Gardening Tips : பால்கனியிலே பச்சை மிளகாய்; ஈசியாக வளர்ப்பது எப்படி என்று பாருங்கள்!
தமிழ் செய்திகள்  /  லைஃப்ஸ்டைல்  /  Gardening Tips : பால்கனியிலே பச்சை மிளகாய்; ஈசியாக வளர்ப்பது எப்படி என்று பாருங்கள்!

Gardening Tips : பால்கனியிலே பச்சை மிளகாய்; ஈசியாக வளர்ப்பது எப்படி என்று பாருங்கள்!

Priyadarshini R HT Tamil
Jan 24, 2025 07:00 AM IST

பால்கனியில் பச்சை மிளகாயை வளர்ப்பது எப்படி என்று பாருங்கள்.

Gardening Tips : பால்கனியிலே பச்சை மிளகாய்; ஈசியாக வளர்ப்பது எப்படி என்று பாருங்கள்!
Gardening Tips : பால்கனியிலே பச்சை மிளகாய்; ஈசியாக வளர்ப்பது எப்படி என்று பாருங்கள்!

சரியான வகையை தேர்ந்தெடுங்கள்

அனைத்து பச்சை மிளகாய் வகையையும் நீங்கள் சிறிய இடத்தில் வைத்து வளர்க்க முடியாது. எனவே தொட்டியில் வைத்து வளர்க்கக்கூடிய வகைகளை மட்டும் தேர்ந்தெடுத்துக்கொள்ளுங்கள். ஜேலபினோ, பேட்ஸ் ஐ, கேயான் ஆகியவை அவற்றுள் சில வகைகள் ஆகும், இவற்றில் ஏதேனும் ஒன்றை நீங்கள் தேர்ந்தெடுத்துக்கொள்ளலாம். இந்த வகைகள் தொட்டியில் அழகாக செழித்து வளரக்கூடியவை ஆகும். இவற்றுக்கு செழித்து வளர அதிக இடம் தேவையில்லை.

சரியான தொட்டிகளை தேர்ந்தெடுத்துக்கொள்ளுங்கள்

இதன் வேர்களுக்கு வளர கொஞ்சம் இடம் தேவை. எனவே அதற்கு நீங்கள் பயன்படுத்தும் தொட்டி என்பது, 12 முதல் 16 இன்ச் ஆழம் கொண்டதாக இருக்கவேண்டும். இது ஈரப்பதத்தையும் வெளியேற்றும் தன்மை கொண்டதாகவும் இருக்கவேண்டும் என்பதையும் உறுதிப்படுத்திக்கொள்ளுங்கள். பிளாஸ்டிக், மண் அல்லது செராமிக் என தொட்டி எப்படி வேண்டுமானாலும் இருக்கலாம். நல்ல வடிகால் வசதியுடன் தொட்டி இருந்தால் போதும்.

சூரிய ஒளியுள்ள இடத்தை தேர்ந்தெடுத்துக்கொள்ளுங்கள்

பச்சை மிளகாய்ச் செடிக்கு சூரிய ஒளி மிகவும் பிடித்தமானது. எனவே தினமும் 6 முதல் 8 மணி நேரம் சூரிய ஒளி கிடைக்கும் இடத்தை தேர்ந்தெடுத்துக்கொள்ளுங்கள். பெரும்பாலான நாட்களில் நல்ல சூரிய ஒளி கிடைக்கும் இடம்தான் பச்சை மிளகாயை வளர்க்க சிறந்த இடமாகும். அதிக சூரிய ஒளி கிடைப்பது சிறந்தது.

செடி வளர உதவுங்கள்

பச்சை மிளகாய்ச் செடிகள் நீண்டு வளர அவற்றுக்கு ஒரு சப்போர்ட் தேவைப்படும். குறிப்பாக, அவை பழம் விடும் நேரத்தில் அவற்றுக்கு உதவி தேவை. சிறிய குச்சியைப் பயன்படுத்துங்கள் அல்லது செடி கூண்டை பயன்படுத்தி அந்தச் செடி நேராக வளர உதவுங்கள். இது அதன் கிளைகள் உடைந்து விடாமல் இருக்கச் செய்கிறது. பழம் மற்றும் காயின் எடை அதிகரித்தாலும், அதை தாங்கி வளர்கிறது.

