Health Budget : சுகாதார பட்ஜெட்; பயனளிக்குமா புற்றுநோய் டே கேர் சென்டர்கள்? – மருத்துவர் விளக்கம்!
Health Budget : சுகாதார பட்ஜெட் வெளியாகியுள்ள நிலையில் அதற்கான நிதி போதுமானதா மற்றும் அதில் உள்ள திட்டங்கள் பயனிளிக்குமா என்பது குறித்து மருத்துவர் புகழேந்தி கூறியுள்ளார்.
மத்திய சுகாதார பட்ஜெட் தாக்கல் செய்யப்பட்டுள்ள நிலையில், அதுகுறித்து மருத்துவர் புகழேந்தி விளக்குகிறார்.
கடந்தாண்டைவிட இந்தாண்டு சுகாதாரத்துக்கு ஒதுக்கப்பட்டுள்ள பட்ஜெட் அதிகமாகத் தெரிந்தாலும், இது போதுமானதா? என்ற கேள்வி எழுகிறது? சுகாதாரத்துக்கு ஜிடிபியில் 2.5 சதவீதம் சுகாதாரத் துறைக்கு ஒதுக்கப்படவேண்டும் என்ற விதி உள்ளது. எனினும் உலக சுகாதார நிறுவனம் 5 சதவீதம் என விதித்துள்ளது. ஆனால் குறைந்தபட்சம் 2.5 சதவீதமாவது ஒதுக்கப்படவேண்டும். ஆனால் அந்தளவுக்கு ஒதுக்கப்படவில்லை. கடந்தாண்டைக்காட்டிலும் 9.5 சதவீதம் அதிகம் ஒதுக்கப்பட்டுள்ளது என்று கூறப்பட்டாலும், வளர்ந்து வரும் சுகாதார சவால்களுக்கு இது போதுமானதா என்றால் இல்லை என்று தான் கூறவேண்டும்.
தமிழகத்தில் கூட தொற்றா நோய்களின் பாதிப்பு அதிகம் வருகிறது. அதனால் ஏற்படும் இழப்புக்களும் அதிகரித்துள்ள நிலையில் நாம் அதற்கு அதிக முக்கியத்துவம் கொடுக்கவேண்டிய சூழலில் உள்ளோம். எனவே இவற்றை சரிபடுத்த இந்த பட்ஜெட் போதுமானதா என்றால் அது நிச்சயமாக இல்லை. அது கூடுதலாக ஒதுக்கப்படவேண்டும் என்பது முக்கியமானது.