உணவின் சுவையை கூட்டும் சைனீஸ் ஸ்பெஷல் செஸ்வான் சாஸ் வேண்டுமா? வீட்டிலேயே எளிமையாக செய்யலாமே!

அரை கப் காஷ்மீரி மிளகாய்

3 கப் தண்ணீர்

1 கப் சமையல் எண்ணெய்

10 பல் பூண்டு

ஒரு சிறிய துண்டு இஞ்சி

அரை கப் சூடான நீர்

தேவையான அளவு உப்பு

ஒரு டீஸ்பூன் மிளகு தூள்

2 டேபிள்ஸ்பூன் சோயா சாஸ்

2 டேபிள்ஸ்பூன் வினிகர்

2 டேபிள்ஸ்பூன் தக்காளி கெட்சப்

சிறிதளவு சர்க்கரை

மேலும் படிக்க | Chinese Style Oats : வித்தியாசமாக சமைக்கலாமா? சைனீஸ் ஸ்டைல் ஓட்ஸ் எப்படி செய்வது!

செய்முறை

முதலில் வழக்கமான செஸ்வான் மிளகாய் மற்றும் காஷ்மீரி மிளகாய் ஆகிவற்றை எடுத்துக் கொள்ளவும். ஒவ்வொரு மிளகாயிலும் இருந்து காம்பை நீக்கி வைக்கவும். பின்னர் ஒரு பாத்திரத்தில் தண்ணீர் சேர்த்து சிவப்பு மிளகாய் மற்றும் காஷ்மீரி மிளகாய் ஆகியவற்றை சேர்க்கவும். இந்த பாத்திரத்தை அடுப்பில் வைத்து மிளகாயை 20 நிமிடங்களுக்கு வேகவிடவும். மிளகாய் வெந்ததும் அடுப்பை அணைத்து தண்ணீரை வடிகட்டவும்.

ஆறியதும் மிக்சி ஜாருக்கு மாற்றி அரைக்கவும், தேவைப்பட்டால் மிளகாய் வேக வைத்த தண்ணீரை சேர்த்துக் கொள்ளலாம். அதை ஒரு கிண்ணத்திற்கு மாற்றி தனியாக வைக்கவும். ஒரு அகலமான கடாயில் எண்ணெய் சேர்த்து பொடியாக நறுக்கிய பூண்டு, பொடியாக நறுக்கிய இஞ்சி சேர்த்து வதக்கவும். பிறகு மிளகாய் விழுதை சேர்த்து ஒன்றாகக் கலக்கவும். வெந்நீரை சேர்த்து நன்கு கலக்கவும். உப்பு, மிளகு தூள், சோயா சாஸ், வினிகர், தக்காளி கெட்சப் மற்றும் சர்க்கரை சேர்த்து கலந்து விட்டு 10 நிமிடம் கொதிக்கவிடவும். எண்ணெய் சேர்த்து மிளகாய் விழுதுடன் கலக்கவும். இதனை சில நிமிடம் மிதமான தீயில் வேகவிடவும். அடுப்பை அணைத்து, முழுமையாக ஆறவைத்து, காற்று புகாத பாட்டிலில் சேமித்து, குளிர்சாதன பெட்டியில் வைத்தால் 2-3 மாதங்கள் நன்றாக இருக்கும். இதனை நூடுல்ஸ், பிரைட் ரைஸ் போன்றவற்றில் சேர்த்துசமைக்கலாம். நீங்களும் இதனை உங்களது வீட்டிலேயே முயற்சி செய்து பாருங்கள்.

மேலும் படிக்க | சப்பாத்தி நூடுல்ஸ் : குழந்தைகளா ஓடிவாங்க, சப்பாத்தி நூடுல்ஸ் செய்யலாம்; சாப்பிட்டுக்கொண்டே இருக்கத் தூண்டும்!