தொண்டைக்கு இதமாக சாப்பிட மிளகு ரசம் செஞ்சு சாப்பிடுங்கள்! இதோ எளிமையான ரெசிபியை தெரிந்துக் கொள்ளுங்கள்!

3 கப் தண்ணீர்

3 டீஸ்பூன் மிளகு

1 டீஸ்பூன் சீரகம்

5 முதல் 7 பல் பூண்டு

2 டீஸ்பூன் எண்ணெய்

அரை டீஸ்பூன் கடுகு

3 வற மிளகாய்

2 டீஸ்பூன் பெருங்காயம் தூள்

2 தக்காளி

ஒரு கொத்து கறிவேப்பிலை

அரை டீஸ்பூன் மஞ்சள் தூள்

தேவையான அளவு உப்பு

ஒரு கைப்பிடி கொத்தமல்லி இலை

மேலும் படிக்க | சிக்கன் கிரேவி : மசாலாவை வறுத்து அரைத்து ஒரு சிக்கன் கிரேவி செய்யலாமா? இதோ ரெசிபி!

செய்முறை

முதலில் ஒரு பாத்திரத்தில் சுடு தண்ணீர் ஊற்றி அதில் புளியை 30 நிமிடம் வரை ஊறவைக்க வேண்டும். இந்த புளி நன்கு ஊறியதும் அதை நன்றாக பிழிந்து சாறு எடுக்க வேண்டும்.பின்னர் அம்மியில் அல்லது மிக்சர் ஜாரில் மிளகு, சீரகம் மற்றும் பூண்டு ஆகியவற்றை போட்டு கொரகொரப்பாக அரைக்க வேண்டும். இதனை அம்மியில் அரைத்து வைத்தால் மிகவும் ருசியாக இருக்கும் எனக் கூறுவார்கள்.

இதனை அரைத்ததும் அதை ஒரு பக்கமாக வைத்துக்கொள்ளவும். பின்னர் ஒரு கடாயை அடுப்பில் வைத்து எண்ணெய் ஊற்றி சூடாக்கவும். எண்ணெய் நன்கு சூடானதும் கடுகு போடவும். கடுகு தாளிக்கத் துவங்கியதும், காய்ந்த மிளகாய் மற்றும் பெருங்காயத் தூள் சேர்க்கவும். வற மிளகாய் நன்றாக வதக்கவும். பிறகு நறுக்கிய தக்காளிகளை இதில் சேர்க்கவும். சிறிதளவு கறிவேப்பிலை போடவும். தக்காளி நன்கு வதங்கும் வரை வதக்கவும். இதில் மஞ்சள் தூள் சேர்க்கவும். அதன்பிறகு, தயார் செய்த மிளகு கலவையை சேர்த்து நன்றாக கிளறவும். புளி சாறை ஊற்றவும். தேவையான அளவு தண்ணீர் மற்றும் உப்பு சேர்த்து கிளறவும். 5 நிமிடம் மிதமான தீயில் கொதிக்க விடவும். அவ்வளவு தான் சுவையான மிளகு ரசம் ரெடி. இதனை சூடான சாதத்துடன் சேர்த்து சாப்பிட்டால் மிகவும் ருசியானதாக இருக்கும். இது கரகரப்பான தொண்டைக்கு இதமான உணர்வை கொடுக்கக் கூடியதாகும். நீங்களும் இதனை உங்களது வீட்டில் முயற்சி செய்து பாருங்கள்.

மேலும் படிக்க | சின்ன வெங்காய ரசம் : சின்ன வெங்காயத்துல ரசம் வைக்க முடியுமா? அதைச் செய்வது எப்படி என்று பாருங்கள்!