ரத்தத்தில் ஹீமோகுளோபின் அளவு குறைந்துவிட்டதா? கவலை வேண்டாம் அதை அதிகரிக்க இதைச் செய்தாலே போதும்!

நமது உடலில் ஹீமோகுளோபினின் பொதுவான அளவு என்ன?

ஆண்கள் உடலில் பொதுவாக 14 முதல் 17.5 வரை ஹீமோகுளோபின் அளவு இருக்க வேண்டும். பெண்களுக்கு 12.3 முதல் 15.3 வரை இருக்க வேண்டும். 13.5க்கு கீழ் குறைந்தால் ஆண்களுக்கு ஆபத்து. 12க்கு கீழ் குறைந்தால் பெண்களுக்கு ஆபத்து.

எதனால் உடலில் ஹீமோகுளோபின் அளவு குறைகிறது?

உங்கள் உடலால் போதிய அளவு ரத்தச்சிவப்பணுக்களை உற்பத்தி செய்ய முடியாவிட்டால் உங்கள் உடலில் ஹீமோகுளோபின் அளவு குறைகிறது. உங்கள் உடல் எலும்பு மஜ்ஜைகளில் இருந்து உங்கள் உடல் ரத்த சிவப்பணுக்களையும், வெள்ளை அணுக்களையும் உற்பத்தி செய்கிறது.

சில நேரங்களில் உங்கள் எலும்பு மஜ்ஜைகள், போதிய ரத்த சிவப்பணுக்களை உற்பத்தி செய்வதற்கு உதவ முடியாமல்போனால் உங்கள் உடலில் ரத்த சிவப்பணுக்கள் குறைகிறது. உங்கள் உடல் தேவையான அளவு ரத்த சிவப்பணுக்களை உற்பத்தி செய்கிறது. ஆனால், அது அழிந்துவிடுகிறது. மீண்டும் உற்பத்தி செய்வதற்கு இணையாக அது உடலில் இருக்க முடியாமல் போவதால் ரத்த சிவப்பணுக்கள் குறைகிறது.

விபத்து உள்ளிட்ட காரணங்களில் உடலில் அதிக ரத்த இழப்பு ஏற்படுவதால், ரத்தம் இழக்கும்போது, உங்கள் உடலில் இரும்புச்சத்தும் குறைகிறது. பெண்களுக்கு மாதவிடாய் காலங்களில் அதிக உதிரப்போக்கு ஏற்பட்டால், ரத்தத்தில் ஹீமோகுளோபின் குறைகிறது.

உடலுக்குள் ரத்தப்போக்கு ஏற்பட்டாலும், உடலில் ஹீமோகுளோபின் அளவு குறைகிறது. இதனால் ரத்த அல்சர் ஏற்படுகிறது. உங்கள் உடல் இரும்புச்சத்தை உறிஞ்ச முடியாது. இதனால், உங்கள் உடலில் ரத்த சிவப்பணுக்களை உற்பத்தி செய்ய முடியாது. வைட்டமின் பி12, பி9 மற்றும் இரும்புச்சத்து ஆகியவை உங்கள் உடலுக்கு கிடைக்காவிட்டாலும் உடலில் ரத்தசிவப்பணுக்கள் குறையும். இவை தான் காரணங்களாக கூறப்படுகிறது. உங்கள் ரத்தத்தில் ஹீமோகுளோபின் அளவு குறைந்துவிட்டால் அதை அதிகரிக்க நீங்கள் என்ன செய்யவேண்டும் என்று தெரிந்துகொள்ளுங்கள்.

ஹீமோகுளோபினை அதிகரிக்கச் செய்யும் இயற்கை வழிகள்

பேரிட்சை பழத்தை தினமும் 4 சாப்பிடவேண்டும். முருங்கைக்கீரையை வாரத்தில் இருமுறை உணவில் சேர்த்துக்கொள்ளவேண்டும். தினமும் 100 மில்லி லிட்டர் பீட்ரூட் சாறு பருகவேண்டும். வாரத்தில் இருமுறை சுண்டக்காய் சேர்த்துக்கொள்ளவேண்டும். முளைக்கட்டிய சுண்டல் அல்லது பாசிப்பயிறு வாரத்தில் 4 நாட்கள் சாப்பிடவேண்டும்.

கருப்பட்டி, வெல்லம் அல்லது நாட்டுச்சர்க்கரையை தினமும் உணவில் சேர்த்துக்கொள்ளவேண்டும். எள்ளு, கடலை உருண்டையை சாப்பிடவேண்டும். தினமும் மாதுளை மற்றும் திராட்சைப் பழங்களை கட்டாயம் சாப்பிடவேண்டும். வாரத்தில் இரண்டு முறை கட்டாயம் சாப்பிடவேண்டும்.

ஊறவைத்த கருப்பு திராட்சை தினமும் 4 முதல் 6 உணவில் எடுத்துக்கொள்ளவேண்டும். நெல்லிக்காய் தினமும் 1 சாப்பிடவேண்டும். வாரத்தில் இருமுறை பீர்க்கங்காய் சாப்பிட வேண்டும். தினமும் ஒரு நெல்லிக்காயை கட்டாயம் உணவில் சேர்த்துக்கொள்ளவேண்டும். இவற்றை சாப்பிடுவதை உறுதிப்படுத்தினால், உங்களுக்கு ரத்தத்தில் ஹீமோகுளோபினின் அளவு கட்டாயம் அதிகரிக்கும்.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.