால் மணி நேரம் முதல் 20 நிமிடம் வரை எண்ணெயில் பொரித்தால் மீன் நன்றாக பொரியும். பிறகு அடுப்பை அணைக்கவும். அவ்வளவுதான், சுவையான பச்சை மசாலா மீன் பொரியல் ரெடி.

இந்த க்ரீன் மசாலா மீன் வறுவல் செய்முறை மிகவும் எளிதானது. இது சுவையாக இருக்கும். இது ஆரோக்கியத்திற்கும் மிகவும் நல்லது. இதில் பச்சை நிறத்திற்கு பச்சை மிளகாய், புதினா, கொத்தமல்லி பயன்படுத்தியுள்ளோம். இவை ஆரோக்கியத்திற்கு மிகவும் நல்லது. இந்த க்ரீன் மசாலாவுடன் சிக்கன் ப்ரையும் செய்யலாம். இந்த பச்சை மசாலா ரெசிபிகளை முயற்சிக்கவும். உங்கள் அனைவருக்கும் கண்டிப்பாக பிடிக்கும்.