சாலட் முதல் தயிர் வரை.. தவறுதலாக கூட உப்பு சேர்த்து சாப்பிடக் கூடாத 5 உணவுகள் எது தெரியுமா?
உணவுக்கு உப்பு அவசியம் என்றாலும், சில உணவுகளில் உப்பு சேர்த்து சாப்பிடுவது உடல் நலத்திற்கு மிகவும் தீங்கு விளைவிக்கும் என்று நிபுணர்கள் எச்சரிக்கின்றனர். எந்தெந்த உணவுகளில் உப்பு சேர்க்கக் கூடாது என்பதை பற்றி பார்ப்போம்.
அன்றாடம் நாம் உண்ணும் உணவில் அதிகமாக உப்பை சேர்த்தால் பல உடல்நலப் பிரச்னைகளை வருவதற்கு வாய்ப்பு உள்ளது. உணவில் உப்பு சேர்க்காமல் இருந்தால் சுவை குறைவாக இருக்கும். ஆனால், சில உணவுகளில் உப்பு சேர்ப்பது உடலுக்கு நல்லதல்ல. அது விஷம் போல செயல்படுமாம். எந்தெந்த உணவுகளில் உப்பு சேர்க்கக் கூடாது என்பதை இங்கே காணலாம்.
1.சாலட்
பலர் சாலடில் உப்பு சேர்த்து சாப்பிடுகிறார்கள். பச்சை உப்பை சாலட் மீது தூவி சாப்பிடுவது சாலட்டை ஆரோக்கியமற்றதாக்கும். பச்சை சாலட் மீது உப்பு தூவி சாப்பிடுவதால் உடலில் சோடியம் அளவு அதிகரிக்கும். மேலும், இது உடலில் நீர் தேங்குவதற்கு வழிவகுக்கும். சிறுநீரக பிரச்னைகளுக்கும் இது காரணமாகலாம். சாலட் உடலுக்கு போதுமான நீர்ச்சத்தை அளிக்கிறது. நார்ச்சத்தையும் அளிக்கிறது. எனவே, ஆரோக்கியமான சாலட்டில் உப்பு சேர்க்காமல் இருப்பது நல்லது.
2.ஜூஸ்
சிலர் பழச்சாறு அல்லது ஜூஸின் சுவையை அதிகரிக்க அதனுடன் ஒரு சிட்டிகை உப்பு சேர்க்கிறார்கள். இது ஆரோக்கியமற்றது. ஜூஸில் உப்பு சேர்ப்பதால் ஊட்டச்சத்துக்கள் குறையும் என்று ஆரோக்கிய நிபுணர்கள் கூறுகிறார்கள். இதனால், ஒரு நாளில் நீங்கள் எடுத்துக் கொள்ளும் சோடியம் அளவும் அதிகரிக்கும். உப்பு சேர்த்த ஜூஸ் குடிப்பதால் நீர்ச்சத்து குறைபாடு ஏற்படலாம். எனவே, எப்போதும் இயற்கையான முறையில் ஜூஸ் குடியுங்கள். ஜூஸில் எந்த சர்க்கரை அல்லது உப்பு சேர்ப்பதை தவிர்க்க வேண்டும்.