Fatty Liver : கல்லீரல் கொழுப்பை குறைக்க உதவும் 5 முக்கிய உணவுகள் – மருத்துவர் கூறுவதைக் கேளுங்கள்!
தமிழ் செய்திகள்  /  லைஃப்ஸ்டைல்  /  Fatty Liver : கல்லீரல் கொழுப்பை குறைக்க உதவும் 5 முக்கிய உணவுகள் – மருத்துவர் கூறுவதைக் கேளுங்கள்!

Fatty Liver : கல்லீரல் கொழுப்பை குறைக்க உதவும் 5 முக்கிய உணவுகள் – மருத்துவர் கூறுவதைக் கேளுங்கள்!

Priyadarshini R HT Tamil
Jan 27, 2025 11:26 AM IST

Fatty Liver : கல்லீரலில் உள்ள கொழுப்பை குறைக்க உதவும் உணவுகள் என்னவென்று பாருங்கள். மருத்துவர் கூறுவதைக் கேளுங்கள்.

Fatty Liver : கல்லீரல் கொழுப்பை குறைக்க உதவும் 5 முக்கிய உணவுகள் – மருத்துவர் கூறுவதைக் கேளுங்கள்!
Fatty Liver : கல்லீரல் கொழுப்பை குறைக்க உதவும் 5 முக்கிய உணவுகள் – மருத்துவர் கூறுவதைக் கேளுங்கள்!

இதுகுறித்து அவர் கூறியதாவது -

கல்லீரல்

நமது உடலில் உள்ள முக்கிய உறுப்புகளில் ஒன்று கல்லீரல். இது உடலுக்கு கிடைக்கும் ரத்தத்தில் உள்ள நச்சுக்களை வெளியேற்றி, ஆரோக்கியமான ரத்த சர்க்கரை அளவை பராமரித்து, ரத்தம் உறைதலை முறைப்படுத்தி, உடலுக்கு தேவையான பல்வேறு முக்கிய பணிகளை செய்கிறது. இது உடலின் வலது புறத்தில் வயிற்றுப்பகுதியில் உள்ளது.

நமது உடலில் கல்லீரல் 500க்கும் மேற்பட்ட வேலைகளை செய்கிறது. ரத்த ஓட்டத்தில் உள்ள நச்சுக்களை அகற்றுகிறது. ரத்த சர்க்கரை அளவை பராமரிக்க உதவுகிறது. ரத்தச்சர்க்கரை அளவை கட்டுப்படுத்துகிறது.

அல்பியூமின் உற்பத்தி

அல்பியூமின் என்ற புரதம், அருகில் உள்ள செல்களுக்கு ரத்தத்தில் உள்ள திரவங்கள் கசிந்துவிடாமல் காக்க உதவுகிறது. இது ஹார்மோன்கள், வைட்டமின்கள் மற்றும் என்சைம்களை உடல் முழுவதும் சுமந்து செல்கிறது.

பித்த உற்பத்தி

செரிமானத்துக்கு உதவக்கூடிய திரவம்தான் பித்தம், சிறு குடலில் உள்ள கொழுப்பை உறிஞ்சவும் உதவுகிறது.

ரத்தத்தை வடிகட்டுகிறது

வயிறு மற்றும் குடலில் இருந்து வெளியேறும் ரத்தம், கல்லீரல் வழியாக செல்கிறது. நச்சுக்களையும் மற்ற நச்சுப்பொருட்களையும் வெளியேற்றுகிறது.

அமினோ அமிலங்களை பராமரிக்கிறது

அமினோ அமிலங்களைப் பொறுத்துதான் புரத உற்பத்தி உள்ளது. அமினோ அமிலங்கள் அளவை ரத்தத்தில் ஆரோக்கியமான அளவு வைத்திருப்பதை கல்லீரல் உறுதிப்படுத்திகிறது.

ரத்த உறைதல் ஏற்படாமல் தடுக்கிறது

வைட்டமின் கேவை பயன்படுத்திதான், ரத்தத்தை உறையச்செய்யும் உட்பொருட்கள் உருவாகிறது. அது கல்லீரல் உற்பத்தி செய்யும் பித்தம் என்ற திரவத்தால் மட்டுமே உறிஞ்சப்படுகிறது.

தொற்றுகளை தடுக்கிறது

ரத்தத்தில் உள்ள பாக்டீரியாக்களை நீக்குகிறது.

வைட்டமின் மற்றும் மினரல்களை சேமிக்கிறது

வைட்டமின் ஏ, டி, இ, கே, பி12, இரும்பு மற்றும் காப்பர் சத்துக்களை போதிய அளவு சேமித்து வைக்கிறது.

குளுக்கோஸ்

ரத்தத்தில் உள்ள அதிகளவு குளுக்கோஸை நீக்குகிறது. அதை க்ளைகோஜென்களாக மாற்றுகிறது. தேவைப்படும்போது அது க்ளைகோஜென்களை குளுக்கோஸாக மாற்றும்.

கல்லீரலை ஆரோக்கியமாக பராமரிப்பது எப்படி?

போதை

போதை பொருட்களையும் கல்லீரல் கட்டாயம் வடிக்க வேண்டும். அதனால் நீண்ட காலம் போதை பழக்கத்தில் இருந்தால், அது கல்லீரலை சேதப்படுத்தும்.

