பழங்கள் : இந்தப் பழங்களில் உள்ள சத்துக்கள் உங்களுக்கு என்ன உதவி செய்கிறது என தெரியுமா?

வாழைப்பழம்

வாழைப்பழத்தில் பொட்டாசியச் சத்துக்கள் நிறைந்துள்ளன. பொட்டாசியச் சத்துக்கள் உங்களின் தசைகள் நல்ல முறையில் இயங்க உதவக்கூடியவையாகும் மற்றும் இது உடற்பயிற்சியின்போது ஏற்படும் வலிகளைத் தடுக்கக் கூடியவை. இவை உங்கள் உடலுக்கு உடனடி ஆற்றலைக் கொடுக்கின்றன. இதை நீங்கள் உடற்பயிற்சிக்கு முன்னர் எடுத்துக்கொள்ளும் ஒரு சிறந்த ஸ்னாக்ஸாக சாப்பிடலாம்.

கொய்யாப் பழம்

கொய்யாப் பழத்தில் அதிகளவில் வைட்டமின் சி சத்துக்கள் உள்ளன. அது உங்கள் தசைகளை சரிசெய்யும் ஒன்றாகும். உங்கள் உடலில் கொலாஜென் உற்பத்திக்கும் உதவுகிறது. இந்த கொலாஜென் என்ற புரதம்தான் தசைகளை சரிசெய்ய உதவுகிறது. இதில் நார்ச்சத்துக்கள் அதிகம் உள்ளது. அது செரிமான ஆரோக்கியத்தை அதிகரிக்கிறது.

மாதுளை

மாதுளையில் ஆன்டி ஆக்ஸிடன்ட்கள் அதிகம் உள்ளன. மாதுளை தசைகளில் ஏற்படும் வீக்கத்தைக் குறைக்கும் தன்மை கொண்டது. கடும் உடற்பயிற்சிகளுக்கு பின்னர் உங்களை சோர்வடையச் செய்யாமல் வைக்கிறது. இது இதய ஆரோக்கியம் மற்றும் ஒட்டுமொத்த உடல் ஆரோக்கியம் என இரண்டுக்கும் உதவுகிறது.

மேலும் வாசிக்க - கோடை காலத்தில் வீட்டில் பல்லி மற்றும் பூச்சிகளை கட்டுப்படுத்துவது எப்படி? இதோ குறிப்புகள்!

மேலும் வாசிக்க - ப்ளாக்ஸ் விதைகளை எப்படி சாப்பிட வேண்டும்? அதன் சாதக பாதகங்கள் என்ன? – ஊட்டச்சத்து நிபுணர் விளக்கம்!

பப்பாளி

பப்பாளியில் பப்பைன் என்ற எண்சைம் உள்ளது.இது புரதச்சத்துக்களை உடைக்க உதவுகிறது. செரிமானத்துக்கு உதவுகிறது. இதில் உள்ள வைட்டமின் ஏ மற்றும் சி சத்துக்கள் திசுக்களை சரிசெய்ய உதவுகின்றன. தசைகளில் உள்ள புண்களையும் குறைக்கிறது.

பேசன் ஃப்ரூட்

பேசன் ஃப்ரூட்டில் அதிகளவில் நார்ச்சத்துக்கள் மற்றும் ஆன்டி ஆக்ஸிடன்ட்கள் உள்ளன. இது செரிமான ஆரோக்கியத்துக்கு உதவுகிறது. மேலும் வீக்கத்தைக் குறைக்கிறது. பேசன் ஃப்ரூட்டில் உள்ள வைட்டமின் சி சத்துக்கள், உங்கள் உடலில் கொலாஜென் உற்பத்திக்கு அவசியமானது. இது உங்கள் தசைகளை சரிசெய்ய உதவுகின்றன.

அவகேடோ

அவகேடோக்களில் அதிகளவில் ஆரோக்கிய கொழுப்புக்கள் நிறைந்துள்ளது. இது உங்கள் தசைகளின் வளர்ச்சிக்கு மிகவும் முக்கியமானது ஆகும். இவை உடலுக்கு தேவையான பொட்டாசியம், நார்ச்சத்துக்கள் மற்றும் வைட்டமின்களைக் கொடுத்து முழு உடல் ஆரோக்கியம் மற்றும் தசைகளின் இயக்கத்துக்கு உதவுகின்றன.

மேலும் வாசிக்க - நீரிழிவு நோயாளிகள், சர்க்கரை வர வாய்ப்புள்ளவர்கள்; இந்த டின்னர் சாப்பிடுங்க – மருத்துவர் சிவராமன் கூறுவது என்ன?

பெரிகள்

ஸ்ட்ராபெரிகள், ப்ளூபெரிகள் மற்றும் ராஷ்பெரிகள் போன்றவற்றில் ஆன்டி ஆக்ஸிடன்ட்கள் அதிகம் உள்ளன. அவை வீக்கத்தை எதிர்த்து போராடுகிறது மற்றும் தசைகளில் ஏற்படும் புண்களைப் போக்குகிறது. இதில் உள்ள அதிகப்படியான நார்ச்சத்துக்கள் மற்றும் வைட்டமின் சி சத்துக்களும் தசைகளை சரிசெய்ய உதவுகிறது.

அன்னாசிப்பழம்

அன்னாசிப்பழத்தில் ப்ரோமெலைன் உள்ளது. இது புரதம் மற்றும் வீக்கத்தைக் குறைக்கும் ஒரு எண்சைம் ஆகும். இதில் வைட்டமின் சி சத்துக்களும் நிறைந்துள்ளன. இது தசைகளின் வளர்ச்சி மற்றும் அவற்றை சரிசெய்யவும் உதவுகின்றன.

சிட்ரஸ் பழங்கள்

ஆரஞ்சகள், எலுமிச்சைகள் மற்றும் கிரேப் பழங்கள் ஆகியவற்றில் வைட்டமின் சி சத்துக்கள் நிறைந்துள்ளன. இது உங்கள் உடலில் நோய் எதிர்ப்பாற்றலை அதிகரிக்கிறது. இது உங்கள் உடலுக்குத் தேவையான நீர்ச்சத்துக்களை வழங்குகிறது. நீங்கள் உடற்பயிற்சி செய்யும்போது உங்களுக்குத் தேவையான ஆற்றலைக் கொடுக்கிறது.