பெயர்கள் : ‘அழகு‘ என்ற அர்த்தத்தில் வரும் பெண் குழந்தைகளின் பெயர்கள்; பல்வேறு மொழிகளில் இருந்து உங்கள் தேவதைகளுக்காக…
பல்வேறு மொழிகளில் இருந்தும் அழகு என்ற அர்த்தத்தில் உங்கள் வீட்டு தேவதைகளுக்காக எடுக்கப்பட்ட பெயர்களை உங்கள் பெண் குழந்தைகளுக்கு சூட்டி மகிழுங்கள்.
உங்கள் வீட்டில் பெண் குழந்தையை வரவேற்கும் தருணம் எத்தனை மகிழ்ச்சி நிறைந்ததாகவும், ஆச்சர்யங்கள் கொண்டதாகவும் இருக்கும். நிறைவு மற்றும் நம்பிக்கையான அந்த தருணத்தில் உங்களுக்கு அவர்களுக்கு அழகிய பெயர்களை தேர்ந்தெடுக்கவேண்டும் என்ற எண்ணம் மேலோங்கும். அவர்களின் இருப்பை மதிக்கும் வகையில் நீங்கள் அவர்களுக்கு அழகிய பெயர்களை தேர்ந்தெடுப்பீர்கள். அந்தப்பெயர்களும் அழகு என்ற அர்த்தம் கொண்டதாக இருந்தால் எத்தனை சுவாரஸ்யமாக இருக்கும்? பல்வேறு கலாச்சாரங்கள், மொழிகளில் இருந்து பெறப்பட்ட பெண் குழந்தைகளின் பெயர்கள் இங்கு தொகுக்கப்பட்டுள்ளன. இவற்றுக்கு, வசீகரம் மற்றும் கருணை என்ற அர்த்தங்கள்தான் உள்ளது. உங்கள் பெண் குழந்தைகளுக்கு ஏற்ற அழகிய பெயர்கள், அழகைக் கொண்டாடும் பெயர்கள், உலகம் முழுவதிலும் இருந்து எடுக்கப்பட்ட பெயர்கள் என்னவென்று பாருங்கள். உங்கள் வீட்டு தேவதைகளுக்கு சூட்டி அழகு பாருங்கள்.
இந்திரா (சமஸ்கிருதம் – இந்தியா)
இந்திரா என்றால் அழகு என்று பொருள். இந்தப் பெயர் இந்தியாவில் எல்லா காலத்திலும் சூட்டப்படும் பெயராகும். இந்திரா என்பது வெளிப்புற அழகை குறிக்கும். உள் பலத்தையும் சுட்டிக்காட்டும். இது லட்சுமியின் மற்றொரு பெயராகும்.
களிஸ்டா (கிரேக்கம்)
களிஸ்டா என்றால், மிகவும் அழகான என்று பொருள். இது கவித்துவமான, அழகான பெயராகும். களிஸ்டா என்பது கிரேக்க இதிகாசங்களுடன் தொடர்புடைய பெயராகும். இது வசீகரிக்கும் பழங்கால பெயராகும்.