Novel fruit : ஹீமோகுளோபின் அளவை அதிகரிக்க.. கண் பிரச்சனையை போக்க.. உடல் எடையை குறைக்க நாவல் பழம் சாப்பிடுங்கள்!

நாவல் பழம் பொதுவாக காடுகளில் விளையும் இப்பழம் சமீபகாலமாக தோட்டங்களிலும் வளர்க்கப்படுகிறது. பருவமழைக் காலத்தில் அதிகம் கிடைக்கும் நாவல் பழத்தில் ஏராளமான சத்துக்கள் நிறைந்துள்ளன. இதில் பல்வேறு வைட்டமின்கள் இருந்தாலும், வைட்டமின் ஏ மற்றும் வைட்டமின் சி அளவு அதிகமாக உள்ளது.

உடல் வெப்பம் கட்டுப்படும்

நாவல் பழத்தில் பல வைட்டமின்கள் மற்றும் இரும்பு மற்றும் பொட்டாசியம் உள்ளிட்ட பல தாதுக்கள் உள்ளன. இந்த குளிர்ச்சியான பழம் பொதுவாக மே மற்றும் ஜூன் மாதங்களில் வளரும். இதனை உண்பதால் உடல் வெப்பம் கட்டுப்படும். இந்த பழத்தில் நிறைய நீர்ச்சத்து இருப்பதால், உடலை நீரேற்றமாக வைத்திருக்கும்.

நாவல் பழங்கள், இலைகள் மற்றும் விதைகள் நீரிழிவு நோயாளிகளுக்கு மிகவும் பயனுள்ளதாக இருக்கும். இதன் இலைகள், விதைகள் மற்றும் தண்டு ஆகியவை சர்க்கரை நோய்க்கான மருந்துகளை தயாரிக்க பயன்படுகிறது.

கண் பிரச்சனைகளையும் குணப்படுத்துகிறது

இதை சாப்பிடுவதால் வயிற்று வலி மற்றும் மூட்டுவலி தொடர்பான பல பிரச்சனைகள் குணமாகும்.இந்த பழம் இதய நோய், தோல் தொடர்பான பிரச்சனைகள் மற்றும் கண் பிரச்சனைகளையும் குணப்படுத்துகிறது.நாவல் பழத்தை சாப்பிடுவதால் ஹீமோகுளோபின் அளவும் அதிகரிக்கிறது. உடலில் ஹீமோகுளோபின் இல்லாவிட்டால், உடல் பலவீனமாகி, நாள் முழுவதும் சோர்வாக இருக்கும்.

இந்திய ப்ளாக்பெர்ரி அல்லது ஜாவா பிளம் என்றும் அழைக்கப்படும் நாவல் பழம், இந்தியா மற்றும் தென்கிழக்கு ஆசியாவைச் சேர்ந்த வெப்பமண்டலப் பழமாகும். இது அதன் ஆழமான ஊதா சாயல் மற்றும் தனித்துவமான சுவைக்காக நன்கு அறியப்பட்டதாக உள்ளது. இனிப்பு மற்றும் புளிப்பு சுவைகளின் கலவையாக இருப்பதோடு பல்வேறு விதமான ஆரோக்கிய நன்மைகளையும் கொண்டுள்ளது.

குறைந்த கலோரி பழம்

நாவல் பழத்தில் அத்தியாவசிய ஊட்டச்சத்துக்கள் ஏராளமாக நிறைந்துள்ளன. இதில் வைட்டமின்கள் சி மற்றும் ஏ அதிகமாக உள்ளது. போதிய அளவில் பொட்டாசியம், கால்சியம் மற்றும் இரும்புச்சத்துக்களை கொண்டுள்ளது. இதில் டயட்ரி நார்ச்சத்து, ஆக்ஸிஜனேற்றிகள் மற்றும் பாலிபினால்கள் உள்ளன. 100 கிராம் நாவல் பழத்தில் 60 கலோரிகள் இருக்கின்றன. எனவே எடை மேலாண்மைக்கு ஏற்ற குறைந்த கலோரி பழம் என்று ஊட்டச்சத்து நிபுணர்கள் கூறுகிறார்கள்.

குறைந்த கலோரி பழமாக இருப்பதால், உடல் எடையை நிர்வகிக்க சிறந்த பழமாக உள்ளது. ஒரு கப் நாவல் பழத்தில் சுமார் 35 கலோரிகள் மட்டுமே உள்ளன. எனவே உங்கள் கலோரி இலக்குகளைத் தடுக்காமல், தினசரி காலை உணவில் இதை சேர்த்து கொள்ளலாம்.

அதிக அளவு நார்ச்சத்து உள்ளது

நாவல் பழத்தில் அதிக அளவு நார்ச்சத்து உள்ளது. நார்ச்சத்து இதனால் நீண்ட நேரம் வயிறு நிரம்பிய உணர்வு ஏற்படுகிறது. இதனால் கூடுதல் கலோரிகளை மேலும் உட்கொள்வதை கட்டுப்படுத்த உதவுகிறது, இதனால் எடை இழப்புக்கு உதவுகிறது.

குறைந்த கிளைசெமிக் குறியீடு கொண்ட பழமாக இருப்பதால் ரத்த சர்க்கரை அளவைக் கட்டுப்படுத்த உதவுகிறது, இதன் மூலம் இன்சுலின் ஸ்பைக் மற்றும் கொழுப்புச் சேமிப்பைத் தடுக்கிறது உணவுகளை மெதுவாக ஜீரணமாகி, ரத்தத்தில் சர்க்கரை அளவு அதிகரிப்பதைத் தடுக்கிறது.

இது எடை இழப்புக்கு வழிவகுக்கும்

வளர்சிதை மாற்ற செயல்பாட்டை மேம்படுத்தும் என கூறப்படும் கேலிக் அமிலம் மற்றும் எலாஜிக் அமிலம் போன்ற சில கலவைகள் நாவல் பழத்தில் உள்ளன. ஒழுங்கான வளர்சிதை மாற்றம் உங்கள் உடல் கலோரிகளை திறமையாக எரிக்க முடியும் என்று உறுதியளிக்கிறது, இது எடை இழப்புக்கு வழிவகுக்கும். மேலும், நாவல்பழத்தில் உள்ள ஆன்டி-ஆக்ஸிடன்ட்கள், மெட்டபாலிசத்தை அதிகரிக்க உதவுகிறது, கொழுப்பை திறம்பட எரிக்க உதவுகிறது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.