Dentistry: ‘உறங்கும் முன் பல் துலக்கவில்லையா? இதயத்திற்கு ஆபத்து..’ டாக்டர் சொல்லும் 3 விஷயங்கள்!

மேலும் படிக்க | இதய நோய்: பெண்கள் கவனிக்க வேண்டிய முக்கிய அறிகுறிகள்.. விரிவாக விளக்கும் டாக்டர்!

வாய்வழி ஆரோக்கியம் மற்றும் இதய ஆரோக்கியம் இடையேயான தொடர்பு

டாக்டர் ஷெட்டி மேலும் கூறுகையில், ‘‘படுக்கைக்கு முன் உங்கள் வாய் சுகாதாரத்தை கடைபிடிக்கிறீர்களா என்பதை எனக்குத் தெரியப்படுத்துங்கள்! விழிப்புணர்வைப் பரப்புவதற்காக இதை உங்கள் குடும்பத்தினர் மற்றும் நண்பர்களுடன் பகிர்ந்து கொள்ளுங்கள்.” என்று வீடியோவில், டாக்டர் சௌரப் செட்டி, கூறியுள்ளார். தூங்கும் முன் தினமும் பல் துலக்குவது உங்கள் இதய ஆரோக்கியத்தில் குறிப்பிடத்தக்க தாக்கத்தை ஏற்படுத்தும். மேலும் வாய் சுகாதாரம் குறைவாக இருப்பது இதய நோய் மற்றும் இதய செயலிழப்பு ஆகியவற்றின் அதிக ஆபத்துடன் தொடர்புடையது என்றும் விளக்கினார்.

மேலும் படிக்க | தினமும் இரவில் பல் துலக்கா விட்டால் ஏற்படும் பிரச்சனைகள் என்ன தெரியுமா?

அவர் கூறிகையில், “நீங்கள் தூங்கும் முன் பல் துலக்கவில்லை என்றால், உங்களுக்கு இருதய நோய் ஏற்படும் அபாயம் அதிகம். ஆய்வுகள் வாய் சுகாதாரம் குறைவாக இருப்பது இதய நோயின் அதிக ஆபத்துடன் தொடர்புடையது என்பதைக் காட்டுகின்றன. மேலும் இதோ இந்த மூன்று விஷயங்களை நினைவில் கொள்ளுங்கள்..” என்றார்.

நீங்கள் தெரிந்து கொள்ள வேண்டிய 3 விஷயங்கள்

1. “வாயில் இருக்கும் பாக்டீரியா இரத்த ஓட்டத்தில் நுழைந்து, வீக்கத்தை ஏற்படுத்தி, காலப்போக்கில் இதயத்தை பாதிக்கலாம்,” என்று டாக்டர் சௌரப் செட்டி கூறினார்.

2. “ஈறு நோய், இது வாய் சுகாதாரம் குறைவாக இருப்பதன் நேரடி விளைவாகும், இது இருதய பிரச்சனைகளின் அதிகரித்த அபாயத்துடன் தொடர்புடையது.”

3. “ஆய்வுகள் காட்டுகின்றன, தினமும் பல் துலக்குபவர்கள் மற்றும் பல் சுத்தம் செய்பவர்கள் ஆரோக்கியமான இதயத்தையும், இதய நோய்களின் குறைந்த அபாயத்தையும் கொண்டுள்ளனர். எனவே, உங்கள் வாய் சுகாதாரத்தை கடைபிடிப்பது உங்கள் இதயத்தை ஆரோக்கியமாக வைத்திருக்க எளிதான வழிகளில் ஒன்றாகும்.”

ஒவ்வொரு இரவும் பல் துலக்குவதை உங்கள் தினசரி வழக்கத்தில் சேர்ப்பதன் மூலம், மரணத்தை ஏற்படுத்தும் நோய்களிலிருந்தும், இதய செயலிழப்பிலிருந்தும் உங்கள் இதயத்தைப் பாதுகாக்க உதவலாம் என்று டாக்டர் சௌரப் செட்டி கூறுகிறார்.

மேலும் படிக்க | Garlic Benefits : உணவில் தினமும் 4 முதல் 6 பற்கள் பூண்டு சேர்க்கவேண்டும்! அதற்கு உதவும் எளிய வழியைப் பாருங்கள்!

வாசகர்களுக்கான குறிப்பு: இந்தக் கட்டுரை தகவல் நோக்கத்திற்காக மட்டுமே, தொழில்முறை மருத்துவ ஆலோசனைக்கு மாற்றாக இல்லை. மருத்துவ நிலை குறித்து ஏதேனும் கேள்விகள் இருந்தால், எப்போதும் உங்கள் மருத்துவரின் ஆலோசனையைப் பெறுங்கள்.