Flat Belly : உடற்பயிற்சியின்றி தட்டையான வயிறைப் பெறவேண்டுமா? வெறும் வயிற்றில் இதை செய்யுங்கள்!

உடல் பருமன்

உடலில் கொழுப்பு அதிகரிக்கும்போது உடல் எடை அதிகரிக்கிறது. உடல் பருமனை நாம் அழகு பிரச்னையாக மட்டும் பார்க்கக்கூடாது. இது மருத்துவ பிரச்னையும் ஆகும். இது பல நோய்கள் மற்றும் உடல் உபாதைகளை அதிகரிக்கிறது.

இது இதய நோய், நீரிழிவு, உயர் ரத்த அழுத்தம், அதிக கொழுப்பு, கல்லீரல் கோளாறுகள், உறக்கப் பிரச்னைகள் மற்றும் சிலவகை புற்றுநோய்களையும் இது ஏற்படுத்துகிறது.

சிலருக்கு உடல் எடையை குறைப்பது மிக சவாலான ஒன்றாக இருக்கலாம். உடல், சூழல், உணவு, உடற்பயிற்சியின்மை, மரபு என உடல் பருமனுக்கு பல்வேறு காரணங்கள் உள்ளன.

உடல் பருமனால் அவதிப்படுபவர்கள் கொஞ்சம் அளவு எடையைக் குறைத்தாலும் அது உடல் ஆரோக்கியத்துக்கு வழிவகுக்கும். ஆரோக்கியமான உணவு, உடற்பயிற்சி, வாழ்வியல் மாற்றங்கள் ஆகிய யாவும் உங்களுக்கு உடல் எடையை குறைக்க உதவுகிறது. உடல் பருமனுக்கு சிகிச்சையளிப்பதில் மருந்து மாத்திரைகளும் இடம் பெறுகின்றன.

ஆனால் இயற்கை வழிகளிலும் உடல் எடையை குறைக்க முடியும். அதற்கு சில பானங்கள் உதவுகின்றன. அவை உங்கள் உடல் எடையை குறைப்பதுடன், உங்கள் உடல் ஆரோக்கியத்துக்கும் வழிவகுக்கின்றன. அதில் ஒன்றை இங்கு தெரிந்துகொள்ளுங்கள்.

உடற்பயிற்சி செய்யாமலே தட்டையான வயிறு வேண்டுமா? இதற்கு இந்த கழிவு நீக்க பானத்தை பருகுங்கள். இதன் மூலம் ஒரு வாரத்தில் 4 கிலோ வரை எடை குறைக்க முடியும்.

தேவையான பொருட்கள்

இளஞ்சூடான தண்ணீர் – ஒரு டம்ளர்

ஆப்பிள் சைடர் வினிகர் – ஒரு ஸ்பூன்

பட்டைப்பொடி – அரை ஸ்பூன்

எலுமிச்சை பழம் – அரை பழத்தின் சாறு

செய்முறை

இளஞ்சூடான தண்ணீர் அல்லது சாதாரண தண்ணீரில் ஒரு ஸ்பூன் ஆப்பிள் சைடர் வினிகர், அரை எலுமிச்சை பழத்தின் சாறு மற்றும் பட்டைப்பொடி என அனைத்தையும் கலந்துகொள்ளவேண்டும்.

இதை வெறும் வயிற்றில் தினமும் காலையில் பருகவேண்டும். ஒரு வாரத்தில் உங்களின் தொப்பை குறைவது கண்கூடாகத்தெரியும். உங்களுக்கு தேவைப்படும் அளவுக்கு இதை எடுத்துக்கொள்ளலாம். இது உங்கள் உடலில் உள்ள கழிவுகளை நீக்குகிறது.

ஆப்பிள் சைடர் வினிகரின் நன்மைகள்

ஆப்பிள் சைடர் வினிகர், ஆப்பிளை நசுக்கி, அதில் ஈஸ்ட், சர்க்கரை என அனைத்தும் சேர்த்து, தயாரிக்கப்படுகிறது. இது உணவுகளில் பயன்படுத்தப்படுகிறது. சாலட்கள், ஊறுகாய்கள் ஆகியவற்றில் பயன்படுத்தப்படுகிறது.

வினிகரில் பொட்டாசியம், மெக்னீசியம், கால்சியம் மற்றும் பாஸ்பரஸ் ஆகிய சத்துக்கள் உள்ளன. சில வகை வினிகரில் ஆன்டி ஆக்ஸிடன்ட்கள் உள்ளது.

ஆப்பிள் சைடர் வினிகரின் நன்மைகள்

ஆப்பிள் சைடர் வினிகர் உடல் எடை குறைக்க உதவுகிறது.

ரத்த சர்க்கரை அளவை குறைக்கிறது.

கொழுப்பை குறைக்கிறது.

ரத்த அழுத்தத்தை குறைக்கிறது.

ஆசிட் ரிஃப்ளக்ஸை தளர்த்துகிறது.

கிருமிகளைக் கொல்கிறது.

சரும ஆரோக்கியத்தை அதிகரிக்கிறது.

தலைமுடி ஆரோக்கியத்தை அதிகரிக்கிறது.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.