மது

மதுவையும் கல்லீரல்தான் வடிகட்டவேண்டும். எனவே குறிப்பிட்ட அளவு ஆல்கஹால் எடுத்துக்கொள்வது உடலுக்கு நல்லது. அதிகம் எடுத்துக்கொண்டால் கல்லீரல் சேதமடையும்.

வழக்கமான உடற்பயிற்சி

உடலின் ஒவ்வொரு உறுப்பின் ஆரோக்கியத்துக்கும், வழக்கமான உடற்பயிற்சி கட்டாயம் வேண்டும்.

பாதுகாப்பான உடலுறவு

பாலியல் நோய்களில் இருந்து உங்களை பாதுகாத்துக்கொள்ள பாதுகாப்பாக செக்ஸ் வைத்துக்கொள்வது நல்லது.

நோய் தடுப்பூசி

பயணங்களின்போது போதிய தடுப்பு மருந்துகளை எடுத்துக்கொள்ள வேண்டும். மலேரியா, மஞ்சள் காய்ச்சல் உள்ளிட்டவை கல்லீரல் தொற்றுகளால் ஏற்படக்கூடியவை.

உடல் பருமன் கொண்டவர்கள் கல்லீரல் கொழுப்பை தவிர்க்க முடியவில்லை. கல்லீரலின் மேலே படிந்துள்ள ஒரு கொழுப்பு படிவத்தை கல்லீரல் கொழுப்பு என்று கூறுகிறோம். ஃபேட்டி லிவர் கொண்டவர்களுக்கு ரத்தத்திலும் கொழுப்பு சமமின்மையாக இருக்கும்.

அதற்கு நாம் எடுத்துக்கொள்ள வேண்டிய உணவுகள் என்ன?

நீர்க்காய்கறிகள்

நீர்க்காய்கறிகளான ’காய்’ என முடியும் காய்கறிகள்தான். பாகற்காய், சுரைக்காய், புடலங்காய், பூசணிக்காய், பரங்கிக்காய் உள்ளிட்ட நீர்க்காய்கறிகளில் வைட்டமின் ஏ, பி, சி, டி, கே என்பதுடன், ஃபோலிக் அமிலம், இரும்புச்சத்துக்கள், மெக்னீசியம் மற்றும் மாங்கனீஸ் போன்ற சத்துக்களும் நிறைந்துள்ளது. இவை கல்லீரலின் மேலே படிந்துள்ள கொழுப்பையும், ரதத்ததில் உள்ள கொழுப்பையும் கரைத்து வெளியேற்றிவிடுகிறது.

வெள்ளரிக்காய்

இன்று அனைத்து கழிவு நீக்க பானங்களிலும் வெள்ளரிக்காய் சேர்க்கப்படுகிறது. உடலில் உள்ள கொழுப்பை கரைக்கக் கூடியதாக உள்ளது. கல்லீரல் மற்றும் சிறுநீரகத்தில் உள்ள கொழுப்பை கரைத்து வெளியேற்றும் தன்மை வெள்ளரிக்காய்க்கு உள்ளது.

தக்காளி

குளோரின் 51 மில்லி கிராம், சல்ஃபர் 11 மில்லி கிராம் உள்ளது. இவையிரண்டும் கல்லீரல் மற்றும் ரத்தத்தில் உள்ள கொழுப்பை குறைக்கக்கூடிய தன்மை கொண்டதாக உள்ளது. அதில் உள்ள விதைகளை நீக்கி பயன்படுத்திக்கொள்ளலாம்.

பூண்டு

ரத்த குழாய்களில் உள்ள அடைப்பைக் தடுக்கவேண்டுமென்றால், பூண்டில் உள்ள இயற்கை குணமாக உயிர் வேதியியல் பொருள், ரத்த அடர்த்தியைக் குறைக்கும். எண்ணெய் போன்ற ரத்தத்தை தண்ணீராக்கும் தன்மை பூண்டுக்கு உள்ளது. ரத்தத்தில் உள்ள கொழுப்பைக் குறைத்து, தண்ணீராக்கும் தன்மை பூண்டுக்கு உள்ளது. பூண்டை வேகவைத்து சாப்பிடலாம். தினமும் பூண்டு கட்டாயம் உணவில் சேர்த்துக்கொள்ளவேண்டும்.

கிரீன் டீ

கிரீன் டீயில் கல்லீரல் கொழுப்பு 75 சதவீதம் குறையும் வாய்ப்பு கிரீன் டீக்கு உள்ளது என்று ஆய்வுகள் கூறுகிறது. இதில் உள்ள ஆன்டி ஆக்ஸிடன்ட் மற்றும் பாலிஃபினால் குணங்கள் அதற்கு உதவுகிறது.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே உங்கள் உடல் அமைப்புக்கு ஏற்ப தேவையான பிரச்னைகளுக்கு தேவையான மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.

Whats_app_banner

தொடர்புடையை செய்திகள்

டாபிக்ஸ்

உடல்நலம், அழகு குறிப்புகள், சமையல் குறிப்புகள், பயணம், உடற்பயிற்சி, போன்ற பல கட்டுரைகளை, லைஃப் ஸ்டைல் பிரிவில் படிக்கலாம்.