லட்டு: ‘நள்ளிரவில் பசிக்கிறதா? இப்படி ஆரோக்கியமான லட்டுகளை செய்து சாப்பிடுங்க’: பல்வேறு லட்டு தயாரிப்பின் செய்முறைகள்

இரவில் பசி எடுத்தாலும் சிலர் லட்டு சாப்பிட்டு, தங்கள் பசியைப் போக்க நினைப்பர். இதனை குழந்தைகள் முதல் பெரியவர்கள் வரை அனைவரும் விரும்புவர்.

1. தேங்காய் உலர்ந்த பழம் லட்டு:

ஒரு பாத்திரத்தில் வெல்லம் மற்றும் பால் சேர்த்து நன்கு கலக்கவும். அதில் பாதாம், முந்திரி, உலர் திராட்சை மற்றும் சில உலர் பழங்களைப் போடலாம். தற்போது கெட்டியாகிக் கொண்டு இருக்கும் பாலில் துருவிய தேங்காயைப் போடவும். உங்களுக்கு இனிப்பு வேண்டுமானால், தேன் சேர்த்து கலவையை ஒரு கட்டியாக மாற்றவும். இந்த பாகு பதம் வரும் வரை கிளறவும். சிறிதுநேரத்தில் அதனை அடுப்பில் இருந்து இறக்கி, நெய் தடவி லட்டுக்களாக உருட்டவும்.

மேலும் படிக்க: சம்மர் ரெசிபி: ‘லஸ்ஸி குடிக்க ஏன் வெளியில் போகணும்?’: தயிரை வைத்து இப்படி வீட்டிலேயே பானங்களை ரெடிசெய்யலாம்!

2. பேரீச்சம்பழ லட்டு:

இயற்கையாக கிடைக்கும் பேரீச்சம்பழம், மைதாவுடன் கலந்த இனிப்பு உணவுகளை விட சாப்பிட மிகவும் ஆரோக்கியமானது. இந்த பேரீச்சம்பழத்தை, பால் மற்றும் வெல்லப்பாகுடன் சேர்த்து, லட்டு தயாரித்து சாப்பிட்டால் சுவையாக இருக்கும். இந்த லட்டுகள் பாதாம் மற்றும் முந்திரி பருப்புகளை பேரீச்சம்பழத்துடன் கலந்து தயாரிக்கப்படுகின்றன.

அதன்மேல், தேங்காய்த் துருவலையும் போட்டுக்கொள்ளலாம். இதில் நார்ச்சத்து, வைட்டமின்கள் நிறைந்துள்ளன.

3. ராகி லட்டு:

ராகி லட்டு செய்வதற்கு முதலில் கேழ்வரகை நெய் சேர்த்து நன்கு வறுக்க வேண்டும். பின்னர் வெல்லம், ஏலக்காய் மற்றும் இலவங்கப்பட்டை சேர்த்து நன்கு கலக்கவும். அந்த வெல்லப்பசை வந்தவுடன், அதை ஒரு கட்டியாக உருவாக்கி, ராகி லட்டுவை சுவைக்க தயாராகுங்கள். ராகி லட்டுவில் கால்சியம் மற்றும் இரும்புச்சத்து மற்றும் நார்ச்சத்து நிறைந்துள்ளது. இந்த கோடையில் ராகி லட்டு சாப்பிடுவது ஆரோக்கியத்திற்கு நல்லது.

மேலும் படிக்க: 'வீட்டிலேயே ரெஸ்டாரன்ட் ஸ்டைலில் கடாய் பன்னீர் மசாலா செய்வது எப்படி?': எளிய முறைகள்!

4. கடலை மாவு லட்டு:

இது கடலை மாவிலிருந்து தயாரிக்கப்படுகிறது. இந்த சுவையான லட்டு தயாரிக்க, முதலில் கடலை மாவை நன்றாக வறுக்கவும். பின்னர் நெய், சர்க்கரை மற்றும் ஏலக்காய் சேர்த்து நன்கு கலந்து ஒரு உருண்டை போல பிடிக்கவும். நீங்கள் விரும்பினால் இதில் உலர்ந்த பழங்களையும் சேர்க்கலாம்.

5. கடலை பொரி லட்டு:

கடலை பொரி லட்டு என்பது ஒரு சுவையான இனிப்பு-சிற்றுண்டி ஆகும். இதற்கு, முதலில் நீங்கள் முதலில் கடலை பொரியை நன்கு வறுக்க வேண்டும். பின்னர் வெல்லத்தை உருக்கி, நெய் சேர்த்து பாகு ஆக்கிக்கொண்டு கலக்கவும். அது முழுவதுமாக குளிர்ச்சியடைவதற்கு முன்பு அதை உருண்டைக் கட்டியாக உருவாக்கி, சுவையான கடலை பொரி லட்டினை தயார் செய்யவும்.

மேலும் படிக்க: 'சிறுதானியங்களை சமைக்கும்போது இந்த தவறுகளை மட்டும் செய்யாதீங்க’: மருத்துவர் அருண் கார்த்திக் பேட்டி

6. கோதுமை லட்டு:

இந்த கோதுமை லட்டு, கோதுமை மாவை சிறிது நெய்யுடன் பொன்னிறமாகும் வரை நன்கு வறுக்க வேண்டும். பின்னர், இந்த கலவையில் வெல்லம், நீர் மற்றும் ஏலக்காய் சேர்த்து நன்கு கலக்கவும். வறுத்த கோதுமையில் வெல்லம் சரியாக ஒட்டிக்கொள்ள வேண்டும். பின்னர் அதை சிறிய உருண்டைகளாக செய்து கொண்டால் கோதுமை லட்டு தயார்.

மிகவும் எளிமையான முறையில் செய்யப்படும் இந்த லட்டு ஆரோக்கியத்திற்கும் நன்மை பயக்கும். அப்படியானால், இந்த எளிதான லட்டு ரெசிபிகளை ஏன் முயற்சி செய்யக்கூடாது.