தமிழ் செய்திகள்  /  லைஃப்ஸ்டைல்  /  Identifying Food Adultration: உணவில் இருக்கும் கலப்படங்களை கண்டறிய பின்பற்ற வேண்டிய எளிய டிப்ஸ் இதோ

Identifying Food Adultration: உணவில் இருக்கும் கலப்படங்களை கண்டறிய பின்பற்ற வேண்டிய எளிய டிப்ஸ் இதோ

Muthu Vinayagam Kosalairaman HT Tamil
Jun 12, 2024 07:00 PM IST

கலப்பட உணவுகளை உட்கொள்வதனால் லேசானது முதல் கடுமையான உடல்நல பிரச்னைகள் ஏற்படலாம். உணவில் இருக்கும் கலப்படங்களை கண்டறிய பின்பற்ற வேண்டிய எளிய டிப்ஸ் பற்றி தெரிந்து கொள்ளலாம்.

உணவில் இருக்கும் கலப்படங்களை கண்டறிய பின்பற்ற வேண்டிய எளிய டிப்ஸ்
உணவில் இருக்கும் கலப்படங்களை கண்டறிய பின்பற்ற வேண்டிய எளிய டிப்ஸ்

ட்ரெண்டிங் செய்திகள்

இந்த கலப்படங்களை உட்கொள்ளும் போது பல்வேறு நோய் பாதிப்புகள் உண்டாக்கும். மசாலா பொருள்கள், பால் உள்பட மற்ற உணவு பொருள்களிலும் கலப்படம் சேர்க்கப்படுகிறது. குறிப்பாக பாலில் அதிக அளவில் தண்ணீர் சேர்க்கப்படுகிறது. அந்த வகையில் நாம் சாப்பிடும் உணவு பொருள்களில் சேர்க்கப்படும் கலப்படத்தை கண்டறிய பல்வேறு வழிகள் உள்ளன.

உணவு கலப்படம் என்றால் என்ன?

உணவுக் கலப்படம் என்பது, தரம் தாழ்ந்த பொருள்களைச் சேர்ப்பதன் மூலமாகவோ அல்லது உணவை உட்கொள்ளவும், அதை சுவைக்கும் முக்கிய கூறுகளாக இருப்பதையும் அகற்றுவதன் மூலம் தீங்கு விளைவிப்பது தான் என்று ஊட்டச்சத்து நிபுணர்கள் கூறுகிறார்கள். இது உணவின் தரத்தை குறைக்கும் செயல்முறையைாக உள்ளது.

பாலில் தண்ணீர் சேர்ப்பது, வெண்ணெயில் மாவுச்சத்து சேர்ப்பது அல்லது தோற்றத்தை அதிகரிக்க செயற்கை நிறங்கள் சேர்ப்பது போன்ற தீங்கு விளைவிக்கும் அல்லது உணவு அல்லாத பொருட்களை உணவுப் பொருட்களில் சேர்ப்பது உணவு கலப்படங்களில் சிறந்த உதாரணமாக உள்ளது.

தரம் குறைந்த தானியங்களை உயர்தர தானியங்களுடன் கலப்பது போன்ற உயர்தர பொருள்களை மலிவான மாற்றுகளுடன் மாற்றுதலும், மாவு பொருள்களில் சுண்ணாம்பு தூள் அல்லது பருப்புகளில் மணல், கற்கள் போன்ற அசுத்தங்களை சேர்த்து அதன் எடையை அதிகரிக்க செய்கிறது.

உணவுக் கலப்படம் குறிப்பிடத்தக்க உடல்நல அபாயங்களை ஏற்படுத்துகிறது, இது சிறிய உடல்நலப் பிரச்னைகள் முதல் கடுமையான நோய்கள் வரை பாதிப்புகளை ஏற்படுத்தலாம். வயிற்றுப்போக்கு, இருதய நோய், ஒவ்வாமை எதிர்வினை, குமட்டல் மற்றும் நீரிழிவு ஆகியவை கலப்பட உணவுகளை உட்கொள்பவர்களுக்கு அடிக்கடி ஏற்படும் நோய்களாக உள்ளது.

உணவில் கலப்படம் இருப்பதை கண்டறிவது எப்படி?

பால்

பளபளப்பான மேற்பரப்பில் ஒரு துளி பால் வைக்க வேண்டும். அது ஒரு தடம் விடாமல் கீழே பாய்ந்தால், உங்கள் பாலில் தண்ணீர் இருக்கிறது என்று அர்த்தம். அதேபோல் பாலை ஒரு மூடிய டப்பாவில் சேர்த்து வலுவாக குலுக்க வேண்டும். அது அடர்த்தியான நுரையை உருவாக்கினால், அதில் சோப்பு பொருள்கள் கலந்து இருக்கலாம்.

