Health: 'அடிக்கடி டாய்லெட் செல்கிறீர்களா?’ - கவலை மற்றும் குடல் ஆரோக்கியம் பற்றி மருத்துவ நிபுணர் கூறும் டிப்ஸ்!

இளைஞர்கள், குறிப்பாக பெண்கள், எரிச்சலூட்டும் குடல் நோய் அறிகுறி இருப்பவர்களும்; நாள்பட்ட வயிறு வீக்கம் இருப்பவர்களும் இரைப்பை குடல் துயரங்களைப் பற்றி சமூக ஊடகங்களில் அதிகளவில் பேசுகிறார்கள்.

சில வல்லுநர்கள் இது பெரும்பாலும் ஒரு நல்ல விஷயம் என்று கூறுகிறார்கள். ஏனென்றால், சிலர் பேசத் தயங்கும் ஒரு விஷயத்தைப் பற்றி, பொதுவெளியில் பேசும்போது மற்றவர்களுக்கு இது உதவியாக இருக்கும்.

ஆனால், சில நேரங்களில் நிரூபிக்கப்படாத தயாரிப்புகளை பொதுவெளியில் விளம்பரப்படுத்த பலருக்குப் பணம் வழங்கப்படுகிறது என்பதையும், பரவலான தவறான தகவல்கள் உள்ளன என்பதையும் உணர வேண்டியது அவசியம் என்று மருத்துவ நிபுணர்கள் வலியுறுத்துகின்றனர்.

நீங்கள் செரிமான அசெளகரியத்தை சந்திக்கிறீர்கள் என்றால் மருத்துவ வல்லுநர்கள் சொல்வது பற்றிப் பார்ப்போம்.

செரிமான பிரச்சினைகள் பற்றி அதிகமான இளைஞர்கள் ஏன் ஆன்லைனில் பேசுகிறார்கள்?

ஒட்டுமொத்தமாக செரிமானப் பிரச்னைகள் அதிகரித்துள்ளதா என்பது தெளிவாகத் தெரியவில்லை. சில மருத்துவ வல்லுநர்கள் இந்த தலைமுறையினர், கரோனா தொற்றுநோய்க்குப் பிறகு பதற்றத்தின் அதிகரிப்பினைப் பற்றி கூறுகின்றனர்.

நமது மூளையும் குடலும் நரம்பு மண்டலங்கள் மூலம் இணைக்கப்பட்டுள்ளன என்பதை ஏராளமான ஆராய்ச்சி மற்றும் அறிவியல் காட்டுகிறது. அதாவது உங்கள் மூளை கவலைப்படும்போது அல்லது நீங்கள் மனச்சோர்வடையும்போது, அது அந்த சமிக்ஞைகளை உங்கள் குடலுக்கு அனுப்பும். இது உங்கள் இரைப்பை குடல் சரியாக செயல்படுவதை கடினமாக்குகிறது. இதனால் பலர் அடிக்கடி டாய்லெட் செல்கின்றனர்.

எரிச்சல் கொண்ட குடல் நோய்க்கான காரணங்கள் தெரியவில்லை. ஆனால், நாம் பதற்றமாக இருக்கும்போது, நரம்பு மண்டலம் நம்மை கழிப்பறை நோக்கி செல்லச்சொல்கிறது. மன அழுத்தமும் டாய்லெட்டுக்குச் செல்லும் அறிகுறிகளை மோசமாக்கும் என்றும் நிபுணர்கள் கூறுகின்றனர்.

சிகாகோவைச் சேர்ந்த இரைப்பைக் குடலியல் நிபுணர் டாக்டர் நினா குப்தா, தனது நோயாளிகளின் நிலைமைகளை நிர்வகிப்பது பெரும்பாலும் அவர்களின் மன ஆரோக்கியத்தை நிர்வகிப்பதை உள்ளடக்கியது என்று கூறுகிறார்.

நீங்கள் எப்போது மருத்துவரிடம் செல்ல வேண்டும்?

நாம் எப்போது மருத்துவரிடம் செல்ல வேண்டும் என்பது பற்றி மருத்துவர் கூறுவது என்னவென்றால், அது அசௌகரியத்தின் அளவைப் பொறுத்தது என்று மாசசூசெட்ஸ் பொது மருத்துவமனையின் ஊட்டச்சத்து மற்றும் வாழ்க்கை முறை மனநல இயக்குநர் டாக்டர் உமா நாயுடு கூறினார்.

இதுகுறித்து உமா நாயுடு, உணவுக்கும் மூளைக்கும் உள்ள தொடர்பை ஆய்வு செய்கிறார். குடல் பழக்கத்தில் இருக்கும் திடீர் மாற்றங்கள் கவலைக்குரியவை. மேலும் மதிப்பீடு தேவைப்படலாம் என்று அவர் கூறுகிறார்.

இதுதொடர்பாக, "எடுத்துக்காட்டாக, வாழ்நாள் முழுவதும் உண்மையில் செரிமானப் பிரச்னைகள் இல்லாத ஒருவர், பின்னர் திடீரென்று அவர்களின் குடல் பழக்கத்தில் மிகவும் கடுமையான மற்றும் குறிப்பிடத்தக்க மாற்றத்தைக் காண்கிறார்.

இவை அனைத்தும் யாராவது தங்கள் மருத்துவரிடம் பேச விரும்பும் விஷயங்கள் தான். உங்கள் மலத்தில் இரத்தத்தைக் கண்டால், பதற்றத்தின் அளவு எதுவாக இருந்தாலும்; இரண்டு வாரங்களுக்கும் மேலாக வயிற்றுப்போக்கு இருந்தால், உடனடியாக மருத்துவரின் கவனிப்பைத் தேடுங்கள்.

செரிமான வலியை சரிசெய்ய நாம் என்ன செய்யவேண்டும்?:

மன அழுத்த மேலாண்மை, தியானம் மற்றும் சுவாசப்பயிற்சிகள் போன்ற நடைமுறைகள் உதவும் என்று ஊட்டச்சத்து மருத்துவர் உமா நாயுடு கூறினார். உணவு உணர்திறன் டாய்லெட் செல்லும் அறிகுறிகளைத் தூண்டும். எனவே உங்கள் உணவை சரிசெய்வதும், அதிக உடற்பயிற்சி செய்வதும் அடிக்கடி டாய்லெட் செல்லும் பிரச்னையை சரிசெய்யும்

மேலும் அவர், "ஒருவர் ஒரு நல்ல புரோபயாடிக் உணவுகளைத் தேர்ந்தெடுத்து உண்பது கண்டுபிடிப்பது மற்றும் புளித்த உணவுகளை குறைவாகவும் சீராகவும் உணவில் சேர்ப்பது போன்றவை நல்லது.

மன அழுத்த மேலாண்மை இதில் ஒரு பெரிய பகுதியாகும். உணவு சரிசெய்தலுடன் இணைந்து, இதனை சரிசெய்வது முக்கியம். இருப்பினும், அறிகுறிகள் மோசமடைந்துவிட்டால் அல்லது வீட்டில் நிர்வகிக்க முடியாவிட்டால், அது மருத்துவ உதவியை நாடுவதற்கான அறிகுறியாக இருக்க வேண்டும்’’ என்று கூறுகிறார்.