கஷ்டப்பட்டு கடுமையாக படிக்கவேண்டாம்; Smart Studyயும், வேகமாக படிக்கவும் இதோ 10 வழிகள்!

தெளிவான இலக்குகளை நிர்ணயித்துவிடுங்கள்

நீங்கள் படிக்கவேண்டிய பாடங்களை பிரித்துக்கொள்ளுங்கள். குறிப்பிட்ட மற்றும் அளவிட முடிந்த இலக்குகளை நிர்ணயித்துக்கொள்ளுங்கள். ஒவ்வொரு மணி நேரத்துக்கும் எவ்வளவு படிக்கவேண்டும் என பிரித்து அவற்றை சரியாக படித்து முடியுங்கள்.

படிப்பு அட்டவணையை தயாரித்துக்கொள்ளுங்கள்

உங்கள் படிப்பு நேரத்தை முன்னதாகவே திட்டமிடுங்கள். பல்வேறு பாடங்களுக்கும் சமமாக நேரம் ஒதுக்கிக்கொள்ளுங்கள். இடையில் உங்களுக்கான இடைவெளியையும் கட்டாயம் எடுத்துக்கொள்ளுங்கள்.

முக்கிய தலைப்புகளுக்கு முன்னுரிமை

தேர்வில் முக்கியமான பாடங்களுக்கு முன்னுரிமை கொடுத்து, அவற்றில் அதிக கவனம் செலுத்தி படியுங்கள். மேலும் உங்களுக்கு எதில் அதிக பயிற்சி தேவைப்படுகிறதோ அதற்கு முக்கியத்துவம் கொடுங்கள்.

மீண்டும் படிப்பது

நீங்கள் படிப்பது எவ்வளவு முக்கியமோ அதே அளவுக்கு நீங்கள் அதை மீண்டும், மீண்டும் நினைவுபடுத்திக்கொள்ளவேண்டும். படித்தவுடன் உங்களின் நினைவாற்றல் எத்தனை வலுவாக உள்ளது என்பதை சோதித்து பார்க்க மீண்டும் நினைவு கூறுங்கள்.

அவ்வப்போது நினைவுபடுத்திக்கொள்வது

நீங்கள் படித்த பாடங்களை நீங்கள் குறிப்பிட்ட இடைவெளியில் மீண்டும், மீண்டும் படியுங்கள். இது உங்களுக்கு படித்தவை மறந்துபோவதைத் தடுக்க உதவும்.

விசுவல் பாடங்களை பயன்படுத்துங்கள்

டையகிராம்கள், மைண்ட் மேப்கள், ஃபிளாஷ் கார்டுகள் என உங்களின் கடினமான பாடங்களை பிரித்து சிறிய அளவில் புரிந்துகொள்ள ஏதுவானதாக மாற்றிக்கொள்ளுங்கள். இதனால் சிக்கலான பாடங்கள் எளிதில் புரியும்.

இடைவெளி எடுத்துக்கொள்ளுங்கள்

அரை மணி நேரத்துக்கு ஒருமுறை சிறிய இடைவெளி எடுத்துக்கொள்ளுங்கள். இது உங்களின் கவனத்தை அதிகரிக்கும். மேலும் உங்களை ரீசார்ஜ் செய்ய உதவும்.

இடையூறுகளை குறைத்துக்கொள்ளுங்கள்

அமைதியான சூழலில் அமர்ந்து படியுங்கள். அறிவிப்புக்களை குறைத்துக்கொள்ளுங்கள். படிக்கும் நேரத்தில் நேரம் செட் செய்துகொண்டு, கவனம் செலுத்தி படியுங்கள்.

முன்னாள் ஆண்டுகளின் கேள்வித்தாள்களை கட்டாயம் படித்து முடித்து விடுங்கள் 

கடந்த ஆண்டுகளின் கேள்வித்தாள்களை பாருங்கள். அதில் உள்ள கேள்விகள் மற்றும் பதில்களை படித்துக்கொள்ளுங்கள். தேர்வு ஃபார்மட்களை தெரிந்துகொள்ளுங்கள் மற்றும் நீங்கள் முன்னேற்றிக்கொள்ள வேண்டிய விஷயங்களில் கவனம்செலுத்துங்கள்.

வேகமாக படிக்க மூளையை அடிப்படையாகக் கொண்ட படிக்கும் நுட்பங்கள் என்ன?

நீங்கள் கற்கும் விதத்தில் புதுமையை புகுத்துங்கள். நீங்கள் சில நியூரோ அறிவியல் நுட்பங்களைப் பயன்படுத்தி, உங்கள் நினைவாற்றலை அதிகரித்துக்கொள்ளுங்கள்.

படித்தவற்றை அவ்வப்போது மீண்டும், மீண்டும் நினைவு கூறுங்கள். இதனால் உங்களின் நீண்ட கால நினைவாற்றல் திறன் அதிகரிக்கும். உங்களின் தலைப்புகளை அவ்வப்போது மீண்டும் நினைவுகூறுங்கள். ஒரேடியாக சேர்த்து வைத்துக்கொண்டு படிக்காதீர்கள்.

நீங்கள் படிக்கும்போது, ஒவ்வொரு பாடத்திலும் கொஞ்சம் என இடைவெளி எடுத்துக்கொண்டு படியுங்கள். இது உங்களின் பிரச்னைகளை தீர்க்கும் திறனை அதிகரிக்கும். இதனால் உங்கள் மூளைக்கு எப்போதும் வேலை இருக்கும்.

நீங்கள் படித்தவற்றை மற்றவர்களுடன் பகிர்ந்துகொள்ளுங்கள். இதனால் புரிதல் அதிகரிக்கும்.

விசுவலாக கற்பவர்களுக்கு மைண்ட் மேப்களை உபயோகியுங்கள். யோசனைகளை ஒன்றிணைத்து தொடர்புகளை தெளிவாக புரிந்துகொண்டு படியுங்கள்.

கற்கும்போது கொஞ்சும் நடை அல்லது ஏதேனும் செயல். ஏதேனும் பாடங்களை கேட்கும்போது நடந்துகொண்டே கேட்பது உங்களின் கவனத்தை அதிகரிக்கும்.

எனவே மாணவர்களே இந்த உத்திகளைப் பயன்படுத்தி, உங்கள் படிக்கும் திறனை மேம்படுத்திக்கொண்டு, நீங்கள் தேர்வுகளில் அதிக மதிப்பெண்கள் பெறுவதற்கு வாழ்த்துக்கள்.