வகையினம்

தமிழ் செய்திகள் / லைஃப்ஸ்டைல் / பழங்களா? பழச்சாறா? அனைத்து சத்துக்களையும் அளவின்றி அள்ளி வழங்க எது சிறந்தது? 7 நன்மைகள் உள்ளது!

பழங்களா? பழச்சாறா? அனைத்து சத்துக்களையும் அளவின்றி அள்ளி வழங்க எது சிறந்தது? 7 நன்மைகள் உள்ளது!

Priyadarshini R HT Tamil Updated Dec 31, 2024 10:52 AM IST

எங்களை பின் தொடரலாம்

Priyadarshini R HT Tamil

Updated Dec 31, 2024 10:52 AM IST

அதிக ஊட்டச்சத்துக்கள் உள்ளது பழங்களிலா அல்லது பழச்சாற்றிலா? எது என்று பாருங்கள்.

பழங்களா? பழச்சாறா? அனைத்து சத்துக்களையும் அளவின்றி அள்ளி வழங்க எது சிறந்தது? 7 நன்மைகள் உள்ளது!

எங்களை பின் தொடரலாம்

நீங்கள் பழங்களை அப்படியே சாப்பிடவேண்டுமா அல்லது சாறாக பிழிந்து பருகவேண்டுமா? எது நல்லது என்று பாருங்கள். எப்படி சாப்பிட்டால் ஆரோக்கியம் அப்படியே கிடைக்கும் என்று தெரிந்துகொள்ளுங்கள். நீங்கள் பழம் சாப்பிட விரும்பும்போது அவற்றை ஜூஸாக எடுத்துக்கொள்ள அதிகம் விரும்புவீர்கள். ஆனால் அதில் அதிகம் சர்க்கரை இருக்கும். நன்மைகள் குறைவாகத்தான் இருக்கும். ஆனால் முழுப்பழங்களில் சர்க்கரை அதிகம் இருக்காது. மேலும் நன்மைகளும் அதிகம் கொடுக்கும். எனவே பழங்களை அப்படியே சாப்பிடுவதுதான் நல்லது. ஜூஸ் செய்து பருகாமல் நீங்கள் பழங்களை அப்படியே சாப்பிடுவதுதான் நல்லது என்று நிபுணர்கள் அறிவுறுத்துகிறார்கள். நீங்கள் பழங்களை அப்படியே சாப்பிடுவதால் கிடைக்கும் நன்மைகள் என்ன?

நார்ச்சத்துகள் அதிகம்

முழு பழங்களில், ஜூஸ்களில் இருப்பதைவிட அதிக நார்ச்சத்துக்கள் உள்ளது. இது ஆரோக்கியமான எடையை பராமரிக்க உதவுகிறது. செரிமான ஆரோக்கியத்தையும் அதிகரிக்கிறது. பழங்களில் உள்ள தோல்கள் மற்றும் அதன் சதைப்பகுதிகளில் அதிகளவில் முக்கிய ஊட்டச்சத்துக்கள் உள்ளன. பெரும்பாலும் ஜூஸாக்கும்போது இதை நாம் நீக்கிவிடுகிறோம்.

கலோரிகள் உட்கொள்ளும் அளவு

பழச்சாறுகளில் அதிகம் கலோரிகள் இருக்கும். சர்க்கரையும் அதிகம் இருக்கும். முழு பழத்தில் குறைவான அளவுதான் கலோரிகள் இருக்கும். உடல் எடையை பராமரிக்க பழங்களை அப்படியே சாப்பிடவேண்டும். இது உங்களுக்கு வயிறு நிறைந்த உணர்வைத் தரும்.

நீர்ச்சத்துக்கள்

பழங்கள் மற்றும் பழச்சாறுகளில் நீர்ச்சத்துக்கள் அதிகம் உள்ளது. முழு பழங்கள் நீர்ச்சத்துக்களை சமமான அளவு கொடுக்கிறது. இது ஈரப்பதத்தை மெதுவாக வெளியிடுகிறது. நாள் முழுவதும் நீங்கள் நீர்ச்சத்துடன் இருக்க உதவுகிறது. இது உங்கள் சர்க்கரை உட்கொள்ளும் அளவை அதிகரிக்கமால் இதை செய்வதால் உங்களுக்கு நல்லது.

பல் ஆரோக்கியம்

பழச்சாறுகளில் உள்ள அதிக சர்க்கரை உங்களுக்கு அசிட்டியை ஏற்படுத்தும். இது உங்களின் பற்களில் உள்ள எனாமலுக்கு ஆபத்தைக் குறைக்கும். பற்களில் கேவிட்டிகள் ஏற்படும் ஆபத்தை அதிகரிக்கிறது. எனவே முழு பழமாக சாப்பிடும்போது, உங்கள் பற்களின் ஆரோக்கியத்தை அதிகரிக்கிறது. இது வாயில் அதிகம் உமிழ்நீரை சுரக்கச் செய்கிறது. இது உங்கள் உடலில் அமில அளவை முறைப்படுத்துகிறது. இதனால் பற்சிதைவுகள் ஏற்படாமல் காக்கிறது.

ஊட்டச்சத்து அடர்த்தி

முழு பழங்களில் எண்ணற்ற ஊட்டச்சத்துக்கள், மினரல்கள் மற்றும் ஆன்டிஆக்ஸிடன்ட்கள் உள்ளது. பழச்சாறாக்கும்போது ஊட்டச்சத்துக்கள் குறைகிறது. குறிப்பாக தோல் மற்றும் சதைகளில் உள்ள ஊட்டச்சத்துக்கள் கிடைக்காமல் போகும். அதில் தான அதிக ஊட்டச்சத்துக்கள் உள்ளது. அதை சாறாக்கும்போது அது நீக்கப்படும்.

இயற்கை சர்க்கரை

முழு பழத்தில் இயற்கை சர்க்கரை அதிகம் உள்ளது. நல்ல நார்ச்சத்துக்களும் உள்ளது. இது உங்கள் உடல் சர்க்கரையை உறிஞ்சும் அளவை மெதுவாக்குகிறது. ரத்த சர்க்கரை அளவில் உயர்வை தடுக்கிறது. எனினும், பழச்சாறு பருகுவது உங்கள் ரத்தத்தில் சர்க்கரை அளவை திடீரென உயரச் செய்கிறது.

சவித்து சாப்பிடுவது

உணவை விழுங்கும் முன் சவித்து சாப்பிடவேண்டும். உணவை சவித்து சாப்பிடுவது மிகவும் முக்கியம். முழு பழம் என்றால் அதை கட்டாயம் சவித்துதான் சாப்பிடவேண்டும். இது முகத்தில் உள்ள தசைகளுக்கு நல்ல பயிற்சியைக் கொடுக்கிறது. இது உங்கள் வாய்ப்பகுதியின் உள்ளேயும், வெளியேயும் உள்ள தசைகள் நன்றாக இயங்க உதவுகிறது. இது ஈறுகளில் ரத்த ஓட்டத்தை அதிகரிக்கிறது. ஒட்டுமொத்த பற்களின் பாதுகாப்புக்கும் உதவுகிறது.