சப்பாத்திக்கு தொட்டு கொள்ள ஒரு சூப்பர் தொக்கு செய்யலாமா? இதோ முட்டை தக்காளி தொக்கு ரெசிபி!

எண்ணெய் - 4 டேபிள்ஸ்பூன்

மசாலா பொருட்கள் - (பட்டை, 4 ஏலக்காய், 4 கிராம்பு, சீரகம்)

வெங்காயம் - 3 (நறுக்கியது)

பச்சை மிளகாய் - 4 (நடுவில் கீறியது)

மிளகுத்தூள் - 1 டீஸ்பூன்

இஞ்சி பூண்டு பேஸ்ட் - 1 டீஸ்பூன்

தக்காளி ப்யூரி - 1 (ஒரு தக்காளியைக் குழைத்து தயாரிக்கவும்)

தக்காளி - 3 (நறுக்கியது)

மஞ்சள்தூள் - 1/2 டீஸ்பூன்

காஷ்மீரி மிளகாய்தூள் - 2 டீஸ்பூன்

கொத்தமல்லித்தூள் - 2 டீஸ்பூன்

உப்பு - 1 டீஸ்பூன்

கறிவேப்பிலை - சிறிதளவு

கரம் மசாலா - 1 டீஸ்பூன்

தண்ணீர் - தேவையான அளவு

கொத்தமல்லி - அலங்காரத்திற்கு

மேலும் படிக்க | கமகம மணத்துடன் முருங்கைக்காய் தொக்கு செய்யலாமா? இதோ இங்க இருக்கு எளிமையான செய்முறை!

செய்முறை:

முதலில் ஒரு கடாயை அடுப்பில் வைத்து 4 டேபிள்ஸ்பூன் எண்ணெய் ஊற்றி சூடாக்க வேண்டும். எண்ணெய் சூடானதும் அதில் பட்டை, ஏலக்காய், கிராம்பு, சீரகம் சேர்த்து நறுமணம் வரும் வரை வதக்கவும். நறுக்கிய வெங்காயம், பச்சை மிளகாய் சேர்த்து பொன்னிறமாக வதக்கவும். மேலும் மிளகுத்தூள், இஞ்சி-பூண்டு பேஸ்ட் சேர்த்து நன்கு கிளறவும். தக்காளி ப்யூரி சேர்த்து கிளறி, பின் நறுக்கிய தக்காளியை சேர்த்து மொத்தமாக கலந்து விடவும்.. மஞ்சள்தூள், காஷ்மீரி மிளகாய்தூள், கொத்தமல்லித்தூள், உப்பு சேர்த்து, கறிவேப்பிலையுடன் கலந்து விடவும்.

1/2 கப் தண்ணீர் சேர்த்து மூடி வைத்து 5 நிமிடம் வேகவிடவும். வேகவைத்த முட்டைகளில் சிறிய கீறல் போட்டு, கறியுடன் நன்கு புரட்டி 5 நிமிடம் சிம்மில் வைத்துக்கொள்ளவும். கடைசியாக, கரம் மசாலா தூவி, கொத்தமல்லி தூவி அலங்கரிக்கவும். சூடாக பரிமாறவும்! இது சாதத்திற்கும், சப்பாத்திக்கும் ஏற்ற கிரேவி.

மேலும் படிக்க | தொக்கு ரெசிபி : கறிவேப்பிலை – பூண்டு தொக்கு; நீண்ட நாட்கள் கெடாது; வாயில் எச்சில் ஊறும் சுவையில் செய்யலாம்!