கேரள ஸ்டைல் பழம்பொரி சாப்பிட்டு இருக்கீங்களா? வீட்டிலேயே எளிமையாக செய்யும் முறையை தெரிஞ்சுக்கோங்க!

தேவையான பொருட்கள்

4 நேந்திரம் வாழைப்பழம்

1 கப் மைதா மாவு

அரை கப் அரிசி மாவு

கால் கப் இட்லி மாவு

கால் டீஸ்பூன் மஞ்சள் தூள்

அரை டீஸ்பூன் உப்பு

கால் கப் சர்க்கரை

2 சிட்டிகை சமையல் சோடா

மேலும் படிக்க | கேரளா தக்காளி ரசம் : தக்காளி ரசம்; சாதாரணமா நினைச்சுடாதீங்க, இது கேரளா ஸ்டைல்! எப்படி செய்வது தெரியுமா?

செய்முறை

முதலில் ஒரு அகன்ற கிண்ணத்தில் மைதா மாவு, அரிசி மாவு, இட்லி மாவு, மஞ்சள்தூள், உப்பு, சர்க்கரை, சமையல் சோடா ஆகியவற்றை ஒன்றாக சேர்க்க வேண்டும். பின்னர் இதில் சிறிது சிறிதாக தண்ணீர் சேர்த்து பஜ்ஜி மாவு பதத்திற்கு கரைக்க வேண்டும். இந்த மாவில் கட்டிகள் இல்லாமல் கரைத்துக் கொள்ள வேண்டும். கட்டிகள் இருந்தால் பொரிக்கும் போது நன்றாக இருக்காது. பின்னர் இவ்வாறு கலந்த வைத்த மாவு கலவையை மூடி வைத்து ஒரு மணி நேரம் புளிக்க விட வேண்டும். இப்பொழுது நன்கு பழுத்த நேந்திரம் பழத்தை சிறிது தடிமனாக நீளவாக்கில் துண்டுகளாக வெட்டி எடுத்துக் கொள்ள வேண்டும்.

நீளவாக்கில் வெட்டிய நேந்திரம் பழம் துண்டை புளிக்க வைத்துள்ள பஜ்ஜி மாவில் தோய்த்து எடுக்க வேண்டும். அதற்கு முன்பாக ஒரு பெரிய கடாயை அடுப்பில் வைத்து பழம்பொரி பொரிக்கத் தேவையான எண்ணெய் ஊற்றி சூடாக்க வேண்டும். எண்ணெய் சூடான பின்னர் மாவில் தோய்த்த பழத்தினை சேர்த்து இரண்டு பக்கமும் திருப்பி போட்டு பொரித்து எடுக்க வேண்டும். இனிப்பு கலந்த இந்த புதுமையான பஜ்ஜி சூடாக சுவைக்க ருசியாக இருக்கும். இதனை கோடை விடுமுறையில் இருக்கும் குழந்தைகளுக்கு செய்து கொடுங்கள். மிகவும் மகிழ்ச்சியாக விரும்பி சாப்பிடுவார்கள். மேலும் இதனை காலை உணவுடனும் சேர்த்து சாப்பிடலாம். இது போன்ற புது விதமான உணவுகளை செய்து தரும் போது அனைவரும் விரும்பி சாப்பிடுவார்கள். நீங்கும் உங்கள் வீடுகளில் இதனை செய்து பார்த்து சாப்பிட்டு மகிழுங்கள்.

மேலும் படிக்க | சிவப்பு சட்னி : கேரளா ஸ்டைல் தேங்காய் சிவப்பு சட்னி; பார்த்தாலே நாவில் எச்சில் ஊறும்; சாப்பிட்டுக்கொண்டே இருக்க தோன்றும்