HT Tamil Exclusive : தலைவலியே கஷ்டம்.. ஒற்றை தலைவலி இன்னும் கஷ்டம்.. ஹோமியோபதி சிகிச்சை பலன் தருமா.. டாக்டர் விளக்கம்!

தலைவலிக்கான காரணமும தீர்வும்

ஆல்கஹால் தொடர்ந்து எடுத்துக் கொள்ளும் நபர்களுக்கும் இந்த மாதிரி தலைவலி ஏற்படுகிறது. சிலருக்கு தலைவலி மட்டும் அல்லாமல் வாந்தி வருவது போல் உணர்வு, வாந்தி எடுத்தல், தலை சுற்றல், சோர்வு, மயக்கம் என்று சில பிரச்சினைகளும் கூடுதலாக சேர்ந்து விடுவது ஒற்றை தலைவலி யின் ஸ்பெஷல். ஒற்றை தலைவலி ஆரம்பித்து சில மணி நேரங்களில் சரியாகி விடுவதும் சில நேரங்களில் பல நாட்களாக வலி தொடர்வதும் ஒரு விசித்திரம். பல நேரங்களில் காரணங்களை கண்டறிவதில் சிரமங்களை எதிர்கொள்ள நேரிடும். பொதுவாக தலைவலி என்றால் உடனடி நிவாரணமாக பாராசிட்டமால் போன்ற ஆங்கில மருந்துகளை எடுத்து பழகியிருக்கிறோம். தாங்கள் சார்ந்த ஹோமியோபதி மருத்துவத்தில் இதற்கான மருந்துகள் உண்டா என்று கேட்ட போது மளமளவென்று பேச ஆரம்பித்தார்.

ஹோமியோபதி மருத்துவத்தில் ஒவ்வொருவருடைய பிரச்சினைகளையும் கவனமாக ஆராய்ந்து தான் மருந்துகளை தேர்வு செய்கிறோம். குறிப்பாக தலைவலி விஷயத்தில் அந்த நேரத்துக்கான நிவாரணம் தேடாமல் ஆரம்பத்திலேயே மருத்துவரிடம் வந்து விடுவது நல்லது. நாங்கள் நோயாளியின் வயது, பாலினம், அவர்கள் தொழில், வாழ்க்கை முறை, உணவு முறை, மருத்துவ வரலாறு, குடும்ப மருத்துவ குறிப்பு போன்ற விசயங்களையும் நோயின் தன்மை, வீரியம் என்று பல விசயங்களை கணக்கில் எடுத்துக் கொண்டு மருந்துகள் வழங்குகிறோம். பொதுவாக தலைவலியோடு வருவோருக்கு பெல்லடோன்னா என்று ஒரு மருந்து கொடுத்தாலே போதுமானது.

சிலருக்கு கடுமையான தலைவலியோடு வாந்தி வருதல் மயக்கம் பார்வையில் மாறுபாடுகள் என்று பிரச்சினைகள் கூடுதலாக இருக்கும் போது ஐரிஸ் வெர்சிகோலார் என்ற மருந்தை தருகிறோம். நீண்ட நாள் மனக் கவலைகள் குழப்பங்கள் மன அழுத்தம் காரணமாக வருவோருக்கு நேட்ரம் ம்யூரியாட்ரிகம் என்ற மருந்து நல்ல பலன் கிடைக்கும். மதுபானம் அருந்துதல் கா‌ஃபின் அதிகமாக எடுத்துக் கொள்பவர்களுக்கு நக்ஸ்வோமிகா மருந்து எடுத்து கொள்ளும் பட்சத்தில் தலைவலிக்கு தீர்வு கிடைக்கும். இவை தவிர குளோனின், நக்ஸ்வோமிகா போன்ற மருந்துகளையும் பயன் படுத்தி வருகிறோம்.

மொத்தத்தில் தலைவலிக்கு மட்டும் தீர்வு தேடாமல் அதற்கான காரணிகளையும் கருத்தில் கொண்டு வைத்தியம் எடுப்பதன் மூலம் ஹோமியோபதி மருத்துவத்தில் நல்ல நிரந்தர தீர்வு ஏற்படுத்த முடியும் என்று அழுத்தமாக கூறுகிறார் ஹோமியோபதி டாக்டர் ஜானகி. அதே சமயம் மருந்துகளை கண்டிப்பாக மருத்துவரின் அறிவுரையின் அடிப்படையில் எடுத்து கொள்ள வேண்டும் என்பதும் முக்கியம்.