நல்ல மண்

ஊட்டச்சத்துக்கள் நிறைந்த நல்ல மண் பச்சை மிளகாய் செடிகள் வளர்வதற்கு தேவையானது. அதில் மண், கம்போஸ்ட் உரம் மற்றும் பூச்சிக்கொல்லிகள் கலந்த கலவையாக இருக்கவேண்டும். பொலபொலப்பான மண்ணாக இருக்கும்போது, வேர்களில் அதிகம் தண்ணீர் தேங்குவதை அது தடுக்கிறது. இது வேர் அழுகுவதற்கு வழி வகுக்கிறது.

அடிக்கடி தண்ணீர் ஊற்ற வேண்டும். ஆனால் அதிகம் ஊற்றக்கூடாது

பச்சை மிளகாய் செடிகளுக்கு ஈரப்பதமுள்ள மண் தேவை. ஆனால் அவற்றில் தண்ணீர் தேங்கக்கூடாது. செடிக்கு வழக்கமாக தண்ணீர் ஊற்றுங்கள். குறிப்பாக கடும் வெயில் காலங்களில் அதிகம் தண்ணீர் தேவை. ஆனால் மண் சொதசொதவென இருக்கக் கூடாது. மண்ணை தொட்டுப்பார்க்கும்போது, மேல்புறத்தில் ஒரு இன்ச் மண் வறண்டே காணப்படவேண்டும்.

நல்ல வளர்ச்சிக்கு உரமிடவேண்டும்

பச்சை மிளகாய் நன்றாக செழித்து வளர வேண்டுமெனில்,, நீங்கள் அதற்கு தேவையான உரத்தை வாரத்தில் 2 முதல் 3 முறை வளரும் பருவத்தில் இடவேண்டும். நீங்கள் அதற்கு ஆர்கானிக் உரங்களை பயன்படுத்துவது நல்லது. அதிக உரமிடுவதை தவிர்த்து விடுங்கள். அதிக நைட்ரஜன்கள், அதிக இலைகளின் வளர்ச்சியை ஊக்குவிக்கும். ஆனால் பச்சை மிளகாயை வளர்க்காது.

வழக்கமாக செடியை வெட்டுவது

வழக்கமாக செடிகளை வெட்டுவது பலமான வளர்ச்சிக்கு உதவுகிறது. இது நிறைய பழங்கள் வரக் காரணமாகிறது. எனவே இறந்த மற்றும் மஞ்சள் இலைகளை நீக்கிவிடுங்கள். செடியை டிரிம் செய்துக்கும்போது, அது நல்ல வளர்ச்சிக்கு வழிவகுக்கிறது. இதனால் செடி அடர்ந்து வளர்கிறது. நீண்டு வளர்வதில்லை. தண்டுகளும் நேராக வளரும்.

பூச்சிக்கொல்லிகள் தாக்காமல் பார்த்துக்கொள்ளுங்கள்

பச்சை மிளகாய்ச் செடிகளில், வெள்ளை ஈக்கள், வண்டுகள் மற்றும் எட்டுக்கால் பூச்சிகள் வர வாய்ப்பு உள்ளது. எனவே உங்கள் செடிகளில் பூச்சிகள் வராமல் பார்த்துக்கொள்ளுங்கள். நீங்கள் ஏதேனும் பூச்சிகளைப் பார்த்தால், தண்ணீர் ஊற்றி அவற்றை தகர்த்துவிடுங்கள் அல்லது ஆர்கானிக் உரங்களை இடுங்கள். வேப்ப எண்ணெய் என்பது இயற்கையானது மற்றும் பாதுகாப்பானது. இது பூச்சிகள் வராமல் காக்கும்.

சரியான நேரத்தில் அறுவடை செய்யுங்கள்

பச்சை மிளகாய் நன்றாக பழுத்தவுடன், நல்ல பசுமை நிறத்திற்கு மாறிவிடும். அதன் வகையைப் பொறுத்து, சிவப்பு நிறத்தில் இருக்கும். இது அறுவடைக்கு ஏற்ற நேரமாகும். கூரான கத்தரிக்கோலைக் கொண்டு, பச்சை மிளகாயை வெட்டியெடுங்கள். சிறிது தண்டை விட்டுவிட்டு வெட்டவேண்டும்.

Whats_app_banner

தொடர்புடையை செய்திகள்

டாபிக்ஸ்

உடல்நலம், அழகு குறிப்புகள், சமையல் குறிப்புகள், பயணம், உடற்பயிற்சி, போன்ற பல கட்டுரைகளை, லைஃப் ஸ்டைல் பிரிவில் படிக்கலாம்.