உங்கள் இதயம் ஆரோக்கியமாக உள்ளதா? இதோ இந்த 6 அறிகுறிகள் தோன்றுகிறதா பாருங்கள்! செக் செஞ்சுக்கங்க!

இதயத் துடிப்பு

உங்களின் வழக்கமான இதயத்துடிப்பு, ஒரு நிமிடத்துக்கு 60 முதல் 100 பீட்கள் இருக்கவேண்டும். நீங்கள் ஓய்வில் இருக்கும்போது இதுதான் அளவு. நீங்கள் வழக்கமாக உடற்பயிற்சி செய்பவர் என்றால், அது 40க்கும் குறைவாக இருந்தால், அது நல்ல அறிகுறியாகும். உங்களின் இதயத்துடிப்பு எப்போதும் இந்த ரேஞ்சில் இருக்கவேண்டும். இது உங்களுக்கு இதயத்தில் எந்த பிரச்னையும் இல்லை என்பதன் அறிகுறியாகும்.

சுவாசம்

உங்களுக்கு சிறிய உடல் உழைப்புக்குப் பின்னர் கூட அதிகம் மூச்சு வாங்கினால், அது உங்களின் இதயம் பிரச்னையில் உள்ளது என்பதன் அறிகுறியாகும். நீங்கள் அமைதியாக மூச்சுவிடுவதுதான் சரியான மூச்சு விடும் முறை. மூச்சுத்திணறல் வரக்கூடாது. தினசரி வேலைகளை நீங்கள் செய்யும்போது உங்களுக்கு மூச்சு வாங்கக்கூடாது. இவையெல்லாம் இருந்தால் உங்கள் இதயம் ஆரோக்கியமாக உள்ளது என்று பொருள்.

ரத்த அழுத்தம்

ஆரோக்கியமான ரத்த அழுத்த அளவுகள் என்பது 120/80 எம்எம்ஹெச்ஜி என்ற அளவில் இருக்கவேண்டும். உங்கள் ரத்த ழுத்தம் 130/80 என்று இருந்தால் அல்லது அதைவிட அதிகமாக இருந்தால், உங்களுக்கு ரத்த அழுத்தம் உள்ளது என்று பொருள். இது உங்கள் இதயத்துக்கு கூடுதல் அழுத்தத்தைக் கொடுக்கிறது. இது உங்களுக்கு இதய நோய்கள் ஏற்படும் ஆபத்தை அதிகரிக்கும்.

ஆற்றல் அளவுகள்

நீங்கள் நாள் முழுவதும் சக்திவாய்ந்தவராக உணர்ந்தால், உங்களின் இதயம் ஆரோக்கியமாக உள்ளது என்று பொருள். உங்களுக்கு அடிக்கடி இதயம் சோர்வடைந்தால், மயக்கம் வந்தால், உங்கள் இதயத்தால் ரத்தத்தை சரியாக பம்ப் செய்யவில்லை என்ற பொருள். இதனால் உங்கள் உடலுக்கும் தேவையான ஆக்ஸிஜன் கிடைக்கவில்லை. உங்கள் உடலுக்குத் தேவையான ஊட்டச்சத்துக்களும் கிடைக்கவில்லை.

கொழுப்பு அளவுகள்

ஆரோக்கியமான கொழுப்பு அளவுகள், உங்கள் இதயத்தின் ஆரோக்கியத்தை சரியான அளவில் பராமரிக்கும். எனினும், உங்களுக்கு அதிக கொழுப்பு இருந்தால், இது உங்கள் தமனிகளில் ப்ளேக்குகள் உருவாகக் காரணமாகும். இதனால் ரத்த ஓட்டம் தடைபெறும். இதற்கு உங்கள் இதயம் பக்கவாதம் அல்லது மாரடைப்பு ஏற்படும் ஆபத்தில் உள்ளது என்று பொருள்.

பற்களின் ஆரோக்கியம்

உங்களின் பற்கள் ஆரோக்கியமாக இருந்தால், உங்களின் இதயம் ஆரோக்கியமாக உள்ளது என்று பொருள். ஆனால் உங்களுக்கு அடிக்கடி ஈறுகளில் பிரச்னைகள் அல்லது தொற்றுகள் ஏற்பட்டால், உங்களுக்கு இதய நோய்கள் வரும் ஆபத்துக்கள் அதிகம் உள்ளது என்று பொருள். வாயில் உள்ள பாக்டீரியாக்கள் எளிதாக ரத்தத்தில் கலந்துவிடும்.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே உங்கள் உடல் அமைப்புக்கு ஏற்ப தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.

இதுபோன்ற எண்ணற்ற தகவல்கள், ஜோக்குள், வித்யாசமான ரெசிபிக்கள், குழந்தைகளின் பெயர்கள், தோட்டக்கலை பராமரிப்பு குறிப்புகள், பண்டிகைக் கால சிறப்பு உணவுகள், பழக்கங்கள், மரபுகள், குழந்தைகளுக்கு அர்த்தமுள்ள பெயர்கள், அழகு குறிப்புகள் மற்றும் ஆரோக்கிய குறிப்புக்கள் தேர்ந்தெடுத்து வழங்கப்பட்டு வருகிறது. எனவே தகவல்களை தொடர்ந்து பெற்று ஆரோக்கியமான வாழ்வு வாழ வாழ்த்துக்கள்.