IRCTC Tour Package : ‘அஸ்ஸாம்.. மேகாலயா.. டூர் போகணுமா?’ ஐஆர்சிடிசி சுற்றுலா பேக்கேஜ் பாருங்க!

மேலும் படிக்க | IRCTC Tour Package : ‘பெங்களூரு டூ தமிழ்நாடு’ சுற்றுலா பேக்கேஜ்.. முழு ப்ளான் மற்றும் வழிகாட்டுதல் இங்கே!

அப்படியானால், குளிர்ச்சியான இடங்களுக்கு சுற்றுலா செல்வது சிறந்தது. அதற்காக ஸ்வீடன், சுவிட்சர்லாந்து செல்ல வேண்டியதில்லை. இந்தியாவில் வேனிற்காலத்திலும் குளிர்ச்சியான இடங்கள் உள்ளன. இந்த இடங்களுக்கு சென்றால், உங்கள் சுற்றுலா கணங்களை ரசிப்பதில் சந்தேகமே இல்லை. நீங்கள் திருமணம் செய்து ஹனிமூனுக்கு செல்ல விரும்பினாலும், இந்த இடங்களை தேர்வு செய்யலாம். அத்தகைய இடங்களில் அசாம் மற்றும் மேகாலயா முதலிடத்தில் உள்ளன. நீங்கள் அங்கு எப்படி செல்வது என்று கவலைப்பட வேண்டாம். IRCTC உங்களுக்காக சுற்றுலா பேக்கேஜ் வழங்குகிறது. பெங்களூரு சென்று விட்டால், அங்கிருந்து அசாம், மேகாலயா செல்ல சுற்றுலா பேக்கேஜ் விவரம் இதோ. தமிழ்நாட்டின் பல பகுதிகளிலிருந்து பெங்களூருவுக்கு ரயில், பஸ், விமான போக்குவரத்து இருப்பதால், நீங்கள் பெங்களூரு சென்றடைய எந்த பிரச்னையும் இல்லை.

மேலும் படிக்க | Puducherry Tour : போலாமா புதுச்சேரி! மரபுச் சுற்றுலாவில் பார்க்க வேண்டிய இடங்கள் எவை? கல்வெட்டு ஆராய்ச்சியாளர் பேட்டி

அசாம், மேகாலயா சுற்றுலா பேக்கேஜ் விவரம்

IRCTCயின் அசாம், மேகாலயா சுற்றுலா பேக்கேஜ் 5 இரவுகள் மற்றும் 6 நாட்களுக்கு உள்ளது. இந்த சுற்றுலா பேக்கேஜில், சிர்புஞ்சி, குவஹாட்டி, காஜிரங்கா, மௌலினாங் மற்றும் ஷில்லாங் பகுதிகளை நீங்கள் பார்வையிடலாம். வொண்டர்ஸ் ஆஃப் அசாம் அண்ட் மேகாலயா எக்ஸ் பெங்களூரு (Wonders of Assam & Meghalaya Ex Bengaluru) என்பது இந்த சுற்றுலா பேக்கேஜின் பெயர். மார்ச் 24 அன்று இந்த பயணம் தொடங்குகிறது. மார்ச் 24 அன்று விமான எண் IX-2791 இல் காலை 8.10 மணிக்கு பெங்களூரில் இருந்து புறப்பட்டு, 11.20 மணிக்கு குவஹாட்டி அடையும். மார்ச் 29 இரவு 9.30 மணிக்கு குவஹாட்டியில் இருந்து பெங்களூருக்கு புறப்படும்.

மேலும் படிக்க | Puducherry Tour : புதுச்சேரியில் மனம் மயக்கும் மரபு சுற்றுலா; திரில்லிங்கான பயணங்கள் – கல்வெட்டு ஆராய்ச்சியாளர் பேட்டி!

பயண விவரம்

முதல் நாள்: பெங்களூரில் இருந்து குவஹாட்டிக்கு விமானத்தில் சென்று, அங்கிருந்து ஷில்லாங்கிற்கு பிக்அப் வாகனத்தில் செல்லுங்கள். இரவு ஷில்லாங்கில் தங்கவும்.

2 ஆம் நாள்: ஷில்லாங்–சிர்புஞ்சி: ஷில்லாங்கில் இருந்து சிர்புஞ்சிக்கு செல்லுங்கள். நோஹ்காலிகை நீர்வீழ்ச்சி, மௌஸ்மை குகை ஆகியவற்றைப் பார்த்துவிட்டு ஷில்லாங்கிற்கு திரும்புங்கள். திரும்பும் வழியில் எலிஃபண்டா நீர்வீழ்ச்சியைப் பார்த்துவிட்டு வாருங்கள். அன்று இரவு ஷில்லாங்கில் தங்கவும்.

3 ஆம் நாள்: ஷில்லாங்–மௌலினாங்: ஷில்லாங்கில் ஹோட்டல் செக் அவுட் செய்து டான் பாஸ்கோ அருங்காட்சியகம், உமியம் ஏரி ஆகியவற்றைப் பார்த்துவிட்டு காஜிரங்காவுக்கு புறப்படுங்கள். இரவு காஜிரங்காவில் தங்கவும்.

5 ஆம் நாள்: காஜிரங்கா–குவஹாட்டி: காலை உணவு அருந்திய பின்னர், ஹோட்டல் செக் அவுட் செய்து காஜிரங்கா தேசிய பூங்காவில் ஜீப் சஃபாரி. பின்னர் குவஹாட்டிக்கு சென்று இரவு தங்கவும்.

6 ஆம் நாள்: காலை காமக்யா கோவிலுக்கு செல்லுங்கள். பின்னர் ஹோட்டல் செக் அவுட் செய்து பாலாஜி கோவிலுக்கு செல்லுங்கள். அங்கிருந்து குவஹாட்டி விமான நிலையத்திற்கு டிராப் வசதி இருக்கும். அன்று இரவு 9.30 மணிக்கு குவஹாட்டியில் இருந்து பெங்களூருக்கு விமானம் இருக்கும்.

இந்த பேக்கேஜ் விலை விவரம்

அசாம், மேகாலயா 6 நாட்கள் சுற்றுலா பேக்கேஜ் விலை ஒருவருக்கு ரூ.46,800, இருவருக்கு தலா ரூ.39,990, மூவருக்கு தலா ரூ.38,500, 5 வயது முதல் 11 வயது வரையிலான குழந்தைகளுக்கு படுக்கை சேர்த்து ரூ.34,500, 5 வயது முதல் 11 வயது வரையிலான குழந்தைகளுக்கு படுக்கை இல்லாமல் ரூ.30,200, 2 வயது முதல் 4 வயது வரையிலான குழந்தைகளுக்கு படுக்கை இல்லாமல் ரூ.23,700

பேக்கேஜ் குறித்த தகவல்களுக்கு

வொண்டர்ஸ் ஆஃப் அசாம் அண்ட் மேகாலயா எக்ஸ் பெங்களூரு பேக்கேஜ் குறித்த தகவல்களுக்கு மொபைல் எண் 8595931291, மின்னஞ்சல் முகவரி tourismsbc@rctc.com மற்றும் மேலும் தகவல்களுக்கு www.irctctourism.com என்ற வலைத்தளத்தைப் பார்வையிடவும்.