வகையினம்

தமிழ் செய்திகள் / லைஃப்ஸ்டைல் / ஜந்தரை பெட்டியில் மட்டுமல்ல, சமையலறை தோட்டத்திலும் ஆரோக்கியம் கிடைக்கும்! எப்படி தெரியுமா?

ஜந்தரை பெட்டியில் மட்டுமல்ல, சமையலறை தோட்டத்திலும் ஆரோக்கியம் கிடைக்கும்! எப்படி தெரியுமா?

Priyadarshini R HT Tamil Published Nov 22, 2024 07:00 AM IST

எங்களை பின் தொடரலாம்

Priyadarshini R HT Tamil

Published Nov 22, 2024 07:00 AM IST

சமையலறை தோட்டத்தில் என்ன செடி வளர்க்கலாம்?

ஜந்தரை பெட்டியில் மட்டுமல்ல, சமையலறை தோட்டத்திலும் ஆரோக்கியம் கிடைக்கும்! எப்படி தெரியுமா?

எங்களை பின் தொடரலாம்

உங்கள் வீட்டின் சிறிய சமையலறை தோட்டத்திலே இந்தச் செடிகளை வளர்க்கலாம். இந்த 8 மூலிகைகள் மற்றும் செடிகளை நீங்கள், உங்கள் சிறிய சமையலறை தோட்டத்தில் வளர்க்கலாம். சமையலறையில் வளர்க்க ஏதுவான மூலிகைச் செடிகள் என்ன தெரியுமா? உங்கள் சமையலறை தோட்டத்திலே நீங்கள் எண்ணற்ற செடிகளை வளர்த்துள்ளீர்கள், அது உங்களுக்கு ஆரோக்கியத்தையும் தரும் என்றால், உங்களுக்கு அது எத்தனை மகிழ்ச்சி தரும் உணர்வாகும். நீங்கள் புதினா, எலுமிச்சை புற்கள் உள்ளிட்ட செடிகளை சமையலறை தோட்டத்திலே வளர்க்கலாம். இது உங்களுக்கு முழு ஆரோக்கியத்தை தரும். நீங்கள் சிறிய சமையலறை தோட்டத்திலே வளர்க்க ஏதுவான 8 தாவரங்கள் இங்கு கொடுக்கப்ட்டுள்ளன. இவற்றை வளர்த்து பலன்பெறுங்கள்.

புதினா

புதினாவை நீங்கள் எளிதாக சமையலறை தோட்டத்திலே வளர்த்துவிடலாம். இதற்கு நல்ல மண் நிறைந்த தொட்டி மற்றும் தண்ணீர் தேவை. இது உங்கள் வீட்டில் சிறப்பான மணத்தை வீசும். அதுமட்டுமின்றி நீங்கள் பிரியாணி உள்ளிட்டவை செய்வதற்கு தோட்டத்தில் இருந்தே இலைகளை பறித்துக்கொள்ளலாம். அதிகம் இருந்தால் அருகில் உள்ள வீட்டினருக்கும் கொடுத்து நட்பை வளர்க்கலாம்.

மல்லித்தழை

நமது அன்றாட பயன்பாட்டுக்கு அதிகம் தேவைப்படுவது, மல்லித்தழைகள். இதற்கும் நல்ல மண் மற்றும் தண்ணீர் கொடுத்து எளிதாக தொட்டியிலே உங்கள் சமையலறை தோட்டத்தில் வளர்த்துவிட முடியும். இந்திய சமையலறையில் மல்லித்தழைக்கு முக்கிய இடம் உண்டு, எனவே இதையும் நீங்கள் வீட்டிலே வளர்ப்பது உங்களுக்கு நல்லது.

கறிவேப்பிலை

கறிவேப்பிலையும் இல்லாமல் சமையல் என்பது முடியாத காரியம் ஆகும். இதுவும் உங்கள் அன்றாட உணவில் கட்டாயம் சேர்க்கவேண்டிய ஒன்றாகும். இது இல்லாமல் தாளிக்க முடியாது. அனைத்து வகை உணவுகளுக்கும் தாளிக்க கறிவேப்பிலைதான் தேவைப்படுகிறது. கேக்கின் மேலே எவ்வாறு செரிப்பழம் வைக்கப்படுகிறதோ அதுபோல்தான் அனைத்து உணவுகளின் மேலும் கறிவேப்பிலை நீக்கமற நிறைந்திருக்கும். இதையும் நீங்கள் சமையலறை தோட்டத்திலே எளிதாக வளர்த்துவிடலாம். இதற்கு சிறிய இடமே போதுமானது ஆகும்.

