Hidden Camera: வெளி இடங்களில் அடிக்கடி வசிப்பவரா? உங்கள் இடத்தில் ரகசிய கேமரா இருப்பதை கண்டறிய எளிய வழிகள்
Hidden Camera: உங்களை அறியாமலேயே ரகசிய கேமரா, ஸ்பை கேமராக்கள் மூலம் நீங்கள் கண்காணிப்படுவது பலருக்கும் தெரியாது. இதனால் தனியுரிமை பாதுகாப்பு மீறப்படுவதுடன், உங்களின் உடமைகளும் திருடப்பட வாய்ப்பு உள்ளது. எனவே வெளி இடங்களில் தங்கும்போது ரகசிய கேமரா போன்றவை இருப்பதை கண்டறிவதற்கான எளிய வழிகள் இதோ
வீட்டை விட்டு நாம் எங்கு சென்றாலும் பாதுகாப்புடனும், விழிப்புடனும் இருப்பது பல்வேறு ஆபத்துகள், பிரச்னைகளில் இருந்து தற்காத்து கொள்ள உதவும். அந்த வகையில் தனிப்பட்ட முறையிலோ அல்லது அலுவல் பணி காரணமாகவோ வீட்டை விட்டு வெளி இடங்கள், குறிப்பாக வெளியூர் பயணங்களின்போது ஓட்டல்கள், லாட்ஜ்களில் தங்குவதற்கான சூழல் பலருக்கும் உருவாகும்.
இதுபோன்ற நேரங்களில் உங்களது பாதுகாப்பை உறுதி செய்து கொள்வது மிக மிக முக்கியமான விஷயமாக கருதப்படுகிறது. அதாவது நீங்கள் வசிக்க இருக்கும் இடத்தில் ரகசிய கேமராக்கள் எங்காவது இருக்கிறதா என்பதை உறுதி செய்து கொள்ள வேண்டும். ஏனென்றால் உங்களது தனியுரிமை பாதுகாப்பு என்பது ரகசிய கேமராக்களின் மூலம் உங்களை அறியாமலேயே மீறப்படும்.
பல்வேறு நோக்கங்களுக்காகவும், காரணங்களுக்காகவும் வெவ்வேறு நகரங்களுக்கு பலரும் செல்வதுண்டு. பயணம், அலுவல் மீட்டிங், ஹனிமூன், பிறந்தநாள் கொண்டாட்டம் என பல சந்தர்ப்பங்களில் புதிய இடங்களுக்கு செல்வதும், அங்கே தங்குவதும் வழக்கமான விஷயமாக இருந்தாலும், நமக்கு எதிர்காலத்தில் எந்த சிக்கலையும் ஏற்படுத்தாதவாறு தனியுரிமை மீறப்படாமல், நமது மதிப்புமிக்க பொருள்கள் திருடப்படமல் இருப்பதற்கு முன்னெச்சரிக்கையுடன் இருக்க வேண்டும்.