குளிர்காலத்தில் வயிற்று வலி அதிகரிக்கிறதா.. இதோ இந்த வீட்டு வைத்தியத்தை செய்து பாருங்களேன்!

வயிற்று வலி குறைவதோடு, இரைப்பை பிரச்னையும் குறையும். வாயுக் கோளாறும் குறையும். 

வாயு பிரச்னைக்கு வீட்டு வைத்தியம்:

புதினா: புதினா வாயு மற்றும் அஜீரணம் போன்ற செரிமான பிரச்னைகளில் இருந்து விடுபட உதவி செய்யும். புதினா இலைகளின் சாறு வாயுவால் உடலில் உண்டாகும் வலியைப் போக்குகிறது. இது நெஞ்செரிச்சல் மற்றும் அமிலத்தன்மையையும் குறைக்கிறது.

புதினா பயன்படுத்தினால் அசிடிட்டி பிரச்சனை குறையும். புதிய புதினா இலைகளை ஒரு நாளைக்கு ஐந்து முறை எடுத்துக் கொள்ளுங்கள். அவற்றை உப்புடன் கலந்து மெதுவாக மென்று சாப்பிடவும். அந்த சாற்றை விழுங்கவும். இந்த எளிய வைத்தியத்தை செய்து வந்தால் வயிற்றில் ஏற்படும் வாயுவால் உண்டாகும் வலி நீங்கும்.

கொத்தமல்லி விதைகள்: கொத்தமல்லி கீரைகள் பல்பொருள் அங்காடிகளில் பரவலாகக் கிடைக்கின்றன. கொத்தமல்லி விதைகளும் கிடைக்கின்றன. வயிற்றில் வாயுவால் ஏற்படும் வலியைக் குறைப்பதில் இது திறம்பட செயல்படுகிறது. இந்த கரைசலைத் தயாரிக்க, ஒரு டீஸ்பூன் கொத்தமல்லி விதைகளை வெதுவெதுப்பான நீரில் கலந்து உட்கொள்ளுங்கள்.

அதற்குப் பிறகு, உங்கள் இடதுபுறம் திரும்பி சிறிதுநேரம் படுத்துக் கொள்ளுங்கள். இந்த வீட்டு வைத்தியம் செய்து வந்தால் வயிற்று வலி நீங்கும்.

கிராம்பு எண்ணெய்:

கிராம்பு எண்ணெய் வாயு, அஜீரணம் போன்ற செரிமானப் பிரச்னைகளைப் போக்க உதவுகிறது. இந்த எண்ணெய் செரிமான நொதிகளைத் தூண்டுவதன் மூலம் குடலில் வாயு உருவாவதால் ஏற்படும் அசௌகரியத்தை குறைக்கிறது.

கிராம்பின் கார்மினேட்டிவ் விளைவு இரைப்பைக் குழாயில் வாயு உருவாவதைத் தடுக்கிறது. இந்த கரைசலைத் தயாரிக்க, காலையில் ஒரு கிளாஸ் தண்ணீரில் சில துளிகள் கிராம்பு எண்ணெயை சேர்த்து குடிக்கவும்.

மேலே குறிப்பிட்டுள்ள அனைத்து வீட்டு வைத்தியங்களையும் பின்பற்றுவது மிகவும் எளிதானது. நீங்கள் தினமும் வாயு பிரச்னையால் பாதிக்கப்பட்டால் இவற்றைப் பின்பற்றவும். வாயு பிரச்னை காரணமாக வயிற்று வலி கடுமையாக இருந்தால் இந்த உதவிக்குறிப்புகளில் ஒன்றை முயற்சிக்கவும். நல்ல பலன் கிடைக்கும்.

பொறுப்பு துறப்பு:

இந்தக் கட்டுரையில் உள்ள எந்தவொரு தகவல்கள்/பொருள்/ நம்பகத்தன்மைக்கு எந்த விதமான உத்திரவாதமும் இல்லை. இதில் குறிப்பிட்டுள்ள தகவல்கள் அனைத்தும் பல்வேறு ஊடகங்கள்/ மருத்துவர்களின் ஆலோசனைகள்/பாட்டி வைத்தியங்கள் ஆகியவற்றில் இருந்து சேகரித்து உங்களுக்கு தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக் கொள்வது பயனர்களின் பொறுப்பாகும்.