தமிழ் செய்திகள்  /  Lifestyle  /  Health Benefits Of Cycling

Fitness Tips:உச்சி முதல் உள்ளங்கால்வரை பயன்தரும் சைக்கிளிங் பயிற்சி!

I Jayachandran HT Tamil
Mar 28, 2023 07:30 PM IST

உச்சி முதல் உள்ளங்கால் வரை பயன்தரும் சைக்கிளிங் பயிற்சி குறித்து இந்த கட்டுரையில் அறிந்து கொள்ளுங்கள்.

உச்சி முதல் உள்ளங்கால்வரை பயன்தரும் சைக்கிளிங் பயிற்சி!
உச்சி முதல் உள்ளங்கால்வரை பயன்தரும் சைக்கிளிங் பயிற்சி!

ட்ரெண்டிங் செய்திகள்

உடற்பயிற்சியைத் தொடர்ந்துசெய்தால் தான் உடலை சிக்கென்று ஃபிட்டாக வைத்திருக்க முடியும். ஆனால் தினமும் சைக்கிள் ஓட்டினால் போதும் உடல் சிக்கென்று இருக்கும். ஜிம்மிற்கு சென்று மணிக்கணக்கில் பயிற்சி செய்வதை விட சில மணிநேரங்கள் சைக்கிள் ஓட்டினால் ஃபிட்னஸ் உடலை விரும்பியபடி பெறலாம்.

சைக்கிள் ஓட்டினால் கால் பாதம் மட்டும் அல்ல. உடலின் அத்தனை உறுப்புகளையும் இயங்க வைக்கும். அரை மணிநேரம் சைக்கிள் ஓட்டினால் 300 கலோரி கொழுப்பு எரிக்கப்படுகிறது. சைக்கிள் ஓட்ட தொடங்கிய முதல் 10 நிமிடங்களில் உடலில் இருக்கும் கெட்ட நீர் வெளியேறுகிறது. அடுத்த 20 நிமிடங்கள் தொடரும் போது குளுக்கோஸ் எரிக்கப்படுகிறது. 30 நிமிடங்களில் உடலில் இருக்கும் கெட்ட கொழுப்புகள் குறையத்தொடங்குகிறது.

உடற்பயிற்சியை எத்தனை மணி நேரம் தொடர்ந்து செய்தாலும் அவை மொத்த உறுப்பையும் இயங்க வைக் காது. குறிப்பிட்ட பயிற்சிகள் குறிப்பிட்ட தசைகளை மட்டுமே அசைய வைக்கும். உதாரணத்துக்கு நடை பயிற்சி கால் தசைகள் மட்டுமே வலுப்படும்.

நீட்டி மடக்கும் உடலுக்கான பயிற்சிகள் மூட்டுகள் அதை சுற்றியுள்ள தசைநார்களை வலுவாக்கும். ஆனால் சைக்கிள் ஓட்டுவதன் மூலம் அனைத்து பயிற்சிகளையும் செய்த பலனை பெற்றுவிடலாம் என்பது ஓட் டத்தை அதிகரிக்கும்.

என்ன செய்தும் உடல் பருமன் மட்டும் குறையமாட்டேங்குது என்று அலுத்துகொள்பவர்களுக்கு கிடைத்த வரப்பிரசாதம் சைக்கிள். கொழுப்பு நிறைந்த உடலிலிருந்து கொழுப்பைக் குறைக்க எடுக்கும் முயற்சிகள் சமயங்களில் நீர்த்து போவதுண்டு. கடுமையான உணவு கட்டுப்பாட்டைக் கடைப்பிடிக்க முடியாமல் போவது இதற்கு காரணம் என்றாலும் குறையாத கொழுப்பையும் குறைக்கும் ஆற்றல் சைக்கிளை மிதிக்கும் போது பெற்றுவிடலாம். சைக்கிள் பயணத்தைத் தொடர்ந்தால் உடல் எடை உங்கள் கட்டுக்குள் வரும் என்பதும் மகிழ்ச்சிக்குரியதே.

