தமிழ்நாட்டில் தடைசெய்யப்பட்ட மயோனைஸ்! சாப்பிடுவதால் ஏற்படும் உடல்நல கோளாறு என்னென்ன?

மேலும் படிக்க | 'மயோனைஸைக்கு ஓராண்டு காலம் தடை’ - உற்பத்தி செய்ய சேமிக்க விற்கவும் தமிழ்நாடு அரசு தடைவிதிப்பு!

அதிக கலோரிகள்

பொதுவாக மயோனைஸ் கலோரிகள் நிறைந்தது, அதாவது சிறிய அளவில் அதிக கலோரிகளைக் கொண்டுள்ளது. ஒரு டீஸ்பூன் மயோனைஸ் மட்டும் சுமார் 90 கலோரிகளை கொண்டிருக்கலாம் எனக் கூறப்படுகிறது. குறிப்பாக நீங்கள் அதை அதிகமாகப் பயன்படுத்தினால் இது விரைவாகச் சேர்க்கப்படும். அதிக கலோரிகளை உட்கொள்வது எடை அதிகரிக்க வழிவகுக்கும், மேலும் காலப்போக்கில் உங்கள் இரத்த சர்க்கரை மற்றும் கொழுப்பின் அளவை அதிகரிக்கக்கூடும், இது நீரிழிவு மற்றும் இதய நோய் போன்ற உடல்நலப் பிரச்சினைகளை ஏற்படுத்தக்கூடும்.

தமிழ்நாட்டில் தடை

தமிழ்நாட்டில் பச்சை முட்டைகள் அடங்கிய மயோனைஸ் உற்பத்தி, சேமிப்பு மற்றும் விற்பனைக்கு உணவு பாதுகாப்புத் துறை தடை விதித்துள்ளது. இந்தத் தடை ஒரு வருடம் வரை விதிக்கப்பட்டுள்ளது. இது கடுமையான உடல்நலப் பிரச்சினைகளை ஏற்படுத்துவதாகக் கண்டறியப்பட்டதைத் தொடர்ந்து இந்த நடவடிக்கை எடுக்கப்பட்டது.

பொதுவாக மயோனைஸ் செய்வதற்கு தாவர எண்ணெய், முட்டையின் மஞ்சள் கரு , எலுமிச்சை சாறு மற்றும் வினிகர் பயன்படுத்தப்படுகின்றன. முட்டையின் மஞ்சள் கருவில் உள்ள சால்மோனெல்லா டைபிமுரியம், சால்மோனெல்லா என்டெரிடிடிஸ், எஸ்கெரிச்சியா கோலி மற்றும் லிஸ்டீரியா மோனோசைட்டோஜீன்ஸ் போன்ற சால்மோனெல்லா பாக்டீரியாக்களால் உணவு விஷம் ஏற்படும் அபாயம் அதிகம் என்று இந்த அறிவிப்பில் கூறப்பட்டுள்ளது.

மேலும் படிக்க | காலையில் சாப்பிடக்கூடாத உணவுகள் என்னென்ன தெரியுமா? உடல்நலக் கோளாறு ஏற்படும் அபாயம் அதிகரிக்க வாய்ப்பு!

உண்மை பின்னணி

தமிழ்நாட்டில் பல இடங்களில் மயோனைஸ் தயாரிக்க பச்சை முட்டைகள் பயன்படுத்தப்படுவது கண்டறியப்பட்டுள்ளது. சரியான குளிர்சாதன சேமிப்பு வசதிகள் இல்லாதது பொது சுகாதாரத்திற்கு ஆபத்தை ஏற்படுத்துகிறது என்றும் அந்த அறிவிப்பில் கூறப்பட்டுள்ளது.

2023 ஆம் ஆண்டில், பச்சை முட்டைகளால் செய்யப்பட்ட மயோனைஸ் கேரளாவில் தடை செய்யப்பட்டது. 2022 ஆம் ஆண்டு காசர்கோட்டில் உணவு விஷத்தால் 16 வயது சிறுமி இறந்ததைத் தொடர்ந்து கேரள மாநிலத்தில் மயோனைஸ் மீதான தடை அமலுக்கு வந்தது. அதே உணவகத்தில் சாப்பிட்ட பிறகு அன்று 58 பேருக்கு உணவு விஷம் ஏற்பட்டது குறிப்பிடத்தக்கது. இப்பொழுது தமிழகத்தில் உள்ள பல உணவகங்களில் சுத்தம் இல்லாத முறையில் மயோனைஸ் தயாரிக்கப்படுவது உணவு பாதுகாப்புத் துறை அதிகாரிகளால் கண்டறியப்பட்டதை தொடர்ந்து இந்த நடவடிக்கை எடுக்கப்பட்டுள்ளது. இதை கடுமையாக உணவக உரிமையாளர்கள் பின்பற்ற வேண்டும் எனவும் கூறப்பட்டுள்ளது.

மேலும் படிக்க | துரித உணவுகளை அதிகம் சாப்பிடும் குழந்தைகள்! கண்பார்வை குறையும் அபாயம்! எச்சரிக்கும் நிபுணர்கள்!