தேன்

அதன் தூய்மையை சரிபார்க்க ஒரு கிளாஸ் தண்ணீரில் சில துளிகள் தேன் சேர்க்கவும். தூய தேன் கீழே குடியேறும், அதே நேரத்தில் சர்க்கரை பாகு அல்லது பிற கலப்படம் கொண்ட தேன் கரைந்துவிடும்.

மஞ்சள் மற்றும் மிளகாய் தூள் போன்ற மசாலாப் பொருள்கள்

ஒரு கிளாஸ் வெதுவெதுப்பான நீரில் ஒரு தேக்கரண்டி மஞ்சள் தூளை கலக்கவும். தூய மஞ்சள் தெளிவான நீரை விட்டு கீழே குடியேறும். தண்ணீர் மேகமூட்டம் போல் மாறினால், அதில் கலப்படம் இருக்கலாம்.

மிளகாய்ப் பொடியாக இருந்தால், அந்த பொருளை சிறிதளவு தண்ணீரில் போடவும். செயற்கை நிறம் சிவப்பு நிற கோடுகளை விட்டுவிடும், அதே நேரத்தில் தூய மிளகாய் தூள் கோடுகள் இல்லாமல் குடியேறும்.

தேநீர் மற்றும் காபி தூள்

ஈரமான பிளாட்டிங் பேப்பரில் சிறிதளவு தேயிலை இலைகளை பரப்பவும். மஞ்சள் அல்லது ஆரஞ்சு கறை தோன்றினால், அது செயற்கை நிறம் இருப்பதைக் குறிக்கிறது. தண்ணீரில் சிறிது காபி தூள் போடவும். தூய காபி மிதக்கும், கலப்படம் கலந்த காபி தூள் கீழே குடியேறும்.

பழங்கள்

வாழைப்பழத்தில் கலப்படம் இருப்பதை, அதனை ஒரு கின்னம் அளவு தண்ணீர் போடவும். தண்ணீர் லேசாக பழுப்பு நிறமாக மாறினால், அது கால்சியம் கார்பைடு போன்ற செயற்கையாக பழுக்க வைக்கும் பொருள்கள் இருப்பதை குறிக்கிறது.

கோதுமை

ஒரு டேபிள்ஸ்பூன் கோதுமை மாவை தண்ணீரில் கரைத்தால், தூய மாவு கீழே குடியேறும். ஆனால் தண்ணீர் மேகமூட்டமாக மாறினால் அல்லது எச்சம் இருந்தால், கலப்படம் இருப்பதை குறிக்கிறது.

இறைச்சி

கோழி அல்லது பன்றி இறைச்சிகளை வாங்கும்போதுஸ அதை நன்கு அழுத்தி பார்க்கவும். அது மிகவும் உறுதியாகவும் அல்லது ரப்பர் போலவும் உணர்ந்தால், அதில் கலப்படங்கள் இருக்கலாம்.

தூய இறைச்சியானது பிரகாசமான சிவப்பு அல்லது இளஞ்சிவப்புத் திட்டுகள் இல்லாமல் இயற்கையான நிறத்தை கொண்டிருக்க வேண்டும்.

எண்ணெய்கள் மற்றும் கொழுப்புகள்

தேங்காய் எண்ணெயை சிறிதளவு குளிர வைக்கவும். சுத்தமான தேங்காய் எண்ணெய் கெட்டியாகிவிடும். அதே நேரத்தில் கலப்பட எண்ணெய் திரவமாக இருக்கும்.

மற்ற எண்ணெய்களைச் சரிபார்க்க, உங்கள் உள்ளங்கையில் சில துளிகள் எண்ணெயை ஊற்றி தேய்க்கவும். தூய எண்ணெய் விரைவாக உறிஞ்சப்படும்

வெண்ணெய்

ஒரு கரண்டியில் ஒரு சிறிய அளவு வெண்ணெய் உருக்க வேண்டும். தூய வெண்ணெய் விரைவாக உருகி பழுப்பு நிறமாக மாறும். அதேசமயம் கலப்பட வெண்ணெய் உருகுவதற்கு அதிக நேரம் எடுக்கும், மேலும் வெள்ளை எச்சத்தையும் வெளிப்படுத்தலாம்.

இவ்வாறு வீட்டில் இருந்தபடியே சில உணவு பொருள்களின் கலப்படத்தை எளிய முறையில் கண்டறிந்து, கலப்படமான உணவு நுகர்வதை தடுக்கலாம்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

டாபிக்ஸ்

உடல்நலம், அழகு குறிப்புகள், சமையல் குறிப்புகள், பயணம், உடற்பயிற்சி, போன்ற பல கட்டுரைகளை, லைஃப் ஸ்டைல் பிரிவில் படிக்கலாம்.