இனி தேன் மிட்டாய் சாப்பிட கடைக்கு போக வேண்டாம்! வீட்டிலேயே செய்யலாம் சூப்பர் தேன் மிட்டாய்!

எலுமிச்சம் பழம்

1 கப் சர்க்கரை

1டேபிள்ஸ்பூன் ஜவ்வரிசி மாவு

1டேபிள்ஸ்பூன் பேக்கிங் பவுடர்

1டேபிள்ஸ்பூன் ஆரஞ்சு பவுடர்

தேவையான அளவு உப்பு

தேவையான அளவு எண்ணெய்

செய்முறை

முதலில் அரிசி மற்றும் உளுந்தை நன்கு கழுவி எடுத்துக் கொள்ளவும்.  அதனுடன் ஜவ்வரிசியை சேர்த்து அதை  4 மணி நேரம் வரை ஊற வைக்கவும். இப்பொழுது ஊற வைத்த அரிசி, உளுந்து, மற்றும் ஜவ்வரிசியோடு சிறிதளவு உப்பை சேர்த்து மிக்ஸியில் போட்டு தேவையான அளவு தண்ணீர் தெளித்து அதை நன்கு அரைத்து எடுத்து  கொள்ளவும். பின் ஒரு பாத்திரத்தை அடுப்பில் வைத்து சர்க்கரை மற்றும் தண்ணீரை விட்டு பாகு காய்ச்சிக் கொள்ளவும். 

சர்க்கரை பாகு ஒரு கம்பி பதத்தை தாண்டி விட்டால் அது மிட்டாய் உருண்டைகளில் இறங்காது. ஒரு வேளை சர்க்கரை பாகு ஒரு கம்பி பதத்தை தாண்டி விட்டால் அதில் மீண்டும் சிறிதளவு தண்ணீர் சேர்த்து அதை கொதிக்க வைத்து சர்க்கரை பாகை ஒரு கம்பி பதத்திற்கு கொண்டு வரவும். பின்பு இந்த சர்க்கரை பாகை அடுப்பிலிருந்து இறக்கி அதில் சுமார் 3 அல்லது 4 சொட்டு எலுமிச்சை சாறை சேர்த்து கொள்ளவும்.  பின்னர் அரைத்து வைத்திருக்கும் மாவை எடுத்து அதில் ஆரஞ்சு பவுடர் மற்றும் பேக்கிங் சோடாவை போட்டு அதை நன்கு கலந்து கொள்ளவும்.  இப்பொழுது ஒரு கடாயை மிதமான சூட்டில் அடுப்பில் வைத்து அதில் தேன் மிட்டாயை போட்டு பொரித்து எடுப்பதற்கு தேவையான அளவு எண்ணெய் ஊற்றி எண்ணெய்யை சுட வைக்கவும். ண்ணெய் சுட்டதும் அரைத்து வைத்திருக்கும் மாவை சிறிது அளவு எடுத்து எண்ணெய்யில் சிறு சிறு உருண்டைகளாக போடவும்.

கடாயின் அளவிற்கேற்ப உருண்டைகளைப் போட்டு அது அனைத்து புறங்களிலும் மொறு மொறுப்பாக வந்ததும் அதை எடுத்து எண்ணெய்யை நன்கு வடித்து அப்படியே செய்து வைத்திருக்கும் சர்க்கரை பாகில் போட்டு அதை சுமார் 15 லிருந்து 20 நிமிடம் வரை ஊற விடவும்.சர்க்கரை பாகு நன்கு வெது வெதுப்பாக இருக்கும்போதே தேன் மிட்டாய்களை அதில் போட்டால் தான் அது நன்கு ஊரும். 20 நிமிடத்திற்கு பிறகு சர்க்கரை பாகில் இருந்து தேன் மிட்டாய்களை எடுத்து சர்க்கரையில் உருட்டியோ அல்லது அப்படியேவும் பரிமாறலாம்.இப்பொழுது உங்கள் இனிப்பான மற்றும் மிகவும் சுவையான தேன் மிட்டாய் தயார். இதை எளிமையாக நமது வீட்டிலேயே செய்து விடலாம். மேலும் சுத்தமான முறையிலும் செய்து சாப்பிடலாம்.