வழக்கமான சிக்கன் குழம்பு சலித்து விட்டதா? அப்போ புதுசா சிக்கன் ஸ்ட்யு ட்ரை பண்ணி பாருங்கள்!

மேலும் படிக்க | சிக்கன் கிரேவி : மசாலாவை வறுத்து அரைத்து ஒரு சிக்கன் கிரேவி செய்யலாமா? இதோ ரெசிபி!

தேவையான பொருட்கள்

அரை கிலோ சிக்கன்

3 டேபிள்ஸ்பூன் தேங்காய் எண்ணெய்

ஒரு பட்டை

4 கிராம்பு

4 ஏலக்காய்

2 பெரிய வெங்காயம்

5 பற்கள் பூண்டு

1 துண்டு இஞ்சி

10 முந்திரி பருப்பு

4 பச்சை மிளகாய்

1 உருளைக்கிழங்கு

1 கேரட்

அரை கப் தேங்காய் பால்

அரை டீஸ்பூன் கரம் மசாலா

1 கறிவேப்பிலை

1 டீஸ்பூன் மிளகு

தேவையான அளவு உப்பு

மேலும் படிக்க | 'சுவையான ஹைதராபாத் சிக்கன் பிரியாணி செய்வது எப்படி?’: படிப்படியான எளிய வழிமுறைகளை தெரிஞ்சுக்கோங்க!

செய்முறை

முதலில் ஒரு கடாயை அடுப்பில் வைத்து அதில் தேங்காயெண்ணெய் ஊற்றி சூடாக்கவும். எண்ணெய் சூடானதும், சிறிய இலவங்கப்பட்டை, ஏலக்காய், சில கிராம்பு சேர்த்து நறுமணம் வரும் வரை வறுக்கவும். பின்னர் இதில் பொடியாக நறுக்கிய வெங்காயம் சேர்த்து வதக்கவும். வெங்காயம் வறு பட்டதும், பொடியாக நறுக்கிய பூண்டு பற்கள், பொடியாக நறுக்கிய இஞ்சி, பச்சை மிளகாய் ஆகியவற்றை சேர்த்து நன்றாக கலக்கவும். பின்னர் ஒரு உருளைக்கிழங்கு பெரிய துண்டுகளாக நறுக்கிய கேரட், உருளைக்கிழங்கு ஆகியவற்றை போட வேண்டும். மேலும் அதில் கறிவேப்பிலை சேர்த்து கலக்கவும். அதன் பிறகு சுத்தமாக கழுவிய சிக்கன் துண்டுகள் சேர்த்து, அனைத்து சுவைகளும் சரியாக கலந்து விடுமாறு கிளறவும்.

சிக்கன் நிறம் மாறியதும், உப்பு மற்றும் அரைத்த பூண்டு விழுது சேர்த்து நன்றாக கிளறவும். இப்போது தண்ணீர் கலந்த முதல் தேங்காய் பால் சேர்க்க வேண்டும். இதனை கலக்கி விட்டு 15 நிமிடம் மிதமான தீயில் வேக விடவும். இப்பொழுது சிக்கன் மற்றும் உருளைக்கிழங்கு நன்றாக வெந்துள்ளதா என்று பார்க்கவும். சிறிது உருளைக்கிழங்கை மசித்து விடவும், இது இன்னும் கிரீமியாக மாற்றும். தீயை குறைத்து கெட்டியான தேங்காய் பாலை சேர்க்கவும். மெதுவாக கலக்கி அரை டீஸ்பூன் கரம் மசாலா தூள் சேர்க்கவும். மிதமான தீயில் சமைத்து அடுப்பை அணைக்கவும். பின்னர் தாளிக்க, ஒரு சிறிய கடாயை அடுப்பில் வைத்து அதில் தேங்காய் எண்ணெய் ஊற்றி நறுக்கிய வெங்காயம் சேர்த்து பொன்னிறமாக வறுக்கவும். பிறகு, முந்திரி பருப்பு மற்றும் கறிவேப்பிலை சேர்த்து நன்றாக வறுக்கவும். இந்த சுவையான தாளிப்பை ஸ்டூவில் ஊற்றி, மூடி வைத்து 10 நிமிடங்கள் விடவும். சுவையான சிக்கன் ஸ்டயு தயார். இதனை வைத்து சூடான சாதம், இடியாப்பம், சப்பாத்தி என பல வகையான உணவுகளோடு சேர்த்து சாப்பிடலாம்.

மேலும் படிக்க | சிக்கன் தொக்கு பிரியாணி : சிக்கன் தொக்கு பிரியாணி; ஒருமுறை ருசித்தால் அடிக்கடி செய்வீர்கள்! இதோ ரெசிபி!