கர்நாடகா ஸ்பெஷல் பிரேக்பாஸ்ட் காரா பாத் சாப்பிட்டு இருக்கீங்களா? இன்னைக்கே ட்ரை பண்ணி பாருங்கள்!

மேலும் படிக்க | வெயில் காலத்தில் ஈசியா செய்ய சூப்பர் பிரேக்பாஸ்ட் ரெசிபி! அவல் உப்புமா செஞ்சு அசத்துங்க!

தேவையான பொருட்கள்

1 கப் ரவை 

1 கப் பீன்ஸ்

1 கப் கேரட்

கால் கப் பச்சை பட்டாணி 

3 டேபிள்ஸ்பூன் எண்ணெய் 

1 டேபிள்ஸ்பூன் நெய்

1 டீஸ்பூன் கடலை பருப்பு 

10 முந்திரி பருப்பு

1 டீஸ்பூன் கடுகு 

1 டீஸ்பூன் சீரகம்

ஒரு பெரிய வெங்காயம் 

3 பச்சை மிளகாய் 

சிறிய துண்டு இஞ்சி

கால் கப் வெஜிடபிள் ஸ்டாக்

அரை டீஸ்பூன் மஞ்சள் தூள்

ஒரு பெரிய தக்காளி

அரை கப் துருவிய தேங்காய்

ஒரு கைப்பிடி கறிவேப்பிலை

ஒரு கைப்பிடி கொத்தமல்லி இலை

தேவையான அளவு உப்பு

தேவையான அளவு தண்ணீர்

மேலும் படிக்க | இட்லி மாவு இல்லையா? எதுக்கு கவலை? உடனே செய்யலாம் ஓட்ஸ் இட்லி! சத்தான பிரேக்பாஸ்ட் ரெசிபி!

செய்முறை

முதலில் ஒரு பாத்திரத்தில் தண்ணீர் ஊற்றி, ஒரு கப் நறுக்கிய பீன்ஸ் சேர்க்கவும். ஒரு கப் நறுக்கிய கேரட் மற்றும் பட்டாணி, ஒரு சிட்டிகை உப்பு சேர்த்து, நன்கு கலந்து மூடி வைத்து நன்கு வேக வைக்க வேண்டும். சில நிமிடங்கள் கழித்து காய்கறிகளை வடிகட்டி தனியாக வைக்கவும். பின்னர் ஒரு அகன்ற கடாயை அடுப்பில் வைத்து அதில்  எண்ணெய் மற்றும் நெய் ஊற்றி சூடாக்கவும். பின்னர் இதில்  கடலை பருப்பு, முந்திரி பருப்பு சேர்த்து வறுக்கவும். பிறகு கடுகு, சீரகம் சேர்த்து வதக்கி, நறுக்கிய வெங்காயம், பச்சை மிளகாய், இஞ்சி சேர்த்து வதக்கவும். அவற்றை நன்றாக வதக்கவும்.

அடுத்து அதில் ரவையை  சேர்த்து நன்றாக வறுக்கவும். தண்ணீர் சேர்த்து, வெஜிடபிள் ஸ்டாக் தண்ணீர் சேர்த்து கலக்கவும். உப்பு, மஞ்சள் தூள், நறுக்கிய தக்காளி மற்றும் வேகவைத்த காய்கறிகள் சேர்க்கவும். எல்லாவற்றையும் நன்றாக கலக்கவும். இப்பொழுது கடாயை மூடி, மிதமான தீயில் நன்கு வேகவிட வேண்டும். சில நிமிடங்கள் கழித்து கடாயை திறந்து சிறிது நெய் ஊற்றவும். புதிதாக துருவிய தேங்காய், சில கறிவேப்பிலை மற்றும் சில நறுக்கிய கொத்தமல்லி இலைகள் சேர்த்து ஒன்றாக கலக்கவும். சுவையான காரா பாத் உங்கள் விருப்பப்படி சாம்பார் மற்றும் சட்னியுடன் சூடாக பரிமாற தயாராக உள்ளது.

மேலும் படிக்க | சத்தான கீரை தோசை வித் சுவையான முள்ளங்கி சட்னி! சூப்பர் பிரேக்பாஸ்ட் காமினேஷன்! இதோ அசத்தலான ரெசிபி!