ரோஸ்மேரி

ரோஸ்மேரி என்பது ஒரு மூலிகைச் செடியாகும். இது தலைமுடி வளர்ச்சிக்கு மிகவும் உதவுகிறது. எனவே நீங்கள் இந்த மூலிகைச்செடியை தலைமுடி வளர்ச்சிக்கு பயன்படுத்தலாம். இதை சமையலுக்கும் பயன்படுத்த முடியும். சூப், குழம்பு என எதில் வேண்டுமானாலும் சேர்த்துக்கொள்ளலாம். இது உங்கள் உணவுக்கு நல்ல சுவையைத் தரும்.

துளசி

துளசி, இந்திய உணவுகளில் அதிகம் பயன்படுத்தப்படுவதில்லை. ஆனால் இத்தாலிய உணவுகளில் அதிகம் பயன்படுத்தப்படுகிறது. துளசி, இந்தியாவில் மருந்தாகப் பயன்படுத்தப்படுகிறது. இத்தாலியில் சூப், பாஸ்தா, பீட்சா, சாலட்கள், சூப்கள் என வீட்டில் தயாரிக்கும் உணவுகளில் பெரும்பாலும் பயன்படுத்தப்படுகிறது. இதை நீங்கள் சமையலறையிலேயே வளர்த்துக்கொள்ள முடியும். இது அடர்ந்து படர்ந்து வளராது என்பதால், இதற்கு சிறிய இடமே போதுமானது. இதை நீங்கள் நேரடி சூரிய வெளிச்சம் இல்லாமல் கூட வளர்க்கலாம் என்பதால், இதை வளர்ப்பது எளிது.

ஓமவல்லி

ஓமவல்லி இலைகளும் மக்களுக்கு மிகவும் பிடித்த ஒன்றுதான். இந்த இலைகள் பீட்சா மற்றும் பாஸ்தாக்களில் அதிகம் பயன்படுத்தப்படுகின்றன. இதையும் உங்களால் சமையலறை தோட்டத்திலே எளிதாக வளர்த்துவிட முடியும். இதை நீங்கள் விதைகள் வாங்கி வளர்த்துக்கொள்ளலாம் அல்லது இதன் தண்டை ஓரிடத்தில் இருந்து வெட்டி எடுத்து மற்றொரு இடத்தில் வைத்து வளர்க்க முடியும்.

எலுமிச்சை புல்

லெமன் கிராஸ் அல்லது எலுமிச்சை புற்களை நீங்கள் கிரீன் டீயில் சேர்த்து பருகலாம். இதை நீங்கள் கைகளில் பறித்து தேய்த்துப்பார்த்தால், அது சிட்ரஸ் நறுமணத்தைத்தரும். அதாவது எலுமிச்சையின் வாசத்தைத்தரும். எனவே இது எலுமிச்சை புல் என்று அழைக்கப்படுகிறது. இதை நீங்கள் தண்டை வைத்தும் வளர்த்துவிடலாம். இதுவும் சமையலறை தோட்டத்தில் எளிதாக வளர்க்கக் கூடிய செடிதான்.

சோம்புக்கீரை

சோம்புக்கீரை என்பது இந்திய உணவுகளில் அரிதாகப் பயன்படுத்தப்படும் ஒன்று என்றாலும், இது இதன் ஆழ்ந்த மணம் சூப்களுக்கு கூடுதல் மணத்தைத் தருகிறது. இந்த சோம்புக்கீரையை நீங்கள் சிறிய தொட்களிலே வளர்த்துவிடலாம். இதை நீங்கள் சூப்கள், டிப்கள், சாலட்கள் உள்ளிட்ட அனைத்து வகை சமையல்களிலும் பயன்படுத்தலாம்.