மனம் மகிழ்ச்சியாக இருந்தால் ஆரோக்கியம் அதிகமாகும் ஆரோக்கியம் அதிகமானால் ஆயுள் அதிகரிக்கும் என்பதற்கேற்ப தினமும் ஒரு மணிநேரம் சைக்கிள் ஓட்டினால் நமது ஆயுளில் ஒரு மணிநேரம் அதிகரிக்கக்கூடும் என்று நெதர்லாந்து நாட்டில் உள்ள உட்ரெச் பல்கலைக்கழகம் குறிப்பிட்டுள்ளது.

வயது பேதமில்லாமல் வரத்தொடங்கியிருக்கும் மூட்டுவலியை தொடர்ச்சியான சைக்கிள் பயிற்சியின் வழி யாக குறைக்கலாம். உடம்பில் உள்ள அனைத்து மூட்டுகளும் இறுகும் தன்மை மாறி வலுவான மூட்டாக மாறு கிறது. கை தொடை, முதுகு தண்டுவடம், இடுப்புப் பகுதி, கால் தசைகள் வலுவாகிறது. பாதங்களில் வலுவா கிறது. உடலில் இருக்கும் எலும்புகளை உறுதியாக வைக்கிறது.

உடலைக் கட்டுக்கோப்பாக வைக்க தவறியவர்கள் உடல் பயிற்சியின்றி உழைப்பின்றி உடல் பருமனைக் கொண்டிருப்பவர்களுக்கு புற்றுநோய் வருவதற்கான வாய்ப்புகள் உண்டு. ஆனால் சைக்கிள் பயன்படுத்து பவர்களுக்கு புற்றுநோய்க்கான வாய்ப்பு குறைகிறது என்பது ஆய்வில் கண்டறியப்பட்டுள்ளது.

பொதுவாகவே உடற்பயிற்சி செய்து முடித்த உடன் உடலில் மகிழ்ச்சிக்குரிய ஹார்மோன் சுரக்கும். இதனால் எப்போதும் மனதில் உற்சாகம் கரைபுரண்டு ஓடும். இத்தகையவர்களை எப்போதும் சோர்வு, அழுத்தம் என்பது தாக்காது. நேர்மறை எண்ணங்களுடன் வாழ்க்கையில் அனைத்து சவால்களையும் கடந்துவிடும் அளவுக்கு உற்சாகத்தை சைக்கிள் பயணம் தருகிறது.

உடலில் இன்சுலின் சுரப்பை அதிகரிப்பதிலும், மலச்சிக்கல் வராமலும், குடல்களின் இயக்கம் சீராக இருக்க வும் முக்கியமாக உடல் எடையைக் கட்டுக்குள் வைக்கவும் அழகையும் கம்பீரத்தையும் அதிகரிக்கவும் சைக்கிள் பயணம் உதவியாக இருக்கும் என்கிறார்கள் உடற்பயிற்சி நிபுணர்கள்.

சைக்கிள் ஓட்டதொடங்கும் முதல் நாளிலேயே 20 கி.மீ வேகத்தைக் கடக்க முயற்சிக்காமல் சிறிது சிறிதாக தூரத்தை அதிகரிக்கலாம். முதலில் 5 கி.மீ தூரம் வரை பழகலாம். அதன் பிறகு படிப்படியாக தூரத்தை அதிக ரிக்கலாம். குழந்தைகளுக்கு பள்ளி செல்ல வாகனங்களைத் தவிர்த்து சைக்கிள் பழகலாம். வாரத்தில் ஒரு நாள் அலுவல கத்துக்கு சைக்கிளில் சென்று பழகலாம். பெட்ரோல் செலவுடன் காற்று மாசு அடைவதும் தடுக்கப்படும் என்கிறார்கள் சுற்று சூழல் ஆர்வலர்கள்.

சிறு குழந்தைகள் உடல் பருமன் என்னும் வலைக்குள் சிக்கி தவிக்காமல் இருக்கவும், ஒரே இடத்தில் அமர்ந்து செல்ஃபோனில் நேரம் தொலைப்பதையும் தவிர்க்க சைக்கிளைப் பழக்குங்கள் என்கிறார்கள் குழந்தை மருத்துவ நிபுணர்கள்.

WhatsApp channel

டாபிக்ஸ்