ஜிங்கில் பெல்ஸ், ஜிங்கில் பெல்ஸ்; கோதுமையில் கேக் செய்து, இந்த கிறிஸ்துமஸை கொண்டாடுங்கள்! இதோ ரெசிபி!

தேவையான பொருட்கள்

கோதுமை மாவு – ஒரு கப்

சர்க்கரை – முக்கால் கப்

ஏலக்காய் – 2

உப்பு – ஒரு சிட்டிகை

சோடா உப்பு – கால் ஸ்பூன்

நெய் – இரண்டை ஸ்பூன்

காய்ச்சி ஆறிய ஆடையில்லாத பால் – ஒரு கப்

செய்முறை

முதலில் சர்க்கரை மற்றும் ஏலக்காயை பொடித்து, சலித்து எடுத்துக்கொள்ளவேண்டும்.

ஒரு பெரிய பவுலில் பொடித்து வைத்துள்ள சர்க்கரை, உப்பு, சோடா உப்பு, நெய், பால் என அனைத்தையும் சேர்த்து நன்றாக விஸ்க் வைத்து கலந்துகொள்ளவேண்டும். இந்த மிக்ஸி மிகவும் தண்ணீராகவோ அல்லது கெட்டியாகவோ இருக்கக்கூடாது. சரியான பதத்தில் நன்றாக கலந்துகொள்ளவேண்டும்.

கேக் டின்னில் வெண்ணெய் தடவி, கோதுமை மாவைத் தூவி டஸ்ட் செய்துகொள்ளவேண்டும். அதில் கேக் மாவை ஊற்றி நன்றாக தட்டி எடுத்துக்கொள்ளவேண்டும். அப்போதுதான் கேக் அனைத்து புறங்களிலும் சீராக வேகும்.

இதை நீங்கள் அவனில் வைத்தும் பேக் செய்துகொள்ளலாம். கோதுமைக்கு பதில் மைதாவும் எடுத்துக்கொள்ளலாம். வழக்கமான முறையிலும் செய்யலாம்.

இதை குக்கரில் செய்ய விரும்பினார் அதை ப்ரீ ஹீட் செய்து, ஒரு ஸ்டான்ட் வைத்து கேக் டின்னை அதில் வைத்துக்கொள்ளவேண்டும். பின்னர் குக்கரை விசில், பெல்ட் எதுவும் போடாமல் மிதமான தீயில் அரை மணி நேரம் மூடி வைத்து வேகவிடவேண்டும். டூத் பிக் வைத்து கேக் முழுவதும் வெந்து விட்டதா என்பதை சரி பார்த்துக்கொள்ளவேண்டும்.

வெந்துவிட்டால் இறக்கி ஆறியவுடன், கேக்கை சுற்றிலும் எடுத்துவிட்டு, தனியாக வெளியே எடுக்கவேண்டும். நல்ல பஞ்சுபோல் மெத்மெத் என்று இந்த கேக் இருக்கும்.

இது உங்கள் வீட்டில் குழந்தைகள் முதல் பெரியவர்கள் என அனைவருக்கும் பிடிக்கும். சூப்பர் சுவையான கோதுமை கேக் நிமிடத்தில் தயார். இதை செய்து எளிய முறையில் இந்த கிறிஸ்துமஸ் பண்டிகையைக் கொண்டாடி விடலாம்.

ஒருமுறை ருசித்துவிட்டால் பண்டிகைகள் இல்லாத காலத்தில் கூட ருசிக்கவேண்டும் என்று எண்ணுவீர்கள். அத்தனை சுவை நிறைந்ததாக இருக்கும். இதை நீங்கள் பள்ளிவிட்டு வீடு திரும்பும் குழந்தைகளுக்கும் செய்துகொடுக்கலாம்.

இதுபோன்ற எண்ணற்ற தகவல்கள், ஜோக்குள், வித்யாசமான ரெசிபிக்கள், குழந்தைகளின் பெயர்கள், தோட்டக்கலை பராமரிப்பு குறிப்புகள், பண்டிகைக் கால சிறப்பு உணவுகள், பழக்கங்கள், மரபுகள், குழந்தைகளுக்கு அர்த்தமுள்ள பெயர்கள், அழகு குறிப்புகள் மற்றும் ஆரோக்கிய குறிப்புக்கள் தேர்ந்தெடுத்து வழங்கப்பட்டு வருகிறது. எனவே தகவல்களை தொடர்ந்து பெற்று ஆரோக்கியமான வாழ்வு வாழ வாழ்த்துக்கள்.